السبت، 8 نوفمبر، 2008

عن الغربه و الغرباء


الغريب فى المعجم الوسيط هو الرجل ليس من القوم ...ليس من البلد
اما عندى فانا الغريبه وسط الغرباء
اقضى ايامى فى المستشفيات و ما ادراكم ما المستشفيات
هل بت ليلك يوما فى مستشفى؟؟؟
مهما كانت المستشفى حكوميه ومشغوله بالمرضى فى اقسامها المتعدده فان الليل فى المستشفيات واحد
مقبض و كئيب
صمت رهيب و ظلام كأنك تسير بين الاموات ...انها الغربه مجسده
تلك الرائحه الخانقه سواء كانت رائحه المطهرات ام رائحه المرض
اجل للمرض رائحه...لكل الامراض نفس الرائحه..لا تحتاج للذهاب الى مستشفى لتشمها..لو مرض احدهم فى البيت لشممت نفس الرائحه
احدثكم الان عن الغرباء...الاطباء
مجموعه من الغرباء...ليسوا من نفس المكان ...ليسوا من نفس الاقوام
بشر لا يعرفوا بعضهم يجدوا أنفسهم مطالبين بان يقضوا ساعاتهم معا
هنا ترى اختلافا واضحا فالبعض يتقيد بقوانين الغربه و البعض يحاول كسرها
نسيت ان اخبركم ان للغربه قوانين
فالغرباء يجب ان يظلوا غرباء...لا يعرفوا شيئا عن بعض..المسافات بينهم ثابته ان لم تتباعد
تذكرت عندما سألونى عن زميل لى كنت اخذ معه نبطشيات لمده عام و لم اعرف الاجابه
اكتشفت انى لا اعرف عنه شيئا حقا
و لكن احقا لا اعرفه...الا يجعلك العمل تعرف الناس على حقيقتها؟؟
ولكنى لا اريد ان اعرف اكثر ..احسبنى تقيدت بقانون الغربه
البعض يحاول ان يبنى علاقات انسانيه مع باقى الغرباء فيحكوا عن انفسهم و يكشفوا الاسرار
لعلهم لا يتكلمون الا لثقتهم ان الاخرين غرباء بعيدين باميال عن حياتهم
لكن اتريدون الصدق انما هى مسكنات لتمضيه ذلك الليل الطويل الكئيب
و فى نهايه اليوم و بعد تفرق الغرباء ..ترى ايتذكرون بعضهم؟؟
لكن لا
اجدنى اتذكر البعض بكل ود رغم مرور سنين على اخر لقاء بينى و بينهم و اخرين معى و لكنهم غرباء
ربما لا اعرف اين يسكن الغرباء و لكنى اعرف الانسان
لسنا بالغرباء...و ان كنا
فطوبى للغرباء

هناك 30 تعليقًا:

كـــيــــــــارا يقول...

انا اول اما اتكلمتي عن المستشفي كنت هقولك الطبيب لقيتك فعلا قولتيها

علي فكره كتير منهم بيتحمل كتير

موضوعك اكثر من رائع

rovy يقول...

اشعر كثيرا بما كتبتى فانا ادعوا الرحمن دائما ان لا يضطرنى ابدا للذهاب لمستشفى او لاحد احبابى فمهما كانت نوعها او من بها فهى احساس بالم و اختناق لا حد له لدى .. اتذكر اخر مره اقمت بمستشفى و رغم انها كانت خاصه و بها خدمات الا اننى ظللت مكتئبه و مخنوقه احلم بالعوده لمنزلى .. احساس مؤلم لن انساه ابدا .. وادعوا الله دائما ان لا اضطر لهذا ابدا او احد من اهلى او اى احد يارب ..
اما عن احساسك بالغرباء ..
فبالطبع نحن لا نحس سوى بمن تلتقى معهم ارواحنا ربما لا يكونون بقربنا و لا يجمعنا بهم مكان و لكننا نشعر بهم لانهم مثلنا او ربما مكملين لنا لا اعلم بالضبط و لكن سبحان الله هناك من تعرفيه ساعه و كأنكى تعرفيه منذ زمن .. وهناك من تعاشريه زمن و لكنه يظل عنكى غريبا .. فسبحان الله ..
بوست متميز و احساس رائع

ودى و تحياتى

صباح الصباح يقول...

