الحرافيش

لمحه

2011-06-21T01:59:00.003+03:00

طبيب كبير بالمستشفى (مرستان أم محمود العام ) يقوم بتدخل جراحى صغير لاحدى المريضات وتأتى ممرضه صعيديه لتوصى بالمريضه لأنها" جارتها"..... يبدو انها من بلدهم أو شيئ من هذا القبيل لأنه لا يبدو ان بينهم سابق معرفه
انتهى الحدث
فقط سأضيف لكم أن الطبيب و الممرضه مسيحيين و المريضه مسلمه
لفتت نظرى تلك التلقائيه التى أوصت بها الممرضه على المريضه

خلى بالك منها يا دكتور ..... والنبى

أنا البرادعى ....

2011-06-18T23:12:00.005+03:00

لم أكن أتخيل أن أحب شخصيه سياسيه بهذا الشكل قبل الآن

قبل عودته النهائيه لم أكن أعلم عنه شيئأ يذكر و قلت مثل الناس لسه فاكر (تعلمون كرهى لزويل و امثاله ) و لكنى قرأت و سمعته فأعجبنى ما قرأته و ما سمعته

وقعت على بيان الجمعيه الوطنيه للتغيير ..... أحلم بتغيير لا أتخيل أن يحدث يوما و رغم ذلك أحث كل معارفى على التوقيع

يغيب البرادعى فى أسفار متكرره و حمله ضاريه ضده فى الاعلام .... يثور غضبى عليه و على الاعلاالمنافق فى نفس الوقت أقول هذا الشعب يريد قائد و لن يتحرك وحده .... أسمعه و هو يقول أنه لن ينزل الشارع الا اذا نزلت الالاف للتظاهر .... أقول لقد جن الرجل و لعله يتراجع بسبب الحمله الشعواء

ثم حدثت المعجزه ... لم يصدق أحد حتى المشاركين ... و بالفعل نزل الناس الشارع (حتى لم نعد نعرف كيف نعيدهم للبيوت ) حدث ما قاله و يتكرر هذا معى فكلما قال شيئا تثبت الأيام أنه كان الحل اللأصوب حتى لو تعجبت منه فى البدايه

أتمنى حقا أن يصبح رئيسا .... أومن بأنه و بمنهجه و الرؤيه الواضحه لديه هو الأقدر على أن يعطينا نظام ديمقراطى حقيقى ... يؤسفنى مشاركه التيارات الاسلاميه فى نقض الديمقراطيه و هدم سمعه اخرين بتضليل فج (الليبراليه التى صارت مرادفا للكفر حتى البرادعى غيرها محاولا كسب الرأى العام ) الاسلام برئ من كل هذا ... أظن الناس ستدرك الحقيقه و لكن بعد فوات الأوان و بعد وضع عراقيل لا بأس بها فى طريق الحريه و الديموقراطيه.... على كل حال بالتأكيد أفضل اللأيام هى التى لم نعشها بعد

يغضبنى كثيرا أن أسمع منتقدى البرادعى ليس لأنهم ينتقدوه و لكن للجهل الرهيب (عميل امريكا -ضرب العراق-بنته متجوزه مسيحى -بيشرب خمره)لم لا يكلف أحدهم نفسه مشقه فتح صفحه انترنت محايده او رسميه ... بلاش يسمعوه حتى ...تحكم بنا المخلوع عاما (مرشحه للزياده) بالجهل و ما زال

اليوم فى حرب الدستور أولا و هو المنطق و هو ما كان يجب أن يكون و لا يقحم فى استفتاء غريب لا يعرف أحد ما كان المقصود به و لكن فى النهايه وافق عليه الناس و أظن أن من الديموقراطيهأن يتم ما أرادوه حتى لو كان خطئأ.... فى خضم هذا العك السياسى البديع يخرج علينا البرادعى بحل بسيط أحسبه يرضى جميع الأطراف التى لا تسعى الا للمصلحه و فى نفس الوقت يحقق مبادئ الثوره و لا ينقض على رأى الأغلبيه

أتمنى أن يتجمع الناس على فكره مواد فوق دستوريه (سواء التى صاغها البرادعى أو أخرى فلا أظنهم سيختلفوا فى المضمون ) فهى فكره تجمع و لا تفرق ... كفانا فرقه

قلق

2011-06-06T01:35:00.001+03:00

حزينه للغايه
بحثت عن الطمأنينه فجائنى مزيد من القلق
الحمد لله الذى لا يحمد على مكروه سواه

ماذا حدث بالأزيكيه؟؟؟؟؟

2011-06-04T21:28:00.004+03:00

نستيقظ كل يوم على خبر لواحد مات ...... تنفى الداخليه و تقول بلطجيه و حشاشين و يهلل الصحفيين و الناشطين و تعمل الآله الاعلاميه بأقصى قوه ... أظل وحدى اتسائل ما الذى حدث لا أصدق كلام الداخليه ...ثقه مفقوده من قديم و كلام يفتقر للمنطقيه ولكن الضحايا نفسهم يتصرفون بطريقه مستفزه .... يعنى مثلا السائق الأخير رفض اظهار الرخص و صفع الضابط ...تصرف فى منتهى السفاله و قله الأدب و لكنه لا يعنى اطلاقا أن يموت عقابا عليه

لو لم يكن لمبارك من ذنب الا انه جعل ضباط الشرطه تفقد كل انتمائها للشعب ....لا يمكن أن تجد ضابط شرطه واحد يؤيد الثوره ...أفهم ان الثوره هى عكس النظام العسكرى تماما و لكن ما يؤذينى حقا ان غضبهم هو لما يحسبونه كرامتهم كما لو ان كرامتهم لا تأتى الا على رقاب الناس و رفعتهم لا تتأتى الا بذل النفوس

شهدت بعينى كيف تتحول روح نبيله الى اعتناق مبادئ الوحشيه الشرطيه و انكار حقوق الانسان بحجه انها غير قابله للتنفيذ و ذلك كله نتيجه الانخراط فى سلك الشرطه و فى أودع أقسامه

الممتاز منهم يتسائل عن الصواب و الخطأ و يتقعر و يتفلحس ليصل لنتيجه اننا لا نصلح للديموقراطيه و يتصيد الأخطاء للثوار كما لو ان بينه و بينهم ثأر

لا يكفوا عن العويل و النواح كما لو ان الجيش لم يختبر أضعاف ما اختبروه بعد النكسه و استطاع الوقوف على قدميه.... اقتطعوا أنفسهم تماما من سياق الشعب ...لا أفهم كيفيمكنهم أن ينكروا الشمس حين يروها

الخلاصه اننا صرنا شعب غير مهذب لا يحترم نفسه و لا يحترم القانون(طبيعى بعد ३० عام من الفوضى )...و لكن المصيبه أن لدينا بلطجيه يرتدون زى الشرطه

كيف سنطبق القانون بالله عليكم اذا كان رب البيت بالدف ضاربا

فى كل اسبوع يوم جمعه

2011-06-03T19:48:00.007+03:00

عنوان روايه مثيره للجدل لابراهيم عبد المجيد يغازل فيها لغه العصر فيتخيل موقع تنشئه فتاه لا يتقبل اضافه الأصدقاء الا يوم الجمعه ...يعرض مجموعات غريبه من البشر و تتطور الأمور لتحذث جريمه قتل و نكتشف ان الموقع ما هو الا مصيده للبشر أقامتها للحصول على ضحايا بشريه لزوجها المختل عقليا

رشحت الروايه لصديقتى باعتبارها غريبه و ممتعه للقراءه و لكنها كرهتها معربه عن تقززها منها ..... لم اعتبرها روايه واقعيه بقدر ما وجدتها مشوقه و غريبه

أما شعور صديقتى هذا فقد وجدته مع روايه أخرى اسمها "أولاد الجبلاوى" سخيفه جدا و اباحيه بدرجه مقززه و رغم استخدام الراوى لتقنيه " روايه متاخله بروايه أخرى "(لا أعلم ان كانت هذه التسميه صحيحه ... لعل التسميه الصحيحه هى الروايه اللولبيه مثلا...المهم الروايه اللوزعيه دى ليس فيها ما يمتع انما هو استعراض الكاتب لقراءته لنجيب محفوظ و رواياته و لا أظن هذا كافى الا لجعله قارئ متميز و ليس كاتبا متميزا

سيبنا من السيره دى و أعود ليوم الجمعه

مؤخرا يرد عنوان الروايه المثير على خاطرى فقبل كل مليونيه تبدأ السلطه فى التجاوب لطلبات المحتجين كما لو انها تخشى يوم الجمعه رغم انه فى كل اسبوع يوم جمعه ..... ويتوعد الثأرين مؤكدين أن فى كل اسبوع يوم جمعه

