الأربعاء، 14 مايو 2008

الحرافيش


وقعت فى هوى روايه الحرافيش من اول سطر بل اقول وقعت فى هوى الحرافيش نفسهم و الحرافيش فى نظر
المؤرخين هم "اوباش العامه الذين يحترفون الوظائف الدنيا"..ولكن هذا لم يمنع ابن بطوطه بان يصفهم بانهم اهل صلابه..استطاعوا ان يهددوا نفوذ السلاطين فى بعض الاحيان
ارجع لروايه الحرافيش و هى بوابه لعالم ساحر يبدو فى الظاهر مخالفا تماما لواقعنا و لكنك اذا تمعنت لوجدت الناس هم نفسهم حرافيش نجيب محفوظ الذين يحلمون بالعدل و يقدسون القوه( و ان لم تكن فيهم)..يثورون حينا و يستكينون دهرا..بالله عليكم اليس هذا حالنا جميعا
لكن الروايه تنتهى بالامل و تعد هؤلاء الذين يخوضون الحياه ببراءه الاطفال و طموح الملائكه
بالجائزه الكبرى..خروج الشيخ من التكيه بنفسه ليهديهم القوت و القوه ..التوت و النبوت



والشيئ بالشيئ يذكر ..التكيه هى بناء ظهر فى عهد العثمانين يجمع بين وظيفه الخانقاه التى توؤى الصوفيه وبين ايواء الفقراء و المساكين... لذلك نراها عند نجيب محفوظ مكان مقدس لا يمكن الدخول له بل هو جائزه الصابرين بينما فى المثل الشعبى نشير الى اى مكان بلا ضابط و لا رابط و المال بدون صاحب فنقول تكيه

للامانه العلميه و الادبيه و كل الامانات حتى امانه الحزب الوطنى .. وصف المدونه بالنص من
روايه الحرافيش لنجيب محفوظ

هناك 8 تعليقات:

إبـراهيم ... يقول...

بعتبر نفسي عملت إن جاااااااز حينما أتعثر بمدونة جديدة، ممممممممم
ولما يكون تعليق أول كمان، تبقى برافو عليا
...........
أهلاً بيكي يا دكتورة مهرة في عالم التدوين الصخب العنيف المربك ...

نتمنى أن نقضي عندك أوقات جميلة ولذيذة وحلوة ..........
وفي انتظـار جديدك دااائمًا
****************
عن الحرافيش:
بصراحة لم أقرأ الرواية، لكني أنتظر ماستكتبيه
في التدوين : ياريت بقى الخط يكبر شوية، وسعادتك تحذفي الـ حروف اللي لازم نكتبها عشان نعلق دي
وفي انتظارك

Layla يقول...

الحرافيش رزاية ملحمية غنية بالاحداث و الشخصيات..قرتها مرتين وعمري ما بزهق منها

اختيار رائع لاسم المدونة..بالتوفيق يا دكتورة

:)

mohra يقول...

ابراهيم
شكرا جدا للملاحظات..انا صلحتها و يا ريت تقولى على اى حاجه تانيه..لو قريت الحرافيش اكيد هتعجبك

m@rv3l
شكرا جزيلا و يا ريت تشاركوا في الاستطلاع

واحد وبيتكلم يقول...

مدونه اكتر من رائعه

mohra يقول...

واحد وبيتكلم
ربنا يخليك يا رب :)

نصر عبدالحميد - شاعر العامية المنسى يقول...

اهلا و سهلا ومرحبا ومدونتك نورها غطى ع الكهربا ياطبيبه يامودبا ومهذبا ,,,,
انت مهره الطبيبه البشريه
جديده فى عالم التدوين يامرحبا(بلاش طحن)
ومع الاستمرار سوف تعرف وتحترفى كيفية التعامل مع المدونه والمدونات وسنظل نتعلموعلى راى المثل يموت المعلم ولا يتعلم
والسلام عليكم ورحمة الله
مدونة مواطن مصرى اصيل
http://nasrham.blogspot.com

mohra يقول...

مواطن مصرى اصيل
الزجل الجميل ده لى ؟؟شكرا جزيلا لتشجيعك اللى دمه خفيف

نصر عبدالحميد - شاعر العامية المنسى يقول...

مواطن مصرى أصيل مواليد برج النيل
جيت اسأل عن حرافيش عصرنا اخواتنا اللى
ساكنين مواقع جنبنا ومانستغناش عن بعضنا
وانا سبق وجيت هنيت ووقفت ادام البيت وبعد كده استنيت الحرافيش يردوا زيارتنا وتيجى على باب بيتنا وتزور مدونتنا... وعلى رأى المثل!!!! عموما قلت خليك انت الكبير وأسأل تانى واهو كله بثوابه واليك
اجمل تحيه من شاعر العاميه نصر عبد الحميد
hhttp://www.nasrabdelhamid.blogspot.com
http://www.nasrham.maktoobblog.com