الاثنين، 20 أكتوبر 2008

من وحى البعكوكه

البعكوكه مريضه و مصابه بنوبات صرعيه خطيره و لانى اهواها فانى لم اطق صبرا و صرت طريحه الفراش انا الاخرى اتذكر ايامى معها

*******************

اذهب الى الميكانيكى فاطلب ضبط الزوايا و لكنه ينصح بالكشف على العجل اولا فاوافق و لكنى اصر على ضبط الزوايا فيجيبنى زى ما تحبى ...سيام (ايون بالميم)

*******************

تغرقنى تلك التعاسه و انا وحدى فى البعكوكه هى لا تكف عن الانتفاض كأنها طفل ينشج بالبكاء وانا جالسه ابكى فى صمت بينما نستمع الى عمر خيرت..كم نتوحد فى مشاعرنا انا و بعكوكتى الصغيره اللطيفه و تسألنى

لما تبكين؟؟

لانى اسمع عمر خيرت

لما تستمعين له اذا؟؟

ابتسم و ارد....لكى ابكى




يا من خلقت الدمع رفقا منك بالباكى الحزين




بارك لعبدك فى الدموع فانها نعم المعين



*********************

تصاحبى صديقتى فلا اجد بدا من ان اغير ما اسمعه الى نجوم اف ام و لااركز مع ذلك الضجيج المتواصل و اندمج فى الحوار مع صديقتى الى ان ان يشد انتباهى لحنا ذكرنى بالحان الندب الصعيديه.. تلك الاغانى الحزينه الممتلئه شجنا كأنها روح تحترق ..كم احب تلك الموسيقى ...هذا ذوقى فلا تلومنى على ما انا عليه


دائما ما يجذبنى اللحن قبل الكلمات فان اعجبنى استمعت لاعلم ما يقول ...كان عمرو مصطفى ينوح بصوته الاجش الذى لا يصلح للغناء اطلاقا يبكى حبيبا لم يبادله الحب و يودعه...يبكى سوء حظه مع هذا الحبيب




جيت غلطه فى حياتى و بادفع تمنها....شكلى ظلمت انا حد زمان و ماخدتش بالى


وقفت الجمله عقبه فى طريقى ..صخره لا يمكن زعزعتها...ايمكن ان نظلم دون ان ندرى ...احقا لا ندرى؟؟؟؟ما اهون احزان الناس بجانب احزاننا مهما كانت تفاهتها...ترى كم من الناس ظَلمت؟؟؟يؤرقنى ذلك الشعور باننا نعلم... بانه لا احد مغيب...الكل يظلم بعضه باصرار و قسوه غير محتملين


يفزعنى اكثر المصير و يقينى ان الله لا ينسى حق المظلوم..لا اكف عن التسأول ان كان كل ما يحزننى هو تكفير عن اخطائى بحق الآخرين...افكرو اراجع حياتى فاجدنى لم اوذى انسانا بقصد ابدا و لكن بالتأكيد تسببت فى بعض الاحزان...لعلنى لم اكفر عنها كلها بعد..لكن لا احسب انى استحق كل هذا الحزن


جزء منى يؤمن ان الافضل لم يأت بعد و ان الله ارحم مما احسب و ان لكل شيئ سبب...انت فقط لا تعرفين..انت اضعف مما ينبغى



آمنى معى بان اجمل الايام لم نعشها بعد...عندها ستكفين عن البكاء



و بعد كلام و اخذ و رد كثير مع نفسى و بعد ايام عديده



لم تعد حالى بنفس الكآبه و صار البال رائق و استمع الى فيروز بكثره ...تلك الكثره التى تغلب الشجاعه


اما لكم و للكل فاقول سامحونى ما كنش قصدى اما عن البكاء فهو....... سيام

هناك 22 تعليقًا:

micheal يقول...

كله ممكن يتصلح بما فيه البعكوكة
:)
متزعليش
تحياتي

AHMED SAMIR يقول...

ربنا يخليي لك بعكوكتك
ولا يحرمكوش من بعض
هو الانسان عبارة عن ايه الا بعكوكة و شوية حاجات كدة فوق بعض
تحياتي واحتراماتي

Zianour يقول...

يا بنت الايه
!!!!

تدوينة ف الجون
بجد انت رهيبة
استمري
وطوري من ادواتك
لا ينقصك سوى الاستمرار

باحب قوي استشهادك بابيات جميلة قد ايه منسية

بوسة كبيرة

اه
وسلام للبعكوكة ولفيروز
وللميكانيكي بتاع سيام
:))

romansy يقول...

ومين بس مش بيحب فيروز
انتى كده جبتى الافاده
حمد الله على سلامتك

فاتيما يقول...