لا يعجبنى ما يجرى كثيرا و لكن لا أنسى أن فى كل اسبوع يوم جمعه

يوم تعيس عادى للغايه

2011-06-02T21:00:00.004+03:00

لا أفهم لماذا نتفنن فى مضايقه بعضنا ...يبدأ يومى بمنغصات و يستمر عامرا بكافه العراقيل التى يضعها الناس لبعض بلا أى مبرر منطقى و تستمر المعافره ضد القوانين الغاشمه و الغبيه و تعالى البشر و سوء أحوال عمل و حياه ينافسه فى السوء شمس تجعل مخى يسيح فى أثناء رحلاتى المكوكيه لانهاء أوراقى

أنا ببساطه أقوم بالتسجيل للدكتوراه

يمكننى أن احكى لكم كم السخف و الهراء و الظلم الذى أقابله على مدار الشهر القادم بمنتهى السهوله و لكنى سأ حتفظ بمشاكلى الفئويه لنفسى و أرحمكم

دوما يسألونى عليكى بايه من الهم ده؟؟؟اسأل نفسى ذات السؤال و لا أجد اجابه منطقيه ...فقط استمر و لا ايأس عندما يطالعنى وجه بشوش متعاون فى خضم الوجوه الكالحه و يسعد يومى أن أحصل على حق أحارب من أجله من عامين

ساستمر و أبتسم قدر المستطاع

سأكافح من أجل البقاء...... فقط لا تكلمونى عن اضراب اللأطباء

عود أحمد ....(ومحمد ومحمدين كمان)

2011-06-01T21:01:00.005+03:00

عوده للتدوين ...الحق أنا أدون كثيرافى دماغى و أكلم المرايا و مؤخرا بدأت فى نقاشات مطوله مع الفلول ثم قررت بعدها التوقف للحفاظ على صحتى العقليه و النفسيه

قرأت عن يوم التدوين عن المجلس العسكرى و لم ألحق المشاركه حيث فاتنى اليوم

ولكنى أنوى التكفير عن سهوى و الرجوع للمدونه قدر المستطاع هذا الشهر ...قولوا يا رب

اليوم سأتسائل لماذا لا يلقى حسنى مبارك فى أى مستشفى سجن بحالتها مثل الالاف من المجرمين ؟(الأقل اجرامه بالتأكيد ) وهو ونصيبه ....يكفيه تلك السنين التى فلت من العقاب فيها (لا أدرى لماذا لا أتعاطف معه أو مع كلامه أو أخباره .... بالعكس هى تستثيرنى بدرجه لا بأس بها)ربما لأنى رأيت المساجين و كيف يبدلهم السجن بعد اصابتهم بأمراض عضاله و معديه و البقاء بالشهور دون علاج حتى يأتنى لأكشف عليه هيكل عظمى ينتظر الفناء

ربما لأنى تشاجرت يوما مع ظابط الترحيلات الذى هددنى و هدد السجين (شيخ وقور لا يقل عن ستين عاما فى أصغر التقديرات ) لأنى أردت أن أعطيه علاجا فتوعدنا بأنه سيقلب المستشفى ثكنه أمن مركزى لو فكرت فى حجز المريض ناهيك عما طال الشيخ من الوعيد

ربما لأنى قرأت تحويل من مستشفى السجن مكتوب فيه ضغط المريض ستين ثلاثين (تقريبا يحتضر و لا يمكن بأى حال من الأحوال ألا يعالج بالرعايه أو ينقل بدون عربه مجهزه ) و عنما رفعت عينى لأجد السجين ميتا فقط ليجادلنى الظابط بأن كان فيه الروح و أنه موصله فيه نفس كأنه ينقل بهيمه بينما نقله بهذا الشكل هوجريمه متكامله .... قتل مع سبق الاصرار و الترصد

لم ألمه وقتها ....... لم ألم الطبيب الذى نقله فالبقاء فى مستشفى السجن لا يقل اجراما و رفض نقله جريمه أخرى...هم فقط أعطوه فرصته

لماذا لا نعطى المخلوع فرصته أيضا

البعض يجادل بأنه قد يموت ...لهم أقول طب ما يغور

لا تصالح

2011-05-18T03:22:00.003+03:00

(1 )

لا تصالحْ!

..ولو منحوك الذهب

أترى حين أفقأ عينيك

ثم أثبت جوهرتين مكانهما..

هل ترى..؟

هي أشياء لا تشترى..:

ذكريات الطفولة بين أخيك وبينك،

حسُّكما - فجأةً - بالرجولةِ،

هذا الحياء الذي يكبت الشوق.. حين تعانقُهُ،

الصمتُ - مبتسمين - لتأنيب أمكما..

وكأنكما

ما تزالان طفلين!

تلك الطمأنينة الأبدية بينكما:

أنَّ سيفانِ سيفَكَ..

صوتانِ صوتَكَ

أنك إن متَّ:

للبيت ربٌّ

وللطفل أبْ

هل يصير دمي -بين عينيك- ماءً؟

أتنسى ردائي الملطَّخَ بالدماء..

تلبس -فوق دمائي- ثيابًا مطرَّزَةً بالقصب؟

إنها الحربُ!

قد تثقل القلبَ..

لكن خلفك عار العرب

لا تصالحْ..

ولا تتوخَّ الهرب!

(2)

لا تصالح على الدم.. حتى بدم!

لا تصالح! ولو قيل رأس برأسٍ

أكلُّ الرؤوس سواءٌ؟

أقلب الغريب كقلب أخيك؟!

أعيناه عينا أخيك؟!

وهل تتساوى يدٌ.. سيفها كان لك

بيدٍ سيفها أثْكَلك؟

سيقولون:

جئناك كي تحقن الدم..

جئناك. كن -يا أمير- الحكم

سيقولون:

ها نحن أبناء عم.

قل لهم: إنهم لم يراعوا العمومة فيمن هلك

واغرس السيفَ في جبهة الصحراء

إلى أن يجيب العدم

إنني كنت لك

فارسًا،

وأخًا،

وأبًا،

ومَلِك!

(3)

لا تصالح ..

ولو حرمتك الرقاد

صرخاتُ الندامة

وتذكَّر..

(إذا لان قلبك للنسوة اللابسات السواد ولأطفالهن الذين تخاصمهم الابتسامة)

أن بنتَ أخيك "اليمامة"

زهرةٌ تتسربل -في سنوات الصبا-

بثياب الحداد

كنتُ، إن عدتُ:

تعدو على دَرَجِ القصر،

تمسك ساقيَّ عند نزولي..

فأرفعها -وهي ضاحكةٌ-

فوق ظهر الجواد

ها هي الآن.. صامتةٌ

حرمتها يدُ الغدر:

من كلمات أبيها،

ارتداءِ الثياب الجديدةِ

من أن يكون لها -ذات يوم- أخٌ!

من أبٍ يتبسَّم في عرسها..

وتعود إليه إذا الزوجُ أغضبها..

وإذا زارها.. يتسابق أحفادُه نحو أحضانه،

لينالوا الهدايا..

ويلهوا بلحيته (وهو مستسلمٌ)

ويشدُّوا العمامة..

لا تصالح!

فما ذنب تلك اليمامة

لترى العشَّ محترقًا.. فجأةً،

وهي تجلس فوق الرماد؟!

(4)

لا تصالح

ولو توَّجوك بتاج الإمارة

كيف تخطو على جثة ابن أبيكَ..؟

وكيف تصير المليكَ..

على أوجهِ البهجة المستعارة؟

كيف تنظر في يد من صافحوك..

فلا تبصر الدم..

في كل كف؟

إن سهمًا أتاني من الخلف..

سوف يجيئك من ألف خلف

فالدم -الآن- صار وسامًا وشارة

لا تصالح،

ولو توَّجوك بتاج الإمارة

إن عرشَك: سيفٌ

وسيفك: زيفٌ

إذا لم تزنْ -بذؤابته- لحظاتِ الشرف

واستطبت- الترف

(5)

لا تصالح

ولو قال من مال عند الصدامْ

".. ما بنا طاقة لامتشاق الحسام.."

عندما يملأ الحق قلبك:

تندلع النار إن تتنفَّسْ

ولسانُ الخيانة يخرس

لا تصالح

ولو قيل ما قيل من كلمات السلام

كيف تستنشق الرئتان النسيم المدنَّس؟

كيف تنظر في عيني امرأة..