مع ان حديثك فية نبرة شجن عالية جدا

الا انى احب مصطلح الغرباء

ربما لانى اعشق كتابات احمد خالد توفيق وهو يستخدم هذا المصطلح برواياتة

لا ادرى

ولكن ربما انت محتاجة الى تغيير لما لا تسافرين وتتركى كل شىء لفترة

بالتاكيد ستجدى روحا افضل

لى طلب يا مهرة

مش فلوس لا

ههههههههههههه

ممكن تغيرى لون المدونة الروز باى template تانى اصل لونة براق اوى وبيوجع العين وانتى دكتورة وفاهمة

عمرو يقول...

الاٍنسان ممكن يشعر بالغربه و الاٍغتراب حتى و هو وسط أهله و فى وطنه
الغربه ممكن تصاحب النفس من يوم ما يوعى على الحياه اٍلى أن يتلقاه القبر و هو المكان الوحيد فى رأيي اللى لا يشعر فيه الشخص بأنه غريب
صح ؟

bastokka طهقانة يقول...

بوست حساس و لامس لكل نفس تعاني من الاغتراب داخل نفسها

تحياتي
اوروفوار

المـــفـــــــقــــــــوعـــــة مــرارتـهــا يقول...

الغربة بين الاصدقاء والأهل أسوء من الغربة دونهم
تحياتي لإحساسك الرقيق

عايش علي الهامش يقول...

سابدا من نهاية كلماتك لسنا غرباء
هناك كثيرا من الناس ذهبوا الي ارض غريبه وصاروا من اهلها وعاشوا فيها عمر من الزمن ربما حنوا يوما الي ارضهم ربما حنوا يوما الي اهلهم ولكنهم لم يشعروا ولو لحظه انهم الغرباء
اما المستشفي فانا اعترض نوعا ما معك في وصفها بالغربه
فقديما قال الحكماء انجح علاقات الصداقه ما بدات في الشده واسوا لحظات الحب ما تمت فيها
في المستشفي مكان يملاه غرباء نعم ولكنه وصف عام فهم ابناء لوطن واحد هو المرض الامل الامنيه كلهم يتمنون الخير لانفسهم ولغيرهم
دققي فيهم ان حدث لاحدهم ضائقه الكل يسعي وبجد لمساعدته لا نعرفهم ولا يعرفونا ولكننا شركاء بالالم وشركاء الالم اصدقاء الرخاء
شكرا لك

أنونيمس يقول...

الغرباء؟؟؟؟

يا عزيزتي كلنا غرباء نشعر بالألفة لشئ ما... وبعضنا يشعر بالألفه مع الغرب نفسها

أما عن الطوبى .. فعندك حق إذا كان الأطباء هم الغرباء فقد أخذنا الكثير من الطوب والزلط .. بل أخذناأيضاً أشياء أخرى يعاقب علي ذكرهاالقانون

:))

تايه في وسط البلد يقول...

اووه ان الأطباء فعلا يرون كثيرا

وأنا ابدا لم أحسد شقيقتي علي مكانتها مما كانت تحكيه عن احوال المديرين او زملاء النوبتجيات او الممرضات او حتي المرضي

دوما هي كلمة مملة اعتدت ان اقولها لكني اراه جزء من كل

ولا اعتقد ان السفر يمكن ان يكون حلا مثاليا لمن هم يتحدثون عما تتحدثين عنه..

انصحك ان تسافري في الأشخاص

mohra يقول...

كـــيــــــــارا
انا يسعدنى دايما انى الاقى حد بيقدر معاناه الاطباء و ما يركبش الموجه و يهاجم و خلاص
تحياتى و منوره


rovy
سلامتك من اى ااقامه بالمستشفيات
التقاء الارواح ؟؟؟ربما
سبحان الله فعلا


صباح الصباح
السفر ...هجره ام للعمل ام فسحه؟؟؟
اما عن الطلب فصعب شويه لانى مش دايسه فى الtemplete قوى بس اوعدك لو عاجبنى حاجه تانيه هاغير عالطول


عمرو
القبر؟؟؟لا اظن للقبر و الموت عندى رهبه شديده لعله ضعف ايمان و لكنى اخشى الموت حقا
نورت المدونه



bastokka طهقانة
الله يخليكى و ربنا يبعد عنا احساس الاغتراب
منورانى دايما



المفقوعه مــرارتـهــا
اكيد...انا موافقاكى تماما
خالص تحياتى



عايش علي الهامش
كلامك منطقى اذا كنت انا المريضه لكنى الطبيبه لست فى شده و لكنى فى عمل يضطرنى الى معايشه الغرباء لا يجمعنى معهم الا واجبنا تجاه اخرين غرباء ايضا بل و يقتدى العمل ان يظلوا كذلك



أنونيمس
هو انا اقصد طوبى تانيه غير الطوب و الزلط و يا اخى اذا بليتم فاستتروا
لازم تفضحنا كده


تايه في وسط البلد
سافرى فى الاشخاص؟؟؟يا لها من نصيحه
ان كنت فهمتها حقا فاحسبنى من هؤلاء الذين يتمسكوا بغربتهم...لا اعلم حقا

Zianour يقول...