لأ مش سيام يا مهرة
لو كانت كدا مكنش الحزن و التساؤل
أه ممكن نظلم حد من غير ما ناخد بالنا
دا اكيد
أكيد فيه حد إحنا دوسنا على قلبه او مشاعره من غير ما ناخد بالنا
اوعى تقوليلى إن إنتى شخصياً محدش جرحك فى مرة و كمل حياته عادى من غير حتى ما يدرك حجم الألم اللى سببهولك
مكنش يبقى دا حالك
مكنتيش تبقى حساسة قوى كدا لو دا محصلش ...
سلامة روحك من الهم
و سلامة البعكوكة
تحياتى يا حبيبتى

Mafrousa يقول...

اولا انتى زعلانه ليه؟؟؟
ده البنى آدم الجزمة ببتدوب و بيجيب بدلها جديد و انتى البعكوكة مش عاوزه تغيري جزمتها ؟؟؟
انا لما تحصل حاجه لبعكوكتي
اقول زيها زيي انا ممكن اتخبط اتعور اتعب كده يعنى
ويلامة بعكوكتك ده هيه الصديق الوحيد فى الايام ديه
يلام

موناليزا يقول...

ياااه اخيرا كتبتتى حاجة
سلامة بعكوكتك وماتقلقيش عليها هتبقى كويسة بس انتى غيرى الميكانيكى
تعرفى انا كمان اللحن بيجذبنى اكتر والكلمات لو معجبتنيش انا ممكن اغيرها عادى ههههههه
اما عن الظلم بقى فبجد ده موضوع خطير انك تظلمى حد او تتسببى فى حزنه من غير ماتقصدى
يارب مانظلم حد ابدا سواء بقصد او بدون قصد
لان ذى ماقلتى ربنا مابيسيبش حق المظلوم ابدا

mohra يقول...

micheal
معاك حق...خير ان شاء الله


A.SAMIR
فعلا همه شويه حاجات فوق بعض...ربنا يخليلنا البعكوكه


Zianour
ايه الكلام الكبير ده؟؟انا هصدق كده
ربنا يكرمك على التشجيع الجميل ده
الف بوسه ليكى


romansy
انت كمان بتحب فيروز؟؟
بصره
الله يسلمك...نورت المدونه



فاتيما
الله يسلمك يا فاتيما يا جميله
هوصل سلامكم للبعكوكه نفر نفر


واحدة مفروسة
و الله انا ماعزش عليها حاجه(من جنيه لعشره انتى عارفه يعنى)بس هى محيرانى معاها
منوره المدونه


موناليزا
يظهر ان احنا الاتنين فينا كتير من بعض و ده شيئ يسعدنى
زى ما قلتى يا رب ما نطلمش حد ابدا
يا رب

الربان يقول...

تحياتي يادكتورة

البكاء يرقق القلوب...و يسمو بالمشاعر.

و يبدو ان حضرتك ستكتبي كتاب " الدكتورة و البعكوكة ".... علي وزن
" الحكيم و حماره "...للاستاذ توفيق الحكيم رحمه الله....تضعي فيه كل مناجاتك
و خواطرك مع البعكوكة حفظها الله لك.

بالنسبة للظلم...اعتقد ان من الممكن ان نظلم دون قصد او دون ان ندري...
من خلال سوء ظن...او ما اشبه.


لك خالص التحية و التقدير

عايش علي الهامش يقول...

البعكوكه مريضه وطبيبها بيقول سيام الامر واضح للغايه ولا يحتاج الي تعليق وخصوصا ان البعكوكه ان كانت فعلا من زن البعكوكات كما يقول الاسطي سيد -اكيد لازم يكون اسمه سيد - عظمها شديد وبتستحمل
اما من جهة الظلم فكلنا نظلم ونْظلم وكلنا ننسي ولكن لحظه مثل تلك كفيله بالغفران النصيبه ان حق الغفران في الظلم للمظلوم فاما حق الله فهو غافر له واما حق المظلوم فسيام
شكرا ليكي

سبهللة يقول...

بوست هايل
بس ياترى بعكوكتك نوعها ايه؟

mostafa rayan يقول...

احيان كتير بنظلم حد من غير قصد مننا
بس انا معحب قوي بعلاقة الصداقةاللي بينك وبين صديقتك البعكوكة نفسي اقولك ربنا يخليكو لبعض
وفي نفس الوقت عايز اقولك ربنا يكرمك بواحدة احسن منها مش بعكوكة على الأطلاق
تحياتي لك

rovy يقول...

اولا الف سلامه على بعكوكتك و يا رب يرزقك بميكانيكى يفهمها و يقدر يشفى الامها من غير ما يكون الامر عنده سيام ..