أنت تعرف أنك لا تستطيع حمايتها؟

كيف تصبح فارسها في الغرام؟

كيف ترجو غدًا.. لوليد ينام

-كيف تحلم أو تتغنى بمستقبلٍ لغلام

وهو يكبر -بين يديك- بقلب مُنكَّس؟

لا تصالح

ولا تقتسم مع من قتلوك الطعام

وارْوِ قلبك بالدم..

واروِ التراب المقدَّس..

واروِ أسلافَكَ الراقدين..

إلى أن تردَّ عليك العظام!

(6)

لا تصالح

ولو ناشدتك القبيلة

باسم حزن "الجليلة"

أن تسوق الدهاءَ

وتُبدي -لمن قصدوك- القبول

سيقولون:

ها أنت تطلب ثأرًا يطول

فخذ -الآن- ما تستطيع:

قليلاً من الحق..

في هذه السنوات القليلة

إنه ليس ثأرك وحدك،

لكنه ثأر جيلٍ فجيل

وغدًا..

سوف يولد من يلبس الدرع كاملةً،

يوقد النار شاملةً،

يطلب الثأرَ،

يستولد الحقَّ،

من أَضْلُع المستحيل

لا تصالح

ولو قيل إن التصالح حيلة

إنه الثأرُ

تبهتُ شعلته في الضلوع..

إذا ما توالت عليها الفصول..

ثم تبقى يد العار مرسومة (بأصابعها الخمس)

فوق الجباهِ الذليلة!

(7)

لا تصالحْ، ولو حذَّرتْك النجوم

ورمى لك كهَّانُها بالنبأ..

كنت أغفر لو أنني متُّ..

ما بين خيط الصواب وخيط الخطأ.

لم أكن غازيًا،

لم أكن أتسلل قرب مضاربهم

لم أمد يدًا لثمار الكروم

لم أمد يدًا لثمار الكروم

أرض بستانِهم لم أطأ

لم يصح قاتلي بي: "انتبه"!

كان يمشي معي..

ثم صافحني..

ثم سار قليلاً

ولكنه في الغصون اختبأ!

فجأةً:

ثقبتني قشعريرة بين ضلعين..

واهتزَّ قلبي -كفقاعة- وانفثأ!

وتحاملتُ، حتى احتملت على ساعديَّ

فرأيتُ: ابن عمي الزنيم

واقفًا يتشفَّى بوجه لئيم

لم يكن في يدي حربةٌ

أو سلاح قديم،

لم يكن غير غيظي الذي يتشكَّى الظمأ

(8)

لا تصالحُ..

إلى أن يعود الوجود لدورته الدائرة:

النجوم.. لميقاتها

والطيور.. لأصواتها

والرمال.. لذراتها

والقتيل لطفلته الناظرة

كل شيء تحطم في لحظة عابرة:

الصبا - بهجةُ الأهل - صوتُ الحصان - التعرفُ بالضيف - همهمةُ القلب حين يرى برعماً في الحديقة يذوي - الصلاةُ لكي ينزل المطر الموسميُّ - مراوغة القلب حين يرى طائر الموتِ

وهو يرفرف فوق المبارزة الكاسرة

كلُّ شيءٍ تحطَّم في نزوةٍ فاجرة

والذي اغتالني: ليس ربًا..

ليقتلني بمشيئته

ليس أنبل مني.. ليقتلني بسكينته

ليس أمهر مني.. ليقتلني باستدارتِهِ الماكرة

لا تصالحْ

فما الصلح إلا معاهدةٌ بين ندَّينْ..

(في شرف القلب)

لا تُنتقَصْ

والذي اغتالني مَحضُ لصْ

سرق الأرض من بين عينيَّ

والصمت يطلقُ ضحكته الساخرة!

(9)

لا تصالح

ولو وقفت ضد سيفك كل الشيوخ

والرجال التي ملأتها الشروخ

هؤلاء الذين تدلت عمائمهم فوق أعينهم

وسيوفهم العربية قد نسيت سنوات الشموخ

لا تصالح

فليس سوى أن تريد

أنت فارسُ هذا الزمان الوحيد

وسواك.. المسوخ!

(10)

لا تصالحْ

لا تصالحْ

أمل دنقل

لا

2011-03-18T14:18:00.001+03:00

الديزنانور

2011-02-05T15:24:00.006+03:00

اندفع بعض الحاضرين و طلبوا التصوير مع سيادة الرئيس فاستجاب و أشار للحرس فأفسحوا لهم ..صافحوه جميعا و وقفوا مزهوين حوله...اقترب منهم مصور الرئاسه حاملا كاميرته الحديثه..كان رجلا بدينا أصلع جاوز الخمسين..(تأكد فيما بعد بشكل قاطع أنه جديد فى الرئاسه و تقرر سفره مع الرئيس لأول مرة بعد مرض المصور الأصلى )

ضبط الرئيس و الذين معه على وجهوهم ابتسامة التصوير لكن اللحظات مرت و المصور يثبت عينه على الكاميرا و لا يلتقط الصوره و فجأه مد يده الى الأمام و قال:

من فضلك يا سيادة الرئيس تعال الى اليمين قليلا

ساد صمت عميق رابض متحفز كالخطر..لم يتحرك الرئيسكما طلب المصور..ظل واقفا فى مكانه و نظر الى أعلى و كأنه يرقب شيئا يتحرك على السقف..كانت هذه علامة غضبه المعروفه:أن ينظر الى أعلى عندما يحدث شيئ لا يعجبه..على المحيطين به عندئذ اصلاح الخطأ فورا...يبدو أن المصور لم يكن ذكيا بما يكفى لملاحظة ما حدث أو أنه تخيل أن الرئيس لم يسمعه جيدا فأبعد الكاميرا من امام عينه و قال بصوت مرتفع هذه المرة :

سيادة الرئيس ..سيادتك خارج الكادر .. تحرك الى اليمين من فضلك

و قبل أن ينتهى من الكلمه الأخيره دوت صفعه عنيفه على وجهه ! جذب رئيس التشريفات الكاميرا منه و طوح بها فى الهواء فسقطت بعيدا و انكسرت الى شظايا محدثه صوتا عاليا ثم أمسك به من ياقه القميص و زأر غاضبا:

تقول لسياده الرئيس يتحرك يا حمار يا ابن الكلب ؟؟؟ مصر كلها تتحرك و سياده الرئيس يظل ثابتا فى مكانه...اخرج يا حيوان!

شيكاغو

علاء الأسوانى

مبروك تونس

2011-01-15T21:56:00.003+03:00

إذا الشّعْبُ يَوْمَاً أرَادَ الْحَيَـاةَ فَلا بُدَّ أنْ يَسْتَجِيبَ القَـدَر

وَلا بُـدَّ لِلَّيـْلِ أنْ يَنْجَلِــي وَلا بُدَّ للقَيْدِ أَنْ يَـنْكَسِـر

الشاعر التونسى أبو القاسم الشابى

مدرسه.....صفا

2010-09-28T14:39:00.002+03:00

اتصلت لتحكى لى احدى مشاكلها ..كنت فى غايه الانشغال و ضايقنى انها لا تريد ان تحكى حتى ملخص للمشكله ..وهكذا اجلنا الحديث متوقعه ان تكون احدى المواقف العاديه التى يضخمها الاحساس المفرط لتلك الصديقه

فى البدايه اعرفكم بها هى صديقه تصغرنى ببضع سنين ..لا ادرى ان كانت كلمه صداقه هى التوصيف الامثل ام لا فانا اكاد اكون المرشده الروحيه لها..هى احد اخلص البشر ..مهذبه نقيه قليله الخبره بالبشر ..مازالت الدنيا لديها ابيض و اسود..تذكرنى بنفسى قبل حين

بعد انتهاء مشاغلى طلبتها لاعلم ما الامر ..فاصرت ان نلتقى ..استفزنى هذا متوقعه ان تكون المشكله محض هراء..و لكن ما اعجب ما سمعت................

تعمل صديقتى هذه الايام كمدرسه للصف الاعدادى ..مهنه جديده عليها ..اول اسبوع ..مدرسه دين

فى احدى الحصص دخلت لتجد اربع طلبه متغيبين..اخدتهم غياب و بدأت الدرس

و فجأه قامت طالبه و قالت انها تريد ان تنزل الحوش..لانها لن تفهم منها و لانها حصه مش مهمه!

