الجمعة، 19 فبراير، 2010

تاج تانى يانى يانى


بعد زوبعه معرض الكتاب و فى وسط البيات الشتوى الاختيارى و بينما اقرأ فى كتب المعرض بالجمله مثل سعيد صالح فى العيال كبرت (ست كتب فى نفس واحد)...اكتشفت انى نسيت تاج كان قد مرر لى من الصديق تايه فى وسط البلد و بعد الاعتذار عن التأخير ...نفتتح الجلسه


اسمك؟

مهره


السن؟

ليه الاحراج ده؟خلاص وصلت التلاتين رسمى نظمى فهمى


مجال الدراسة أو العمل؟

طبيبه



هل فكرت في إغلاق مدونتك والسبب؟

لا و ان كنت اخجل من تركى لها فترات طويله و ارى انه ليس من اللائق ان اهملها هكذا و لكن ما باليد حبله


رد فعلك تجاه من يقل أدبه عليك؟

حد يستجرى؟؟؟

هو لسه ماحدش قل ادبه عليا ؟لكن مبدئيا انا ارفض اى بذاءه و ان كنت احترم اى اختلاف فى الرأى

يعنى اذا وجدت كلام غير مهذب سالغيها اما ان اتهمنى احد و اختلف معى فاظنى سارد عليه بحسم فقط


أسوأ مدونة دخلتها؟

اى مدونه متعصبه لرأيها و لا تحترم الرأى الاخر

اى مدونه بذيئه و لازلت لا افهم الرابط بين الثقافه و البذاءه

و لكن فى النهايه انا احترم وجود الجميع و ارفض حملات اغلاق بعض المدونات ففى النهايه ميزه عالم التدوين التخيلى هو الحريه التى نفتقدها فى الحياه الفعليه

فى النهايه لا احد يرغم الاخرين على قراءه مدونته



ماذا يحدث للبريد الإلكتروني بموتك؟ وهل أعطيت كلمة المرور لأحد؟

ستقوم شركه هوت مايل بالغائه بعد فتره معينه و سرعان ما يصبح العنوان ملكا لمهره اخرى


السفر ، ماذا يعني لك؟

هو حلم اتمنى تحقيقه

ان تكتشف العالم من حولك ..تتعلم اكثر و تشعر باحاسيس مختلفه

دوما فى السفر فائده فقد تزداد خبره او علم او مال

و لكن دائما علينا الرجوع الى الوطن فانا مع السفر و ضد الهجره



المود ؟

اثور سريعا و اصفو اسرع...اكره النكد و اضحك كثيرا

رغم ان حركتى و سرعتى فى الحديث و الحركه توحى بانى عصبيه و لكن فى الواقع انا رائقه المزاج للغايه

مثابره للغايه و اظن هذا ينبع من المزاج الرائق فلا شيئ يثنينى عن هدفى



كيف تقضي وقت فراغك؟

كثير من القراءه ..التفاعل الاجتماعى (جامده تفاعل دى ..مش كده) بمعنى الخروج مع الاصدقاءو الزيارات العائليه و المكالمات

احب زياره الاماكن التاريخيه و العروض الثقافيه من مسرح و موسيقى و فنون مختلفه و لكن لا اكذبكم لا اكرر هذا دوما لصعوبه التطبيق

اتمشى كثيرا هذه الايام و اتصفح النت كل يومين ان امكن

فى المجمل ليس عندى وقت فراغ كثير فانا دوما مشغوله


الأكلات المفضلة؟

مثل الاطفال احب البطاطس المحمره و المكرونه و البفتيك

احب الكبده بكل اشكالها و اكلها و لو من عربه زباله (عذرا على البذاءه)

