الجمعة، 5 يونيو 2009

كلام ابن عم حديت



"اهو جه يا ولاد...هيصوا يا ولاد....زقططوا يا ولاد"


هذا ما كان ينقص ان تقوله حكومتنا الموقره احتفالا بقدوم المخلٌص اوباما...كل البشر فى مصر صارت تعرف -لا اوباما فقط -بل و خيط سيره ايضا....احتفالات اسطوريه جعلت البسطاء يحسبون اوباما ملكا و استعدادت وصلت لطرد الناس من بيوتها فى بعض المناطق


حاجه تكسف و الله


و الادهى انه قادم لالقاء خطاب(نكونش قلبنا البلد قاعه احتفالات؟؟؟؟) و رغم هذا طبلنا و زمرنا و فخرنا كأننا فتحنا عكا


عدت من عملى فى زمن اكثر من القياسى حيث كانت الشوارع فارغه نتيجه اختيار الناس الاجازه الاجباريه..المهم عدت لاسمع الخطاب الامبراطورى مثل باقى الرعايا


الشهاده لله الرجل يشع من عينيه بريق الذكاء (الذى نادرا ما نراه عندنا) و منظم و مرتب فى افكاره و كلامه (برضه نادرا ما نرى هذا) و لديه كاريزما طاغيه و على مستوى شخصى بحت لا يمكنك الا ان تعجب به اما عن الخطاب فحدث و لا حرج


بدأ الرجل كلامه بدباجه و انشاء من التى كنا نكتبها فى الاعدادى عن فضل الحضاره الاسلاميه و الاسلام و بلا ...بلا ..بلا.. ماذا تستفيد من هذا الكلام (الذى قاطعه الحاضرون بالتصفيق عده مرات)؟؟؟؟لا شيئ ...مجرد كلام ابن عم حديت


قد يقول البعض انه يقدر المسلمين و يعلم قدرهم فاقول هل سينتج عن هذا شيئ؟؟؟ و لا اظن اننا نحتاج الى اعتراف دولى من الاخرين باننا مثل باقى البشرو لسنا من ذوات الاربع ..عامه تشكر يا عم الحاج



المهم بما انه منظم كما قلت سابقا فقد تكلم عن سبع نقاط


1- افغانستان

2-العراق

3- فلسطين

4- الديمقراطيه

5-الحريه الدينيه

6-النساء

7-التنميه الاقتصاديه



اما عن افغانستان فالاخ يرى انه كان من الضرورى ان يغزو افغانستان و يقتل الملاين من اهل البلد انتقاما لثلاث الاف شخص ظل يرثيهم شويه كده....لم اسمع فى حياتى عن حرب تشن بناء على شريط فيديو الا تلك الحرب... حتى المحكمه لا تأخذ بها


اهم شيئ ان الرئيس الديموقراطى قد اغلق سجن جوانتانمو و سيحاكم من فيه محاكمات عسكريه رغم انهم ليسوا جنود بينما ترفض امريكا ان يحاكم جنودها امام المحاكم الدوليه

ذكرنى هذا بالرئيس المؤمن الذى كسر السجون و حرق الشرائط و اعطى كل عسكرى الكترون فى يده



اما عن العراق فان اوباما يرى انه كان قرار غير موفق -فقط لانه كان قرارا منفردا -و لكن فى النهايه جاء فى صالح العراقين الذى صار حالهم افضل (شوف ربنا يا جدع) و يعلن بكل فخر انه سيسحب قواته فى عام 2012 ...يحيينا و يحييك ربنا


و رغم كل تلك الاعمال الحربيه العنيفه فان الرئيس الديمقراطى ينصح.....لا لا لم تكن هذه كلمته....يأمر نعم ....فان الرئيس يأمر الفلسطنين بانهم " يجب" ان يتوقفواعن العنف تماما لانه لا يؤدى الى نتيجه و يطلب منهم ان ينهجوا نهج اخوانهم السود المضطهدين فى امريكا...