عبثا حاولت صديقتى اقناع الفتاه بالعدول عن موقفها و فى النهايه اخبرتها ان بامكانها ترك الحصه و الوقوف على الحائط الخارجى ان ارادت..لم ترض الفتاه و جلست

بعد دقائق وجدت احدى المدرسين يدخل عليها الفصل و يطلب منها ان تطلق سراح الفتاه(من الواضح ان الطالبه اتصلت به على المحمول)..ردت المدرسه بان هذه حصتها و انها لن تفعل هذا فما كان من المربى الفاضل الا ان تطاول عليها امام التلاميذ متسألا انت فاكره نقسك ايه؟؟؟؟؟

قامت صديقتى و اغلقت الباب و استمرت فى الدرس الا ان الفتاه قامت ثانيه و بدأت فى تهديدها و انت مش عارفه بابا هيعمل فيكى ايه ...هيوريكى شغلك!!!
ازدادت المشكله و الفتاه تقف متحديه و يدها فى وسطها تهدد مدرستها و كعادتنا فى مصر كل واحد عنده كلمه قالها

يا ميس ما تسبيها تنزل

بابا هيوريكى

ايه يا بنت انتى ماحدش مالى عينيك

كبرى دماغك و سيبيها تنزل

احنا مش عايزين مشاكل

المهم انقسمت اراء هيئه التدريس بين مطاوعه الفتاه و بين تأديبها..الى ان همس المدرس الاول فى اذنهم بكلام اعقبه تحول الجميع الى ترك الفتاه تنزل الى الحوش

اتدرون ما السر المهموس؟؟

والد الغندوره عميد بالامن المركزى

و هكذا انتهت الحصه و لم يتعلم احد شيئاو لم تنزل الفتاه و لم تتوقف عن التهديد

اعقب هذا حرب نفسيه على المدرسه و ارعابها و انتى مش عارفه ممكن يلبسك قضيه..مش عارفه بنات الناس بيحصلهم ايه فى امن الدوله

حتى عندما اخبرت الناظره...بدأ الحوار باستنكار ما حدث و انتهى بتقريعها على حنبليتها و ختمته بالمن عليها وقالت اتق شر من احسنت اليه

و لن انسى الحل العبقرى الذى توصلت له ..الا و هو الاعتذار- من المدرسه للطالبه طبعا - يمكن حد يفتكر العكس ولا حاجه

عندما حكت لى ,كانت دامعه العين, مضطربه ,خائفه مما سيحدث تطلب منى ان ادعو لها بالسلامه

لا احتاج لاخبركم عن مدى ثورتى

ما هذا الذى يحدث فى المدارس ؟بل ما الذى يحدث فى الدنيا ؟كيف يتحول الظالم لمظلوم و البرئ الى متهم؟؟؟

شجعتها قدر استطاعتى و قللت من مخاوفها و بالطبع ايدتها فى موقفها تماما

فى اليوم التالى حضر الاب محمر العينين يسأل عن فلانه ...و لا ميس و لا ابله و لا دياولو

بدأ حواره بالصراخ و الشجار متهما اياهم بسب ابنته (كما لو انها لا تستحق و رغم ان احد لم يفعل و لا اعلم لماذا) و شهاده للحق فقد وقفت الناظره(واحده تانيه غير الاولانيه ..تقريبا عندهم ناظره لكل تلميذ؟)وقفه شجاعه و الزمت الرجل حده ولم تتقبل اى تجاوز

و رغم ان الرجل تصاغر الا انه ظل يلح فى ضروره اعتذار المدرسه للبنت -علشان بريستجها امام الطلبه- ملتمسا العذر لابنته لانها حصه غير مهمه!!!!

نهايه القول حاول الرجل كثيرا و لكن وقفت الاداره بجانب المدرسه

ذكرتنى تلك الحادثه باخرى مشابهه لها ..انتهت بارعاب المدرسه الشابه المسكينه و التى اعتذرت للطالبه على الملأ ثم استقالت الى ان اعادها الوزير لموقعها..مع فارق ان المدرسه كانت خاصه فى تلك الحاله و حكوميه مميزه فى حاله صديقتى

لفت نظرى عده اشياء فى تلك الواقعه

ان الناس هى التى تفسد التعليم وتعود لتلوم المدارس..كيف يمكن لاى طالب ان يفهم معنى الالتزام و اهله اول من يحضونه على خرق القانون

أليس الاهالى هم من يقيدوا اولادهم بالدروس الخصوصيه و يغيبوهم عن المدرسه بدافع المذاكره

منطق غريب للغايه..لم اخذ يوما درس خصوصى و عادى يعنى ..الاغرب ان الدروس الخصوصيه صارت كالمحاضرات و بلا شك عدد الطلبه بالمدرسه اقل و رغم ذلك الاتهام الاول للمدرس

و ما كل هذه الانتهازيه بالناس ..المدرس لكى يحرز نقطه عند الطالبه يهين نفسه و زميلته و يؤيد موقف غرائبى بكل معنى الكلمه

أن يستغل الناس سذاجه المدرسه الصغيره ليرعبوها و يحضوها على اعتذار مهين ..لا اشك فى ان نصف الحاضرين على الاقل يعلم بعدم معقوليه تلفيق القضايا فى واقعه بسيطه مثل هذه حتى فى دوله بوليسيه عتيده مثل دولتنا الديمقراطيه..هم فقط ارادوا اجتناب المشاكل او الحصول على مكاسب شخصيه

رغم غرابه الموقف بالنسبه لى شخصيا و غياب المنطق تماما الا انى ارى اشياء مبشره فالمدرسه الصغيره الجديده استطاعت ان تتبنى موقف تربوى و لم تحد عنه و الطفله رغم كل وقاحتها و التربيه الخاطئه لم تستطع الا الاذعان-كان من السهل ان تفتح الباب و تخرج و لم تكن المدرسه لتستطع منعها و لكن الفتاه لم تفعل ..هى فى النهايه طفله ..متمرده لكن طفله و هذا هو السن لتعليمها الاذعان للقوانين

الموقف الممتاز لاداره المدرسه..هل هو نتيجه لافراد متميزه و حازمه ام هل كان لتوجهات الوزير الجديد تأثيرا غير مرئى...لا اعلم

فى النهايه ان كان الجميع يتفق ان حصه الدين غير مهمه!!! فلما تكاد البلد تحترق فى أتون الفتنه الطائفيه؟؟؟

أنثور للدين دون ان نتعلمه!!!!!!!!!!!

تاج تانى يانى يانى

2010-02-19T22:20:00.010+03:00

بعد زوبعه معرض الكتاب و فى وسط البيات الشتوى الاختيارى و بينما اقرأ فى كتب المعرض بالجمله مثل سعيد صالح فى العيال كبرت (ست كتب فى نفس واحد)...اكتشفت انى نسيت تاج كان قد مرر لى من الصديق تايه فى وسط البلد و بعد الاعتذار عن التأخير ...نفتتح الجلسه

اسمك؟

مهره

السن؟

ليه الاحراج ده؟خلاص وصلت التلاتين رسمى نظمى فهمى

مجال الدراسة أو العمل؟

طبيبه

هل فكرت في إغلاق مدونتك والسبب؟

لا و ان كنت اخجل من تركى لها فترات طويله و ارى انه ليس من اللائق ان اهملها هكذا و لكن ما باليد حبله

رد فعلك تجاه من يقل أدبه عليك؟

حد يستجرى؟؟؟

هو لسه ماحدش قل ادبه عليا ؟لكن مبدئيا انا ارفض اى بذاءه و ان كنت احترم اى اختلاف فى الرأى

يعنى اذا وجدت كلام غير مهذب سالغيها اما ان اتهمنى احد و اختلف معى فاظنى سارد عليه بحسم فقط

أسوأ مدونة دخلتها؟

اى مدونه متعصبه لرأيها و لا تحترم الرأى الاخر

اى مدونه بذيئه و لازلت لا افهم الرابط بين الثقافه و البذاءه

و لكن فى النهايه انا احترم وجود الجميع و ارفض حملات اغلاق بعض المدونات ففى النهايه ميزه عالم التدوين التخيلى هو الحريه التى نفتقدها فى الحياه الفعليه

فى النهايه لا احد يرغم الاخرين على قراءه مدونته

ماذا يحدث للبريد الإلكتروني بموتك؟ وهل أعطيت كلمة المرور لأحد؟

ستقوم شركه هوت مايل بالغائه بعد فتره معينه و سرعان ما يصبح العنوان ملكا لمهره اخرى

السفر ، ماذا يعني لك؟

هو حلم اتمنى تحقيقه

ان تكتشف العالم من حولك ..تتعلم اكثر و تشعر باحاسيس مختلفه

دوما فى السفر فائده فقد تزداد خبره او علم او مال

و لكن دائما علينا الرجوع الى الوطن فانا مع السفر و ضد الهجره

المود ؟

اثور سريعا و اصفو اسرع...اكره النكد و اضحك كثيرا

رغم ان حركتى و سرعتى فى الحديث و الحركه توحى بانى عصبيه و لكن فى الواقع انا رائقه المزاج للغايه