احب البيتزا و الفطير

يعنى بالاختصار انا مشروع كرنبه مكلبظه



صفات أخذتها من والدك؟

النظام و ان كان ابى اكثر نظاما منى بمراحل

بعض التأنق الذى لا يضير



صفات من والدتك؟

المثاليه و محاوله الوصول للكمال

مساعده الاخرين دوما

القدره على الجدل (كما يسميها الاخرين و ان كنت اراها محاوره )و الخلق الضيق


ستة أشياء تحبها؟

لم افهم ان كان المقصود صفات ام اشياء

عامه انا احب القراءه و الاطفال و صحبتهم

احب النزهه و الفسحه

احب النجاح و الصدق و الجمال و العدل و الايجابيه



ستة أشياء تكرهها؟

اكره الجهل و التعصب و البذاءه و القذاره و السلبيه و القبح و الظلم و الصراصير


نوع شخصيتك ؟

اظن انها تسمى الشخصيه القهريه compulsive personality

هل تنفع هذه الاجابه؟؟

اظن الاخرين اقدر على الحكم على



لماذا دخلت التدوين من الأساس؟

محاوله لان اكون ايجابيه من جهه و طق حنك من جهه تانيه


أحلي جملة قيلت في وصف مدونتك؟

لا اقرأ اوصاف كثيره لها فهى لم تحظى بشعبيه واسعه و لكن يوما قال احدهم انها تحترم عقليه القارئ

اسعدنى هذا لانى اكتب و لا افكر فى اثاره الاعجاب... فقط اكتب ما اراه فى حياتى و ما اشعر به



أهمية التعليقات بالنسبة لك؟

هى توضح رأى الاخرين فى اشياء كنت اتمنى ان اعرف كيف يراها غيرى

كما انها وسيله للتواصل مع عقول و ارواح اخرى

و فى النهايه اعرف ان فى حد بص على المدونه



أفضل تدوين كتبته؟

لا اعرف و لكنى احب و استمتع بالتدوين عن الكتب


أفضل مدونة قرأتها؟

حسنا الكثير من المدونات التى تعبر عن عقليه صاحبها و اخلاقه و قيمه

بمعنى تلك المدونات التى تذكرنى ان فى بلادنا ناس لسه بتفهم

و يزداد اعجابى بالمدونه ان كان صاحبها يملك موهبه ادبيه يستطيع ان يعبر بها عن فكره


العمل بالنسبة لك؟

العمل عباده و مسئوليه...وسيله للنجاح و اكل العيش

ببساطه لن اعمل ان احسست انى لن اعطى العمل حقه فانى لا اغفر لاحد تهاونه فى عمله


الإنترنت بالنسبة لك؟

(نافذه حول العالم) مثل البرنامج التلفزيونى القديم

لم يكن فى الخيال ان تكتشف الدنيا و تجد الاجابت بضغطه زر

ان نتعرف على ناس لم نراهم و لم يكن فى الامكان ان نلتقى بهم فى الحياه العاديه و لكنك قد تجد فيه الصديق و العقل و الفكر المشابه


لمن تمرر هذا التاج؟

كل من يقرأ التاج هو معزوم عليه

هناك 20 تعليقًا:

زمرده يقول...

هههههه عجبني العنوان جدا
وياستي اهي فرصه وتعرفنا على مهره اكثر
مفروض نشكر تايه

تايه في وسط البلد يقول...

يا خبر ابياااااااااااااض

رسمي نظمي!!

مشروع كرنبة مكلبظة!!

الصراصير!!

وكمان شخصية قهرية

لا لا لا ده اوقر اوفر

ههههههههههههههههه

***************

لا بجد والله انا مبسوط جدا انك مش نسيتي التاج - 3 شعرات بيض بس اللي طلعولي!-
وسعيد اني كنت السبب اننا اتعرفنا بيكي اكتر

واحنا كمان بنحب التدوينات عن الكتب ودي تاني مرة هاطلبها منك

كل التحية

mohra يقول...

زمرده
الغريبه ان العنوان لا يظهر عندى ابدا
مشكله فى explorer
وحشتينى جدا



تايه فى وسط البلد
شفت بقه
3 شعرات بس و الله انت مفترى ..قول 10
بالمناسبه شكرا على التاج

قهوة بالفانيليا - شيماء علي يقول...

مهرة .. :)
انا اول مرة اجي هنا ..
و اول حاجة اقارها التاج دة ..
و اجباباتك على الاسئلة حلوة و طبيعية جدا ..
:)
عارفة نفسك .. و دي ميزة جبارة ..!!
مصافحة اولى ..
كل الحب .

micheal يقول...

بقالي كتير مقرأتش تاجات
:)
ازيك يا مهرة

bastokka طهقانة يقول...

انا كمان بحب البيتزا
بس بكره التاجات قوي
اخبارك ايه؟

Zianour يقول...