اولا كونه صار رئيسا لا يحل هذا مشاكل باقى السود فى امريكا ..ثانيا اى طرق سلميه اتبعها السود ؟؟؟اكثر من نصف عصابات امريكا من السود..لعه يتكلم عن سود اخرين...ثم اساسا ما وجه الشبه بين بشر احتل اخرين ارضهم و بين ناس بيتخانقوا مع بعض فى بلدهم؟؟
نسيت ان انوه بما سبق هذا من تأكيد الرابطه بين امريكا و اسرائيل..امريكا لاسرائيل و اسرائيل لامريكا للابد و الذكرى الخالده و كده

و يعقب هذا بمرثيه للهولوكوست و السته مليون المزعومين.... و الله انا قلبى اتقطع يالا نديهم بلدنا و سوريا و الاردن تعويض
و ينهى تلك القصيده بان هذا لصالح فلسطين و اسرائيل و امريكا......و باقى العالم بالمره


و بعدين يحود على ايران فى الطريق و" يجب" (تاااااااااااانى)على جميع الدول الا تطور سلاح نووى حتى لو طورت دول اخرى(ماتبصوش لغيركم عيب )و لابد ان نخلق عالم خالى من السلاح النووى (الا فى امريكا...من عندى دى)


ثم يحدثنا الرئيس اليموقراطى عن الديموقراطيه و يقول انه لا يمكن ان يفرض الديموقراطيه على الاخرين (مثلما فعل فى العراق ...مش فاضيلكو هو) و" يجب "(عاشر مره)على الحكومات ان ترعى مصالح الاقليات قبل باقى الشعب حسب ترتيب اوباما و يجب و يجب و اوامر كثيره


ثم الحريه الدينيه للاقباط و الدين لله و الوطن للجميع و كاد ينهى هذا باننا نعزز القيم الروحيه مثل احمد مظهرفى الناصر صلاح الدين


و بعدها حقوق النساء واظن كفايه كده بقه

و انت مالك يا اخى ...جاى بلدنا تشتمنا و لا تعلمنا الاسلام ...بما ان الديمقراطيه لا تفرض فان اقل واجب هو مقاطعه الانظمه الديكتاتوريه و هو ما لم تفعله انت..خلاص خليك فى حالك


وبعدين مالك انت نعمل ايه فى بعض ..مصريين فى بعضنا..يعنى نموت المسيحين, نولع فى المسلمين ,نئد البنات ..بلدنا و احنا احرار فيها

ما هذا التدخل السافر فى شئون الاخرين و رغم علاقتى المترديه بالدبلوماسيه و الدبلوماسيين فانى لا اظن هذا السلوك دبلوماسيا ابدا


ثم انهى كلامه بجزء عن التنميه الاقتصاديه و العولمه و هو ما اجد فيه صفاقه غريبه حيث ان الاقتصاد الامريكى هذه الايام فى اسوأ حالاته و يكاد يتسسب فى كساد كبير اخر

على كل حال وعدنا اوباما ببعض المنح الدراسيه نمشى بيهم حالنا و نحل بهم مشاكلنا


لفت نظرى كثره ترديد الرئيس اليموقراطى لكلمه must ...الكثير جدا من" يجب" ...لعل مفهوم اليموقراطيه لديه يختلف عن مفهوم الديموقراطيه لدينا


فى النهايه لا ارى فى هذا الخطاب الا كلام لا يحل و لا يربط و لن يغير شيئا فى السياسيه الامريكيه ...هو مجرد كلام ....كلام ابن عم حديت و اعترف انى بعد هذا الكلام الذكى و المنمق افتقدت بوش... على الاقل كان يقول نفس الكلام مع الكثير من الكوميديا


السؤال هل نستطيع ان نقف فى وجه الغطرسه و الهيمنه الامريكيه التى تعتبر خطابها المهين بدايه جديده؟؟؟؟؟؟

الاجابه


yes we can


مع الاعتذار لاوباما

هناك 25 تعليقًا:

تايه في وسط البلد يقول...

( أفرك عينيّ)

هو انا صاحب اول تعليق؟!!

ياحظي

ده نستاهل نحجز له

Unknown يقول...

والله عالوجع هالتدوينه

ودمك خفيف جدا !!

تايه في وسط البلد يقول...