مثابره للغايه و اظن هذا ينبع من المزاج الرائق فلا شيئ يثنينى عن هدفى

كيف تقضي وقت فراغك؟

كثير من القراءه ..التفاعل الاجتماعى (جامده تفاعل دى ..مش كده) بمعنى الخروج مع الاصدقاءو الزيارات العائليه و المكالمات

احب زياره الاماكن التاريخيه و العروض الثقافيه من مسرح و موسيقى و فنون مختلفه و لكن لا اكذبكم لا اكرر هذا دوما لصعوبه التطبيق

اتمشى كثيرا هذه الايام و اتصفح النت كل يومين ان امكن

فى المجمل ليس عندى وقت فراغ كثير فانا دوما مشغوله

الأكلات المفضلة؟

مثل الاطفال احب البطاطس المحمره و المكرونه و البفتيك

احب الكبده بكل اشكالها و اكلها و لو من عربه زباله (عذرا على البذاءه)

احب البيتزا و الفطير

يعنى بالاختصار انا مشروع كرنبه مكلبظه

صفات أخذتها من والدك؟

النظام و ان كان ابى اكثر نظاما منى بمراحل

بعض التأنق الذى لا يضير

صفات من والدتك؟

المثاليه و محاوله الوصول للكمال

مساعده الاخرين دوما

القدره على الجدل (كما يسميها الاخرين و ان كنت اراها محاوره )و الخلق الضيق

ستة أشياء تحبها؟

لم افهم ان كان المقصود صفات ام اشياء

عامه انا احب القراءه و الاطفال و صحبتهم

احب النزهه و الفسحه

احب النجاح و الصدق و الجمال و العدل و الايجابيه

ستة أشياء تكرهها؟

اكره الجهل و التعصب و البذاءه و القذاره و السلبيه و القبح و الظلم و الصراصير

نوع شخصيتك ؟

اظن انها تسمى الشخصيه القهريه compulsive personality

هل تنفع هذه الاجابه؟؟

اظن الاخرين اقدر على الحكم على

لماذا دخلت التدوين من الأساس؟

محاوله لان اكون ايجابيه من جهه و طق حنك من جهه تانيه

أحلي جملة قيلت في وصف مدونتك؟

لا اقرأ اوصاف كثيره لها فهى لم تحظى بشعبيه واسعه و لكن يوما قال احدهم انها تحترم عقليه القارئ

اسعدنى هذا لانى اكتب و لا افكر فى اثاره الاعجاب... فقط اكتب ما اراه فى حياتى و ما اشعر به

أهمية التعليقات بالنسبة لك؟

هى توضح رأى الاخرين فى اشياء كنت اتمنى ان اعرف كيف يراها غيرى

كما انها وسيله للتواصل مع عقول و ارواح اخرى

و فى النهايه اعرف ان فى حد بص على المدونه

أفضل تدوين كتبته؟

لا اعرف و لكنى احب و استمتع بالتدوين عن الكتب

أفضل مدونة قرأتها؟

حسنا الكثير من المدونات التى تعبر عن عقليه صاحبها و اخلاقه و قيمه

بمعنى تلك المدونات التى تذكرنى ان فى بلادنا ناس لسه بتفهم

و يزداد اعجابى بالمدونه ان كان صاحبها يملك موهبه ادبيه يستطيع ان يعبر بها عن فكره

العمل بالنسبة لك؟

العمل عباده و مسئوليه...وسيله للنجاح و اكل العيش

ببساطه لن اعمل ان احسست انى لن اعطى العمل حقه فانى لا اغفر لاحد تهاونه فى عمله

الإنترنت بالنسبة لك؟

(نافذه حول العالم) مثل البرنامج التلفزيونى القديم

لم يكن فى الخيال ان تكتشف الدنيا و تجد الاجابت بضغطه زر

ان نتعرف على ناس لم نراهم و لم يكن فى الامكان ان نلتقى بهم فى الحياه العاديه و لكنك قد تجد فيه الصديق و العقل و الفكر المشابه

لمن تمرر هذا التاج؟

كل من يقرأ التاج هو معزوم عليه

نظريه المؤامره

2010-01-04T22:44:00.006+03:00

اتعرض لمحاوله اغتيال

حقا يا رفاق ...هناك من يحاول قتلى

و للاسف الشديد انا اعرف من هو و ينفطر قلبى لذلك

انها بعكوكتى الحبيبه...بعد كل هذه العشره

لا اعرف لماذا تفعل هذا

قد تحسبون انى قد جننت اخيرا و ان نظريه المؤامره تسيطر علي و لكنها الحقيقه التى لم اعد استطيع تجاهلها

و الالعن انى لا استطيع الاستغناء عنها ..انى فى مأزق حقيقى

و لكن لاحكى لكم اولا مشوار العذاب مع البعكوكه

بدأت المؤامره منذ عده شهور عندما لاحظت ان الفرامل صارت غريبه و تصدر اصواتا عجيبه طاخ طاخ طاخ

وعلى الرغم من مشاغلى ( انا فرى بيزى وومن) اخذتها على عجل (بعد حوالى شهر) للطبيب الذى قرر ان الفرامل بتاكل فى الطنبوره ؟(يالهوى الطمبوره باظت...انا معرفش هى ايه بس شكلها حاجه جامده) و هكذا يعنى نجيب طمبور ه تانيه ؟؟

طمبوره ايه يا مدام احنا هنغير التيل

تيل؟؟؟ماشى ...تلى هذا تغيير زيت الفرامل و الذى كنت اسمع عنه لاول مره

بعد هذا بدأت البعكوكه فى اصدار صوت مختلف تماما طراخ طراخ طراخ...الامر الذى اعتبرته تهريجا فانا مش فاضيه مما اغضب البعكوكه تماما و استمرت فى عصيانها مع تطوير الامر الى هزات و رجات تطورت فى النهايه الى ان الدريكسيون بدأ فى العمل على مزاجه بمعنى انه يحود فى الناحيه اللى تعجبه و هكذا شعرت بتهديد فعلى لحياتى و ببعض الاحساس بالذنب (يعنى عشان سبتها تعبانه شهر شهرين كمان ) فقررت ان اعوض البعكوكه و اجعلها عروسه ( وبالمره اعمل هدنه و امن على حياتى )

وهكذا فقد قرر الميكانيكى وضع قطعه كاوتش لعلاج مشى العجله على حل شعرها (قال يعنى هى دى المشكله ) كما غيرنا قواعد الفتيس و زيت الفتيس والعجل و طقم كهرباء وركبت مساحات و مرايات جانبيه و غسلت الموتورو وغيرت الزيت و غسلت الردياتير و شربته ميا ه خضراء ( و انا اللى بشرب مياه من الحنفيه ) و بعد كل ده ما طمرش فيها

بعد فوم الغسيل بتاع الموتور و الرادياتير الهانم رفضت الحركه و بعد مشوار لا بأس به فى عز الشمس اتحركت و ادعى الكهربائى انها كانت مبلوله و لكنى اؤكد لكم انها فقط لم تعتاد النظافه

هنا قد يتسائل البعض ..امال هى كانت ماشيه ازاى اساسا ...ارد و اقولك العنايه الالهيه و له فى خلقه شئون

المهم بعد هذا العذاب و الجهد و نزيف المال والكرامه توقعت ان يطمر فى البعكوكه و تمشى زى الالف

قوم ايه ..نازله الصبح متأخره على الشغل كالعاده و بافطر فى البعكوكه و سايقه على الرابع و باقول يا رب اوصل فى المعاد أقوم الاقيللك الكبوت فتح عليا و واقف على حيله و الدنيا ضلمت و مابقاتش شايفه حاجه ...كل ده و انا سايقه باقصى سرعه و السندوتش قى ايدى...طبعا انا قلبى وقف و مش عارفه ازاى عديت ...طبعا وصلت المستشفى و انا رجلى زى المكرونه المسلوقه و احاول افتح الكبوت تانى ....ابدا علق و فضل قافل

الا يؤكد هذا شكوكى..اليست هذه محاوله قتل مع سبق الاصرار و الترصد ؟؟؟

فى نفس ذات اليوم ليلا و انا ماشيه فى امان الله و بعد اقل من 10 دقائق سمعت الاصوات المعهوده كررطاخ كررطاخ مع تصاعد الدخان الكثيف و ارتفاع الحراره و اقف لاجد كل الماء الاخضر الذى دفعت فيه دم قلبى سايح فى الارض و لم يبقى منه سم واحد فى الهبابه (البعكوكه سابقا)