نهارك ابيض وياسمين

كيف اصبحتي يااميرة الروقان

تصدقي اناكمان باموت في الكبدة ..مش ممكن وباكلها باي طريقة

يمكن عشان الانيميا ؟؟؟

عموما اجابات لذيذة

وتسلمي لي عيون الحلوين

بوسااات كتيرة جداجدا
:))

rovy يقول...

السلام عليكم ..
تاج جميل بجد و كفايه أنه عرفنا عليكى يا دكتوره :)
بس أنتى متأكده من مشروع الكرنبه ده .. :)) بصراحة حساكى مش كرنبه خالص مش عارفه ليه بس بجد حساكى رشيقه جدااا يمكن لأن روحك رشيقه بجد أوى ..
كل الاجابات عجبتنى و مميزه .. خصوصا الشخصيه القهريه دى اصل هى دى اللى ماشيه فى الزمن ده :D ..
يارب تكونى دائما بكل خير
خالص الموده و التقدير .. و التحيه

mohra يقول...

قهوة بالفانيليا
خطوه عزيزه يا شيماء
اتمنى تكررى الزياره
نورتى


micheal
تمام يا مايكل


bastokka طهقانة
ام خوخه
حمد الله على السلامه
انا عال




Zianour
اشك فى موضوع الانيميا
ده عشق بلا اى هدف
بوسات اكتر لكى و لزياد و نور



rovy
يا روفى لسه مشروع ...يعنى لسه مش كرنبه
بس الشخصيه القهريه لا تقهر احد فقط تجبر نفسها على التصرف بشكل معين
برئ و الله

تايه في وسط البلد يقول...

بالمناسبة

هل وقعتي بيان التغيير ولا انت الوضع الحالي مريحك

عموما ادخلي الموقع ووقعي وانشريها

www.taghyeer.com

Zianour يقول...

مهرة

ازيك؟

يا رب تكوني بخير وسلام

طمنينا عليكي

بوسات كتيرة

mohra يقول...

تايه في وسط البلد
بعيد عنك
و لا عشر ايام لغايه ما الموقع فتح معايا
بس الحمد لله وقعت اخيرا
لكن لى عتاب ...ازاى تتخيل ان الاوضاع عجبانى...هو فى حد ممكن تعجبه؟؟؟



Zianour
انا الحمد لله مفيصه شويه لكن بخير
المهم انتى و الزياد و النور

رشا يقول...

مدونتك جميلة

والابيات لمحمود درويش رائعة

Sou يقول...

اسئله جامده , مختصره وفي الصميم , وحشتني مدونتك ومستنيه زيارتك
http://heart-whispers08.blogspot.com/

Zianour يقول...

ازيك يا مهرة يا رب تكوني بخير وسلام


كل دعواتي وامنياتي الطيبة لكي

كلام على بلاطة يقول...

تاج عظيم اهديه لكل واحد بيفهم ولو انهم اقلية....تحياتى
========
منين يا اطيب مجتمع جبت كل هذا العنف والشراسة /

واستغنيت عن اللطافة والظرف وخفة الدم بكل غلاسة/

وكأنك قصدت القضاء على الامل وزرع الخييةو التعاسة/

ونشفت كل ناعم ولين وصار انشف واقسى من النحاسة/

وقضيت على العقول المفكرة وحببتنا فى الركود والتياشة/

فالتياسة تريح العقول اللى ما اشتغلتش وفى اضخم حراسة/

فالغباء والجهل والتجهيل يحرسونها كما جاء فى الكراسة/

كراسة الشروط التى تضمن الهبوط وكراهية الفهم والدراسة

فاتيما يقول...

رمضان كريم يا مهرة
كل سنة و انتى طيبة يا حبيبتى

۩

انتى فين كل دا ؟!!
اتأخرتى علينا قوى
و وحشتينااااااااااا

سمو الامير يقول...

اجابات تنم عن شخصية مثقفة وهادئة الطباع

تحياتي وكل عام وانتم بخير :)

تايه في وسط البلد يقول...

مدونة تايهة يا ولاد الحلال

طبيبة

الاسم مهرة

عندها عربية محيراها!!ه

غابت عن مدونتها من اكتر من نصف عام والمدونة مقطعة نفسها من العيااااط!!ه

اللي يلاقيها يسلم عليها ويقولها عيب الانقطاع المفاجئ !!ه

entrümpelung wien يقول...

شكرا على الموضوع
entrümpelung
entrümpelung
entrümpelung wien