لم يكن الأمر يستحق اصلا الاستماع للخطاب الذي هو في اخر المطاف بضع ( كلمات)لم تجد سبيلا الي ارض الواقع والله اعلم متي ستجد ..ومثلما تقول ستي " هو الكلام عليه جمرك"!!

الحكومة بالطبع احتفلت باوباما الذي أعطاها الشرف كمكان يلقي منه خطابه..حتي لو أدي هذا الي ما حدث في الأفراد العاديين

وأحب أن ألفت النظر قبل ان انهي تعليقي الي ان الاستراتيجية الأمركية لم تتغير لأن المؤسسات لم تتغير..رئيس الدولة هو من تغير وليس الرئيس بأكثر من معبر عن السياسة

قد يكون مستر أوباما يستعين بالأموال الأسلامية علي الأزمة المالية..أو الخضوع العربي علي التمرد الايراني..أيا كان السبب فلا "يجب" ان يلهينا هذا عن الجاري علي أرض الواقع بالفعل

تدوين جميل

تحياتي

لاسع افندى يقول...

كان (يجب )عليك اشتئذان السفاره الامريكيه قبل التدوين عموما انا استأذنت منهم قبل التعليق انا عندى عيال عايز اربيهم



تحياتى

جلال كمال الجربانى يقول...

السلام عليكم ورحمته وبركاته

العيب مش عليه
العيب على اللى سمعوه ومردوش عليه
فاكرينه جى لخيرنا وهو جى لمصلحته ولمهمته الأولى تجميل وجه أمريكا الذى أصبح قبيح
وإيه تعمل الماشطه فى الوش العكر
وبعدين ده كلام المهم الفعل والفعل مش حنلاقيه

وتقبلى تحيتى ومرورى

mohra يقول...

تايه في وسط البلد
موضوع اول تعليق ده سهل جدا هنا.. ..زورونا تجدوا ما يسركم

اكتر ما لفت نظرى فى تعليقك هو وصفك لامريكا بدوله مؤساسات و هو ما اتمنى ان اراه فى بلدنا يوما ما
و رغم استيائى من امريكا الا ان سياستها (النابعه من مصلحتها الشخصيه فقط) و عدم تغيرها رغم اختلاف الؤساء للمما يبعث على الاعجاب حقا


مياسي
اهلا يا مياسى و شكرا يا ستى
من بعض ما عندكم(حكاياتك عن العرسان تحفه)



لاسع افندى
ابداااااااااااااا
انا ضد العولمه
:)))))))))
شرفت المدونه



واحد من العمال
اتفق معك تماما
الرجل يعمل لمصلحه بلاده و لا يمكن ان ننتظر منه شيئ اخر

و من السذاجه ان نتخيل انه يمكن ان يحل مشاكلنا

خالص تحياتى

rovy يقول...

دكتوره مهره اولا وحشتينا جداا

ثانيا عجبنى تحليلك للخطاب و ما وراء الخطاب .. و لكنى اعترض و بشده على ان تفتقدى السفاح بوش ربنا ما يعيده ابدا و لا يعيد ايامه ..
و كم اتمنى ان نستطيع حقا التصدى للهيمنه الامريكيه و ان يكون لنا و جودا و كيانا مسموع و لكن متى ؟ و كيف ؟ اعاننا الله اختى الحبيبه و ياريت فعلا تكون اجابتك صحيحه و اننا نقدر نقول و بصوت عالى ..
yes we can
سلمت يداكى و دمتى بكل الخير

تحياتى

micheal يقول...

والله يا مهرة أنا كل ما أفتح مدونة وألاقي بوست عن أوباما ببقي عاوز أعيط..بقالنا ع الحال ده اسبوعين
الخلاصة أني مفتحتش التليفزيون يوم ما اشرف بس فيه حاجة أنا مقتنع بها جدا وهي وجود ثوابت للسياسة الأمريكية لا يقدر أوباما ولا العفريت يغيرها
:)
تحياتي

rovy يقول...