المهم اصابتنى حاله هستيريه و تيقنت انها تحاول قتلى و يا بنتى طب نوديها للكهربائى ..لأ ...طب تحت البيت ...لأ....استحاله اركبها تانى

عااااااااااااااااااااااااااااااااااااااااااااااااا

المصائر

2009-11-26T14:19:00.004+03:00

كيف الحال؟

عاملين ايه فى وسط الحرب الضروس و المعمعه ديه؟

حرب غريبه اقتحمت حياتنا ..لم تدع لاحد فرصه للفرار منها

يعنى مثلا مواطنه عاديه مثلى تفتح اللاب توب فلا تجد على النت الا تدوينات و اخبار المباره و المعركه و "مصرفوق الجميع"

الجرائد ليس فيها الا "مصر فوق الجميع"

اترك هذا و افتح التلفزيون لاشاهد الاخبار فلا اجد الا " مصر فوق الجميع"

اغير القناه لعلى اتابع مهرجان السينما فلا اجد الا شهادات الاخوه المشجعين الفنانين و المناضله المصريه فردوس عبد الحميد و" مصر فوق الجميع"

ومثل اى ربه منزل عاديه احول على احدى برامج الطهى فلا اجد الا مكالمات المشاهدات المتشنجات و المتشحتفات و "مصر فوق الجميع"

اخر ملجأ قناه الافلام لاجد نصف الشاشه مغطاه " بمصر فوق الجميع "

يا الله ما الذى حدث لكل هذا

اجتمع مع الناس فلا اسمع الا هراء و تشنجات

و الجزائر كانت باعته الجيش ...لا لا باعته المساجين و المسجلين خطر...واحد تانى متحذلق يقول باعته الحيطست

كيف يصدق الناس هذا الهراء و كيف يقولونه بكل هذا الايمان

و الالعن ان علاء و جمال مبارك صاروا من الأبطال الشعبين....كيف يصير الناس بهذا التغييب

علاء مبارك ذلك الذى سكت دهرا و نطق كفرا...كيف يحرض الناس بهذا الشكل و بهذا الاسلوب ؟حتى فى اكثر الدول ديمقراطيه تُفرض بعض القيود على اقارب الرئيس فوضعهم ليس مثل الاخرين...ما يحزن حقا اننا نسينا مشاكلنا و الفساد و التوريث و هللنا للأخين كأنهم فتحوا عكا

توحد الناس على النواح و الصراخ و السباب و الجزائرين قالوا و اعادوا

الم ينظر احد لنفسه ماذا يفعل؟ الا نفعل المثل بالضبط..الم يتحد الجميع على سبابهم باقذع الالفاظ بدء من اجهل المواطنين الى اكبر المثقفين و المسئولين (حتى اليوم..هل قرأتم ما كتبه يوسف زيدان)

يا قوم اليس فيكم رجل رشيد

نغضب لأنهم قالوا اصحاب الاسرائلين كأن شيمون بيريز لم يكن فى القاهره فى الامس القريب

حطموا ممتلكات المصريين بالجزائر كأننا لم نهاجم سفارتهم بالقاهره و نحطم محال المصريين المجاوره لها

المصريون خائفين على رعاياهم بالجزائر كأننا لم نبيع اللاعب الجزائرىو نستغنى عن خدماته

سبونا كأننا لم نسبهم( فى احد المرات النادره التى استطعت متابعه أحد برامج الكراهيه سمعت المذيعه المهذبه تسمى واحد اسمه روروه بهوهوه)

حطموا اتوبيساتنا كأننا لم نحطم اتوبيس اللاعبين بالقاهره و ندعى انهم عوروا نفسهم

اما السبب الرئيسى ضربونا و عورونا و فتحوا راسنا...طب يا مؤمنين حد شاف واحد متعور.. مقتول..متخربش... مضروب بعصايه الستيك حتى

كلها حالات فرديه و بسيطه..... شغب مشجعين كوره حدث و يحدث و سيحدث و نراه فى مباريات مزارع دينا و بترول اسيوط عندنا...عادى يعنى...و لو جمهور الدرجه الثالثه هو الذى سافركانت بقت معجنه

اعلامنا الاهوج الذى لم يكف عن التهييج و السباب و الجزائرين كذا و كذا و بالمره نشتم فى السودانين الغلابه اللى ماعملوش حاجه غير انهم شجعونا رغم انهم لم يروا منا الا كل شر...لم تبدأ المشكله اليوم او بعد المباره انما من قبلها بكثير عندما لم يعد هناك حديث الا عن المباره و كأنها نهايه المصير ..عندما شجعت الحكومه هذا التوجه لتلهى الناس عن مشاكلها الفعليه ..لتشعر بالكرامه (الشعور المهدر فى مجتمعنا و الذى ينبغى ان يشعر به كل انسان ) فى اشياء هى ابعد ما تكون عن الكرامه الفعليه..يعنى مسكنات ليس الا

نفس ما نفعله دوما من خداع الذات ..الم يرى احد كيف لعب المنتخب ( او بمعنى اصح كيف لم يلعب ) اللاعبين متسمرين فى اماكنهم.. لم يحاولوا حتى ..لو كنا نلعب امام فريق اخر لهزمنا 5\0 على الاقل

الاعجب انهم سيعطوا اللاعبين مكافأت و تخرج الجرائد بمانشتات مثل "شكرا ..فعلتوا ما عليكم" امال لو ماعمملوش كان ايه اللى حصل ....فريق عجوزو معوق و يحتاج للكثير و الكثير

ما نهايه كل هذا ؟ ايريدوا للمباره ان تعاد؟سبحان الله... لكى نهزم من جديد

ام لعلهم يريدوا ان نعلن الحرب على الجزائرو نحتلها أو تحتلنا ...مش فارقه بقه ...المهم هيكون لينا فريق فى كاس العالم و نرجع نهيص و نهلل من تانى و نسميه "المصائر" أو "جزر" ...ايه رأيكوا؟؟؟؟؟؟

العائش فى الحقيقه

2009-10-25T21:58:00.020+03:00

هل تعرفونه؟؟؟

بما انى احد محبى الحقيقه فساخبركم عنه

هو اخناتون فرعون مصر الثائر داعى التوحيد...افتتن الادباء و العلماء و المؤرخين به و بحكايته الفريده حتى عدٌه البعض نبيا

كم قرأت عنه روايات و مقالات و كتب تاريخيه..ترى ما سره ؟؟

لما يتوقف الادباء عنده فلا يستطيعوا الرحيل دون الكتابه عنه

اخناتون لاجاثا كريستى...انا الملك جئت لبهاء طاهر ...العائش فى الحقيقه نجيب محفوظ و اخيرا يوم غائم فى البر الغربى لمحمد المنسى قنديل و غيرهم كثير و لكنى تحدثت عما فضلته

هلا حدثتكم اولا عن البطل نفسه......ولد اخناتون باسم امنحتب الرابع الاخ الاصغر لابويه ثم صار وليا للعهد بعد وفاه اخاه الاكبر...ولد امنحتب الرابع فى ذروه سطوه كهنه آمون حيث كان الاله الرئيسى و كانت الاموال مسخره لمعابده و كهنته و كان للكاهن الاكبر نفوذ يفوق الجميع

بعد تولى امنحتب الرابع الحكم بفتره انشأ عباده جديده و هى عباده الاله آتون و هو القوه الخلاقه بالشمس و هى تختلف عن عباده رع اله الشمس القديمه بمصر الفرعونيه

لم يفهم الناس هذا و لكنه استمر على ايمانه و غير اسمه اِلى اخناتون و بنى عاصمه جديده سماها اخيتاتون اى أفق اتون و هى بعيده كل البعد عن طيبه القديمه (موقعها الحالى تل العمارنه بالمنيا) و جعل و ظائف الدوله العليا مقصوره على عُباد آتون

لم تكن فقط ثوره دينيه بل شملت كل المجالات فلأول مره يرى المصريون فرعون انسانا عاديا بل ان تماثيله نفسها جسدت عيوبه الجسديه بوضوح و نقوش الحائط صورته كرجل عادى فى لباس بسيط يجلس مع زوجته ببساطه و يداعب بناته و بذكر اسرته لم يكن لاخناتون الا زوجه واحده هى نفرتيتى (مؤخرا وجد شك ان له زوجه اخرى هى كيا و يقال انها الده توت عنخ امون) و التى حافظ عليها كزوجه ملكيه عظمى رغم عدم انجابها لذكور...

حسنا لا يمكنى المقاومه و لكنى دوما وجدت شبها بين على الحجار و اخناتون !!!!