الالحان مهمه اكيد لكن ده ما يمنعش ان الكلمات ايضا تهمنى و اكيد الصوت لكن اللحن له سحر خاص و الدليل اننا كثير بنحب نسمع لحن بنحبه من غير كلماته ..

ادعوا الله دائما ان لا اظلم احد ابدا و ان ظلمنى و اشعر برعب لو تصورت اننى من الممكن ان اظلم احدا و لا اشعر او اقصد ..
الظلم شىء مرير و احساسه قاتل ..
ادعوا الله ان يكفينا شر الظلم و الظالمين
دمت بكل خير اختى الكريمه

تحياتى

.:.-=- ELGaZaLy-=-.:. يقول...

عارفة بوستك فكرنى ببعكوكتى الصديقة لما وقفت فى ميدان التحرير وراسها والف جزمة مفيش حركة لحد لما شغلتلها فيروز ..راقت ومشيت اه والله!!

تايه في وسط البلد يقول...

يااااه
يا سبحان الله
انا اللي كنت مستني التدوين ده عشان اسأل عن البعكوكة وأخر أخبارها( لا تنسي انني اول من حثثتك علي سرد حكاويها )

هي بنت حلال عشان كان الوحي الرائع ده مستلهم من أزمتها..يقولون ان الألم هو اكبر مسوغات الابداع ..لقد اقتربت من التصديق فعلا

يمكن ان يكون الابتلاء عموما تحقيق لدعوة المظلوم لكنه ليس السبب الوحيد ونصيحة ان تستسلمي لاحزانك بعض الوقت لأنها مما ترقق القلوب - وتمنحنا مثل هذه التدوينات الرائعة - ولكن لا تستسلمي لها طول الوقت

هنيئا لك بفيروز

ملحوظة: اتمني رجوع نافذة التعليقات لوضعها السابق لصعوبة الوضع الحالي pop up

mohra يقول...

الربان
الحكيم مره واحده ...انا لسه بدرى عليا
تحياتى و تقديرى


عايش علي الهامش
حقا؟ليتنى استحق الغفران
نورت


سبهللة
اصغر بعكوكه فى البلد.....خمنى انتى
حمد الله على سلامتك


mostafa rayan
اسيب بعكوكتى حبيبتى
ده كلام.....................خيالى شويه :)



rovy
الله يسلمك ...انا موافقاكى تماما فى موضوع الالحان ده ...عمرى ما قدرت افسر انجذابى لالحان معينه
تحياتى لكى


.:.-=- ELGaZaLy-=-.:.
الحقيقه انا اللى صحتى هى اللى جت على فيروز مش البعكوكه بس هاجرب مع البعكوكه....جايز
من عارف؟؟؟



تايه في وسط البلد
و الله...ده توارد خواطر بقه
شكرا جزيلا ...لا اظننى استحق هذا الثناء....استسلمت لاحزانى بالفعل و لكن احسبنى اكتفيت....البركه فى فيروز ...ربنا يخليهالنا

!!! عارفة ... مش عارف ليه يقول...

"ايمكن ان نظلم دون ان ندرى ...احقا لا ندرى؟؟؟؟"

ما أصعب هذا السؤال
وكم هو مؤرق
والتفكير فيه أشبه بجلد الذات

عارفة كلامك ده فكرني بحديث النمل قبل قدوم سيدنا سليمان بجيوشه ..

يمكن تكون العلاقة غريبة بين الحدثين إلا انه الرابط بينهم هو أن تؤذي أحد دون أن تشعري .. ويمر الموقف عليكي مرور الكرام

أسأل الله أن يجنبنا هذا الموقف

--------------------
و3 سلامات للبعكوكة :)


تحياتي
وليد

كلام على بلاطة يقول...

ربنا يصلح الاحوال
تحياتى

شفـقــة و إحســــان يقول...

يا ستى ولا يهمك وبطلى بخل واشترى غيرها
بعكوكة تانية

barbie girl يقول...

تدوينة حلوة ويمكن يكون كتير مننا بيظلم ناشس بدون قصد ويرجع يراجع نفسه من جديد ويعرف غلطه

barbie girl يقول...

http://againstsexualharrassment.blogspot.com/

محاولة لنقول لا للتحرش

mohra يقول...

عارفة ... مش عارف ليه
الله يسلمك يا وليد
تحياتى لك


كلام على بلاطة
يسمع منك ربنا يا استاذ
خالص تحياتى


شفقة هانم واحسان بك
بخل؟؟؟يا شيخه حرام عليكى
يعنى انا غاويه ؟؟لكن البعكوكه ماتهونش عليا مهما جرالى منها


barbie girl
نورتى المدونه
يا ريت تكررى الزياره
فى انتظارك