اعتقد ان الغربة هي الغربة مع النفس

هناك من لا يتحملون انفسهم بمواجهة انفسهم

بس تعرفي لو منك اروح الشغل كل يوم بحماس كبير اولا الليل له قوانين غير عادية وثانيا العينات البشرية التي سأهتم باكتشافها
:))

واعتقد بشكل راسخ ان الطب يضيف الكثير للفنان شوفي يوسف ادريس

للذين يبحثون عن الدهشة والصدمة روحوا نبطشيات مهرة

التعليق طويييييل قوي لازمن لان الدنيا ليل والليل كما تعرفين له قوانينه والغرباء ليسوا به غرباء!!

بوسات كتيرة

الربان يقول...

تحياتي يا دكتورة

اقسي انواع الغربة حين نحس اننا غرباء
عن انفسنا...يعني ممكن نتصرف تصرف معين و بعد ذلك نندم عليه و نستغربه و نقول ليس انا الذي يصنع هذا او يفعل
ذلك...

المستشفي ، ربنا يسلم الجميع منها ، غربتها بتكون أشد وطأة...و اعتقد انها
شديدة ايضا علي الاطباء الا من وطًن نفسه عليها...

شكرا لك لانك اوضحتي لنا بعض من غربة
الاطباء...كنا نعلم مدي المشقة التي
يعيشها بعضهم ممن يقومون بعملهم بما
يرضي الله...لكنك اضفتي بعدا اخر الي
شخصيتهم.

تحياتي و تقديري

موناليزا يقول...

الانسان بطبعه اجتماعى فالغريب قعلا انه يفضل ساكت وخصوصا مع زملاء العمل وكمان مايعرفش عنهم حاجة طب ازاى؟؟؟
انتى اه ممكن تتكلمى معاهم وتكونى علاقات كمان بس جواكى حاسة انك غريبة عنهم لكم مايبقاش فيه اى كلام خااالص متهيألى صعبة شوية

mohra يقول...

Zianour
بس انا تعبت من العينات يا زيانور
لكن بالتأكيد العمل اضاف كثير لخبرتى بالحياه
بوسات تانيه غير بتاعتك


الربان
ان نستغرب افعالنا هو نوع قاسى من الغربه بالفعل
شكرا لتقديرك و تشجيعك الدائم
خالص تحياتى



موناليزا
لسنا صامتين فنحن نتحدث عن العمل و مشاكله و لكن صدقا لا نعرف الكثير او القليل عن حياه بعضنا خارج العمل
اما قلت لكى اننا غرباء

Sou يقول...

ربنا يعينك يا جميله ....
بس مهنتك بجد أشرف واجمل مهنه على وحه الأرض بالنسبه ليا...

micheal يقول...

أحاسييك معبرة جدا وربنا يكفي الجميع شر المرض والغربة
تحياتي

mohra يقول...

Sou
الله يخليكى يا سو ده بس من ذوقك


micheal
ربنا يخليك و يسمع من بقك
منورنى دايما

إيما ( أم البنين) يقول...

شعر بما عن ليل المستشفيات الطويل .زولو إني مكنتش بحس بيه من كتر الشغل وقلة النوم ..كنت بحس بآثاره بعد ما بروح البيت تاني يوم .
أما عن الغرباء ففيه ناس تشوفيهم مرات عديده وتحسي إنك تعرفيهم من زمن طويل وتفضلي تفتكريهم دايما ..وفيه ناس تعاشريهم سنوات طويله ولا يتركوا أي أثر ..هكذا الإنسان.
تحياتي لقلمك

Synch يقول...

Strange to be a stranger and come accedintaly here , it was a nice surpirse , I am impressed with your writing style . Keep the good work up, so glad to be here and leave you that comment , I hope you are well , I am Ahmed your big brother from the very old days.

شيماء زايد يقول...

زياره اولي
بسجل فيها اعجابي الشديد
اقسي شيء ان تشعر بالغربه بين البشر
تحياتي

الراقـــص مع الذئـــــاب يقول...