بل ان سياسه اخناتون الداخليه و الخارجيه كانت لغزا محيرا لمعاصرييه فقد اوقف كل الحملات التوسعيه بالخارج و لم يرد على أى عدوان عسكرى على حاميات تابعه للمصريين مما اضعف سياده الدوله على الحدود الخارجيه كلها اما فى داخل البلاد فقد عمت الفوضى تماما

بعد عده سنين قرر اخناتون الغاء باقى الالهه و عدم السماح بعبادتها او حتى بكتابه اسمائها مما جعله يكشط اسم ابيه من مقبرته (عاده مصريه صميمه فى محو ذكرى من سبقك) و قبل نهايه حكمه اختفى ذكر نفرتيتى تماما ...هل هجرته ؟..هل ماتت؟ ..لا احد يعلم ؟؟

فى النهايه استجاب اخناتون للضغوط و أشرك معه سمنخارع فى الحكم و لكن قُواده و كهنه امون لم يرضوا و اضطر الى التنازل عن الحكم حيث صارت نهايته غامضه فلا يُعرف متى توفى و لا أين دُفن و ظل لغزا حتى اليوم

تعاقب بعد اخناتون عده ملوك أعادوا جميعا عباده امون حتى عهد الملك حورمحب (و الذى اُعتقد لوقت قريب أنه قائد جيوش اخناتون و لكن ينفى المؤرخون الجدد هذا) و الذى محا اسم اخناتون تماما و دمر مدينته و أرخ حكمه من بعد امنحتب الثالث والد اخناتون و لم يعترف باى من الحكام الذين تلوه

حورمحب تلك الشخصيه المحيره ...عندما ينقلب اخلص الأصدقاء على صديقه ...عندما تتعارض جهات الولاء ..عندما يتجسد الوطن فلا يصبح كلمه مبهمه و يصبح عنصر فاعل فى حياتنا و قرارتنا...عندما تطيح شهوه الحكم بالمبادئ...عندما تنتصر الخيانه

اما اخناتون...العائش فى الحقيقه..يا له من اسم !..كان الفراعنه يُلقبون انفسهم بالثور القوى ..صاحب الارضين ..و ما الى هذا اما هذا الرجل صاحب الاناشيد فكان وحيدا فى كل احواله..لاخناتون نشيد بديع طويل يوجهه لاتون...و رغم الضعف الجسدى( الذى اغرى الباحثين بتفصيل الامراض التى قد تتسبب به )فانه حمل بداخله قوه جعلته يقف امام الجميع ...ما هذه القوه ؟ ...اهى شهوه السلطه و الحكم التى تصل بالحكام لدرجه ان يحسبوا أنفسهم الهه لا راد لحكمهم ..الم يقل فرعون موسى يوما " انا ربكم الاعلى " ....أم هى قوه الايمان بفكره ما و التى تجعل الانسان مهما كان ضعفه اقوى من كل العقبات....ترى ما كان شعوره عندما تقوض حلمه امام ناظريه ..عندما خانه أقرب الناس اليه ...هل أقر بعجزه او أخطائه أم لام الآخرين على ما آلت اليه الامور

اعادنى لكل هذا احدث كتابات محمد المنسى قنديل "يوم غائم فى البر الغربى " و هى روايه فريده حقا يختلط فيها الواقع بالخيال, التاريخ بالاسطوره و كعاده الكاتب يجعلك تعيش كل كلمه كانها حقيقه ماثله أمام عينيك

تعود بنا الروايه لاوائل القرن الماضى و تُدخلك فورا لقلب الاحداث عندما تخفى امرأه من الصعيد ابنتها المسلمه فى مدرسه قبطيه و توشم جسدها بصليب...تتابع الروايه حياه تلك الفتاه عائشه ربيبه الذئاب و التى تحميها الذئاب فى كل خطوه و تستمر حتى تقابل اللورد كرومر المعتمد البريطانى و مصطفى كامل و الرافعى و هوارد كارتر و يعشقها محمود مختار المثال المشهور

تتنقل الحياه بالفتاه ما بين الصعيد و القاهره حتى تنتهى بها فى طيبه مع هوارد كارتر الذى استحوذت عليه فكره البحث عن قبر اخناتون و عوضا عن هذا ترشده عائشه لمقبره توت عنخ امون و الذى يجعله الكاتب ايضا ربيبا للذئاب و لا يستطيع الكاتب الفكاك من اغواء اخناتون فيعود بالزمن 5000 عام ليحكى لنا عنه و عن حورمحب و نفرتيتى

مثل اجاثا كريستى جعل الكاتب حورمحب ضحيه صراع نفسى بين مبادئ مختلفه يؤمن بها على خلافها ..شخصا يعيش لقضيه بدلا من ان يموت لاجلها فلا تكرهه رغم خيانته لاخناتون و تصدق المحبه الخالصه بينهم ....نجيب محفوظ وصف نفس العلاقه و ان لم يغفل جانب النفعيه فى شخصيه حورمحب

لا انكر اعجابى باخناتون اجاثا كريستى ....و انصح الجميع بقرأتها

اعود ليوم غائم على البر الغربى حيث يفسر لنا الكاتب سر تغير اخناتون على امون تفسيرا جديدا تماما

و رغم تمازج الخيال بالواقع فى هذه الروايه الا ان الكاتب يأبى الا ان ينهى الروايه بجمله حقيقيه تكاد تقترب من خيال الكُتاب

عندما يدخل هوارد كارتر مقبره توت عنخ امون و يسأله لورد كارنافون عما يراه فيجيب

ارى اشياء رائعه

و الفقى لما يسعد

2009-08-14T23:32:00.012+03:00

عدنا بعد الفاصل
كالعاده فى الحر القائظ ده لا يمكن اكتب حاجه جديده عشان كده هاحكيلكوا حكايه قديييييييييييييييييييييييييييييييمه من باب التسالى
مشهد صباحى فى المستشفى
دكتور ماعرفوش:يا دكتوره انا عندى لكى عريس.......موافقه؟
-موافقه على ايه؟
دكتور ماعرفوش:هو دكتور و ماعرفش عنه حاجه
-طب اشوفه الاول
دكتوره ريا :خلى بالك الدكتور"ماعرفوش "ده اصلا متجوز3 !!!!!!
-تلاته؟؟؟؟؟؟؟؟؟

مشهد مسائى فى البيت
واحده صاحبتى" مخطوبه قريب" :فى واحد شافك فى الخطوبه و عايز يتقدملك
-طب انا متقدملى واحد تانى الايام دى
-و ماله شوفى الاتنين
- انتى عريسك بيشتغل ايه؟
- دكتور
-و التانى برضه دكتور
- بصره ....بس عريسى تخين شويه
- مش مشكله .....المهم الجوهر

قوم ايه ظبط المسائل بانى اشوفهم فى يومين ورا بعض (انتهازيه بعيد عنكم)
اليوم الاول

كنت فى المستشفى باعرض حاله على الجراحه و لقيت أمه لا اله الا الله بتكلمنى على الموبايل و الداخلى والخارجى و النداء الالى بتاع المستشفى و باعتنلى العامله تنادينى و مش ناقص غير البوكس وامين شرطه يقفشنى ...حاجه اخر فضايح
المهم رحت على ملا وشى لقيت ريا و سكينه مظبطين القعده و قاعدين بيستجوبوا عريس الغفله ابص عليه لقيت واحد بدقن و ماسك كيس هدايا ورق من اللى بيكتبوا عليهم

Habby nu yeer

و" كيسه" بلاستيك اصله كان بيقضى مشاوير و لقى نفسه فاضى قام قال يعدى علينا ...قوم انا نفسى اتسدت و بصيت لتحت ( و بالمره اعمل مكسوفه) و ابصلك لتحت لقيته لابس دبله فاتسدت نفسى اكت.....قصدى اتكسفت اكتر و بصيت على الارض الاقيه لابس صندل مترب ... المشاوير زى مانتم عارفين