اختى الحبيبه
جيت اقولك ان كان عندك حق لما قولتى فى التعليق كل دى صوفيه ؟؟؟؟
حطيتى اربع علامات استفهام انا ما فهمتهومش الا النهارضه لما لقيت ان فعلا ما ينفعش نكون مثالين كده فى عالم غير مثالى و ان الناس الضعيفه لما بتسامحيها بتقوى و بتعتبر ده ضعف و لقيت انى لازم اخذ موقف عكس اللى قلته فكان لازم اشيل البوست علشان ما اكنش منافقه .. انا فى اجازه الى ان استطيع العوده للكتابه .. دعواتك غاليتى
بحبك جدا

فيها حاجة حلوة يقول...

المشاكل التي اراها هي:
انناتخيلنا ان اوباما مصري وعربي
اننا حسبنا ان اوباما سيحل المشاكل من وجهة نظرنا كعرب
اننا عاملنا اوباما علي انه ليس انسان ولكنه ملاك والسبب يكمن في رأيي في :
ضعف حكامنا وكذلك في الذكاء والكاريزما الشديدة التي يتمتع بها هذا الرجل رغم هدوءه وترتيبه لافكاره
الشيء الذ يجب ان نعلمه هو ان اوباما فعلا يعمل علي حل المشكلة الفلسطينية ليس من باب ارجاع الحق لاصحابه ونصرة المظلوم ولكن من باب التسويةوحل المشكلة الفلسطينية لانها اصبحت مشكلة تمس بأمن امريكا من خلال مساسها بأمن اسرائيل وهناك خطاب قد سمعته لاوباما وهو يقول انه سيعمل جاهدا علي تهويد دولة اسرائيل وكذلك اشار الي ان القدس ستظل عاصمة اسرائيل وغيرها المهم ان مشاكلنا لن يحلها سوانا ولكن ما المانع في استكمال المسلسل وذلك كنوع من الهدنة واعادة الاستعداد ولكن المصيبة ان الايام القادمة ستحمل المزيد من التنازلات
الصبر من عندك يارب

فيها حاجة حلوة يقول...

فاكرينه الناصر
اوباما صلاح الدين

زمرده يقول...

بصراحه ياست البنات انا قلت بلاش صداع
وماسمعت الخطاب ولا توقعت فيه اي خير
ولكن ...
وحطي خطين تحت ولكن ^_^
بعد الخطاب سمعت ناس "من هنا وهناك"
الى يقولك خطاب مبشر
والى يقول لا بدايته كويسه
والى يقول اهو حيقفل جوانتانمو يعني فيه الخير
والى .. والى .. والى
قلت لا " لا لا لا" اكيد في حاجه غلط
اما انا انهبلت واما الناس اتجننت
والحمد لله اني ماتهورت ورحت اسمعه
الحمد لله اني لقيته عندك هنا
تحليلك رائع , لا والمصيبه خلاني احب الخطاب
بس عارفه العيب مش في اوباما حقه يتكلم كذه
مش امريكا الى بتحكم العالم؟
مش امريكا الى بتقرر مين يملك ومين لا؟
مش امريكا الى بتحكم حكامنا؟
ومش امريكا حلم اغلب شبابنا؟
واي انهيار اقتصادي تقصدي!!
مش كل الدول العربيه بنفطها وموردها
كلها موجوده لدعم الاقتصاد الامريكي
حتى الشعوب مش اغلبنا مستهلكين لمنتجات امريكيه
طبيعي يتكلم كذه
وطبيعي يقول يجب ويجب ويجب
مش غريبه انه يقولها بس الغريبه انه يطلع ناس مننا تقول ..
لا دا ابوه مسلم وبيحترم الاسلام
دا حتى اسمه اوباما حسين او مش عارفه مين
عالم عقولها ضربت
الله يثبت عقولنا

كلام على بلاطة يقول...

yes we can

rovy يقول...

انتى فين غيبت و رجعت و انتى لسه مختفيه
الله يكون فى عونك و يارب نطمن عليكى

وحشتينى

micheal يقول...