السلام عليكم
تجسيدواقعي لحياة انتم اخترتوها وبذلتم كل الجهد للوصول اليها
بس لما انتي تختري حاجة وتكملي في نفس الحاجة ...دا احسن لما تختري حاجة وتبقي حاجة تانية خالص
بمعني
انا خريج هندسة...دخلت الجيش ضابط احتياط...الطبيعي اني اشتغل مهندس زي ما الجيش طلبني
اشتغلت فيه كل حاجة غير اني اشتغل مهندس....وبدأت انسي اللي درسته واتعلمته واتحورت في معاملاتي وطباعي....وبقيت غريب ...بس غربة غير غربتك
الليل طويل وكئيب...بس مش في ممرات مستشفي...لا دا في جبال واحراش

كل ذنبي اني كنت عاز ابقي مهندس


سيبك انتي...
مدونة جميلة....تقبلي زيارتي

blue-wave يقول...

يااااااااااااااااااااااااااة
بجد اصدق وصف لحالنا
ربنا يكرمك بجد

mostafa rayan يقول...

بس الأصعب تكوني غريبة وسط اهلك
تحياتي لك

kh يقول...

نعم لقد بت الكثير من الليالى فى المستشفى مرافقا لشخص عزيز لقد كانت من أصعب الأيام ولكن لا اعتقد بغربه الأطباء عن بعضهم فالذى يريد الطبيب أن يعرفه عن زميله لا يزيد عن التخصص والاسم ولا يجب أن يتداخل معه فى حياته

يبدو اننى انا الغريب


يمكن مراسلتى على مدونتى


http://successka.blogspot.com/

mohra يقول...

إيما ( أم البنين)
فعلا يا ايما كتر الشغل بيلهى و ينسى الواحد الليل الطويل ...احيانا بتفتكرى الوقت لسه بدرى عشان انتى مشغوله ...الا صحيح انتى دكتوره ايه؟؟؟



Synch
انا سعيده بالصدفه اللى خلتك تزور المدونه و سعيده اكتر بتشجيعك...اهلا بك اخ عزيز دايما لكن اسلوبك بيفكرنى باخ علق ليا زمان بس الاسم كان مختلف(ابن برهومه) على كل حال اهلا بك و اتمنى انك تزور المدونه تانى




شيماء زايد
اهلا بكى يا شيماء و شكرا على كلامك الجميل
اتمنى انك تزورينا دايما




الراقـــص مع الذئـــــاب
ربنا معاك ..انا متعاطفه جدااااااااا مع وضعك لكن انا برضه لما اخترت الطب كنت صغيره و ماكنتش اتخيل البهدله دى...
عامه اهلا بك واحد من الغرباء :)




blue-wave
ازيك يا عمرو
كويس انك برضه شايف كده
ربنا معانا يا بنى




mostafa rayan
اكيد اصعب
لكن يا ترى ده وصف ليك و لا كلام عام؟؟؟




kh
اللى بتقوله ده هو الغربه بعينها تخيل انك تعيش اكتر من 50% من عمرك مع ناس ماتعرفش عنهم غير الاسم!!!!!
بس واضح انك واحد من الغرباء...فاهلا بك و سهلا معنا

د/ رامي شهاب الدين يقول...

هو الهدوء حاجة مش كويسة يعنى

فى مستشفى الجامعة عندنا الواحد دماغه بتصدع من الدوشة .. ومابيصدق يجى الليل بهدوئه

دا أنا بقيت بهرب من المستشفى بالنهار ومش بروحها إلا بالليل

عموما وجهة نظرك جديرة بالإحترام ، وإن كان لكل منا رأيه المختلف

دمتى بكل الود .. تحياتى

!!! عارفة ... مش عارف ليه يقول...

الموضوع أكثر من رائع
ويثير الكثير من الشجن
رؤيتك عميقة لشكل العلاقات الإنسانية
وربما سببها هو ذلك التعمق فيها
ولخوضك التجربة بنفسك

تحياتي
وليد

mohra يقول...

د/ رامي شهاب الدين
فعلا الاختلاف فى الرأى لا يفسد للود قضيه


عارفة ... مش عارف ليه
الله يخليك يا وليد...انا قريت بوستك عن عماره يعقوبيان و عجبنى جدا بس مالحقتش اعلق عليه
خالص تحياتى

doaa يقول...

الغربة وسط الأهل أسوء بكثييير من الغربة وسط الغرباء

حاولي كسر روتين حياتك كي لا تشعرين بالملل

تمنياتي لك براحة البال والشعور بالألفة والطمأنينة بإذن الله ..

snohe يقول...

صديقتى
------------
كم اكره كلمة الغربه واشعر بها دائما


اتمنى لك كل السعاده


شكرا