في إنتظار جديدك

mohra يقول...

rovy
الحبيبه روفى
اولا : اخبارك ايه ؟؟؟
وحشانى جدا جدا جدا

ثانيا : اسفه على التأخير الفظيع و ده بسبب انقطاع النت و عدم عثورى على حل لسه....شكرا على سؤالك

ثالثا : شكرا على كلامك الجميل عنى و اللى انا ماستاهلش نصه

رابعا : ليه تمسحى البوست؟كل بوست بيكون حاله مستقله و لا يمكن نتهمك بالنفاق لاننا عارفينك كويس


خامسا :و لا كفايه دوشه ..اكيد زهقتى
سلام مؤقت

mohra يقول...

micheal
معاك تمامنننننننننننن
و انا جاىىىىىىىىىىىىىى



مهندس مصري
اعجبنى للغايه فى ردك جمله
"
ضعف حكامنا وكذلك في الذكاء والكاريزما الشديدة التي يتمتع بها هذا الرجل رغم هدوءه وترتيبه لافكاره"

و لكنى لا اظن انه يسعى لحل المشكله الفلسطينيه او على الاقل ما اعده انا حلا لا يفكر فيه اطلاقا

نورت المدونه




زمرده
و الله ريحتى نفسك و اعصابك
هو فعلا مش عيب عليه لكن علينا

نعيب زماننا و العيب فينا
و ما لزماننا عيب سوانا"
سلام





كلام على بلاطة
يا رب
يا رب we can

هراءات منطقية يقول...

عذرا...لكن انا حاعلق بس على الافتراض المتفائل اللى فى اخر البوست:-

هوةانتى شايفة ان الشعب ال...ابن ال....بتاعنا دة يقدر يعمل اى حاجة فى اى حاجة؟؟؟

سبهللة يقول...

السياسة الامريكية واحدة لا تتغير بتغير الرؤساء
ويتحكم فيها اللوبى الصهيونى ذو اليد العليا.
نقطة وخلص الكلام

mohra يقول...

إياكش تولع
هو بالفعل تفاؤل لكن لازم نحلم و نحاول نحقق حلمنا
على فكره انت دمك خفيف جدا يا زمل


سبهللة
لا مزيد على ما قلتيه
سلام

micheal يقول...

ايه الغيبة دي

اقصوصه يقول...

مدونه جميله وتدوينه هادفه

سعيده بمروري من هنا :)

Zianour يقول...

صباحك..

ياسمين..

انتي فين؟؟

عموما..

صباحك ياسمين
:))

UncŁē Sam يقول...

والله انا شايف اوباما ده ملوش لازمة اساسا
ده ريحنا بالكلام بس مش اكتر
كنت فاكره سوبر مان
بس طلع سوبر حاجة تانية
يلا
======
كل رمضان وانىت طيبة

غير معرف يقول...

موقعك فى غايه الجمال
وانا اتمنى ان تضع ليى لينك عندك


cheap car insurance for 20 year olds
real madrid football club news
موقع اخبار النادى الاهلى المصرى اليوم
cheap car insurance 17 year old male
cheap car insurance for 17 year old boys
cheap car insurance for 17 year olds female
car insurance for 17 year olds female
موقع اخبار النادى الاسماعيلى اليوم,دراويش مصر
17 year old car insurance
cheap car insurance for new drivers uk

cheap car insurance for teenage drivers
17 year old car insurance
cheap young driver car insurance,auto insurance

Young Persons Car Insurance online

cheap auto insurance oline,chap car insurance
short term auto insurance online

car insurance quotes young drivers online
cheap young drivers insurance
cheap young driver insurance
cheapest insurance

carinsuranceonline

car insurance online

17 year old car insurance

موقع نادى الزمالك
موقع جوجو الشامل
18 year old car insurance
تعليم الفوركس , دروس تعليم فوركس ,فيديو تعلم فوركس
موقع تعليم الفوركس,دورات فوركس ,دوره تعليم الفوركس
موقع شركات الوساطه فى الفوركس ,تعليم الفوركس
average car insurance for 18 year old
موقع تعليم الفوركس للمبتدئين 2010
موقع تعليم الفوركس للمبتدئين اون لاين

والان انا انتهيت
وانا انتظر رايك يا غالى ة
اةم

اوك
اتمنى ان لا تنسانى