و لانى شخصيه عقلانيه لا تهمها المظاهر ابدانننننننننننننننننننننننننن بدأنا الحوار لقيت الاخ البالغ اثنين و ثلاثين ربيعا لسه متخرج السنه اللى فاتت(يعنى بعدى بيجى خمناشر سنه!!!)
-و انت ليه قعدت فى الكليه كل ده؟
-حكايه طويله مش وقتها دلوقت
امال امتى وقتها؟مش مهم و بلاش نتكلم فى الماضى على رأى" الهضبه"
-طب بتشتغل ايه دلوقتى؟
-فى ديوان عام الوزاره بس فاتح عياده
-عياده ايه؟
-ابر صينيه و علاج بالموجات الكهرومغناطيسيه
-كهرو.....ايه؟؟؟؟
-مغناطيسيه
-وده فى انهى فرع فى الطب الكلام ده؟؟؟السالب و لا الموجب؟؟؟؟؟يعنى تخصصك ايه؟
-لا انا لسه ما تخصصتش
-امال فتحت العياده ازاى؟
-دى كانت دوره تدريبيه فى الابر الصينيه
-آآآآآآآآآآآآآآآآآآ............................................يلا بلا طب بلا غم ....طب انت لابس دبله ليه؟
-هو انا مش متجوز لكن بلا بلا بلا بلا بلا بلا بلا بلا بلا بلا بلا بلا بلابلا بلا و لو انتى ماشيه فى الصحرا ...بلا بلا بلا بلا بلا بلا بلا بلا
-.....................................(لا تعليك)
و هكذا قررت الانتقال لليوم الثانى و وداع اليوم الاول غير مأسوف عليه بلا هضبه بلا جبل

اليوم التانى
العريس كان عن طريق خطيب صاحبتى و الاجتماع المزمع عقده كان يتضمن كل من السيده الوالده و السيده والدتها و السيد خطيب صاحبتى والسيده حرمه (على اعتبار ما سيكون) و السيد العريس و انا و...كفايه كده
و بعد اكتر من ساعه انتظار فى بيت صاحبتى شرف خطيبها و خطيبى (على اعتبار ما سيكون برضه) طبعا انا كنت شعله من الغضب لكن العريس الحقيقه كان مهذب و لطيف وطموح و مكلبظ و ليه خدود حمر مكلبظين زى الاطفال وانتو عارفين قد ايه بحب الاطفال.....المهم عرف يمتص غضبى
الخلاصه هو كان طموح و مجتهد و انا استريحتله و انتهت المقابله وهو كمان متحمس جدا جدا جدا و عايز نمرتنا عشان نخلًص و قلت خلاص بقه...فرجت و لسوف تحملى اللقب يا بت
موقف غير معتاد بالمره ..حاجه غريبه مش كده ؟؟خرجنا انا و ماما للعربيه و احنا ماشيين ماما ماقدرتش تقاوم و سألتنى
ايه الاخبار؟؟؟
قوم انا مربوطه من لسانى و ربنا ما يفتحش عليا غير بكلمه "ملظلظ" مع تحريك الذراعين بامتدادهم!!!!!!!!!!!
تسألونى و ليه كده اقولكم قله ادب بس ما تخلوش عندكم فكر ...العقاب جاى حالننننننننننن
و انا فى غايه الانسجام وعماله احرك دراعى يمين و شمال لتأكيد المعنى...الحاسه الساسه (فاكرينها طبعا) خلتنى ابص لورا اذ فجأتن
و الاقيك مين معانا يشارك فى الحوار بقلبه و ودانه و سلاطته و بابا غنوجه.....................

العريس الملظلظ بذات نفسه

يالهول مأساه اليقين...اتارى طنط ام صاحبتى "الله يكرمها" قالتله مايصحش تسيبهم يروحوا للعربيه لوحدهم (يعنى هايجرالنا ايه يعنى) و هكذا خرج يهرول ورانا و كانت المأساااااااااه
طبعا مش محتاجه اقولكم ان الموضوع اتنسف من اساسه و انا اريد و انت تريد و الله يفعل ما يريد
بس انا مش مضايقنى فى الموضوع الا انى جرحت مشاعر شخص بدون ماقصد و الله و اعترف انى كنت ناويه اكمل بس يالا خيرها فى غيرها

ملحوظه
تم تغيير اسم التدوينه الى " المتعوس متعوس و لو علقه فى ديله فانوس"
وبمناسبه الفانوس كل سنه و انتم طيبين

كلام ابن عم حديت

2009-06-05T15:15:00.005+03:00

"اهو جه يا ولاد...هيصوا يا ولاد....زقططوا يا ولاد"

هذا ما كان ينقص ان تقوله حكومتنا الموقره احتفالا بقدوم المخلٌص اوباما...كل البشر فى مصر صارت تعرف -لا اوباما فقط -بل و خيط سيره ايضا....احتفالات اسطوريه جعلت البسطاء يحسبون اوباما ملكا و استعدادت وصلت لطرد الناس من بيوتها فى بعض المناطق

حاجه تكسف و الله

و الادهى انه قادم لالقاء خطاب(نكونش قلبنا البلد قاعه احتفالات؟؟؟؟) و رغم هذا طبلنا و زمرنا و فخرنا كأننا فتحنا عكا

عدت من عملى فى زمن اكثر من القياسى حيث كانت الشوارع فارغه نتيجه اختيار الناس الاجازه الاجباريه..المهم عدت لاسمع الخطاب الامبراطورى مثل باقى الرعايا

الشهاده لله الرجل يشع من عينيه بريق الذكاء (الذى نادرا ما نراه عندنا) و منظم و مرتب فى افكاره و كلامه (برضه نادرا ما نرى هذا) و لديه كاريزما طاغيه و على مستوى شخصى بحت لا يمكنك الا ان تعجب به اما عن الخطاب فحدث و لا حرج

بدأ الرجل كلامه بدباجه و انشاء من التى كنا نكتبها فى الاعدادى عن فضل الحضاره الاسلاميه و الاسلام و بلا ...بلا ..بلا.. ماذا تستفيد من هذا الكلام (الذى قاطعه الحاضرون بالتصفيق عده مرات)؟؟؟؟لا شيئ ...مجرد كلام ابن عم حديت

قد يقول البعض انه يقدر المسلمين و يعلم قدرهم فاقول هل سينتج عن هذا شيئ؟؟؟ و لا اظن اننا نحتاج الى اعتراف دولى من الاخرين باننا مثل باقى البشرو لسنا من ذوات الاربع ..عامه تشكر يا عم الحاج

المهم بما انه منظم كما قلت سابقا فقد تكلم عن سبع نقاط

1- افغانستان

2-العراق

3- فلسطين

4- الديمقراطيه

5-الحريه الدينيه

6-النساء

7-التنميه الاقتصاديه

اما عن افغانستان فالاخ يرى انه كان من الضرورى ان يغزو افغانستان و يقتل الملاين من اهل البلد انتقاما لثلاث الاف شخص ظل يرثيهم شويه كده....لم اسمع فى حياتى عن حرب تشن بناء على شريط فيديو الا تلك الحرب... حتى المحكمه لا تأخذ بها

اهم شيئ ان الرئيس الديموقراطى قد اغلق سجن جوانتانمو و سيحاكم من فيه محاكمات عسكريه رغم انهم ليسوا جنود بينما ترفض امريكا ان يحاكم جنودها امام المحاكم الدوليه

ذكرنى هذا بالرئيس المؤمن الذى كسر السجون و حرق الشرائط و اعطى كل عسكرى الكترون فى يده

اما عن العراق فان اوباما يرى انه كان قرار غير موفق -فقط لانه كان قرارا منفردا -و لكن فى النهايه جاء فى صالح العراقين الذى صار حالهم افضل (شوف ربنا يا جدع) و يعلن بكل فخر انه سيسحب قواته فى عام 2012 ...يحيينا و يحييك ربنا

و رغم كل تلك الاعمال الحربيه العنيفه فان الرئيس الديمقراطى ينصح.....لا لا لم تكن هذه كلمته....يأمر نعم ....فان الرئيس يأمر الفلسطنين بانهم " يجب" ان يتوقفواعن العنف تماما لانه لا يؤدى الى نتيجه و يطلب منهم ان ينهجوا نهج اخوانهم السود المضطهدين فى امريكا...

اولا كونه صار رئيسا لا يحل هذا مشاكل باقى السود فى امريكا ..ثانيا اى طرق سلميه اتبعها السود ؟؟؟اكثر من نصف عصابات امريكا من السود..لعه يتكلم عن سود اخرين...ثم اساسا ما وجه الشبه بين بشر احتل اخرين ارضهم و بين ناس بيتخانقوا مع بعض فى بلدهم؟؟

نسيت ان انوه بما سبق هذا من تأكيد الرابطه بين امريكا و اسرائيل..امريكا لاسرائيل و اسرائيل لامريكا للابد و الذكرى الخالده و كده

و يعقب هذا بمرثيه للهولوكوست و السته مليون المزعومين.... و الله انا قلبى اتقطع يالا نديهم بلدنا و سوريا و الاردن تعويض

و ينهى تلك القصيده بان هذا لصالح فلسطين و اسرائيل و امريكا......و باقى العالم بالمره

و بعدين يحود على ايران فى الطريق و" يجب" (تاااااااااااانى)على جميع الدول الا تطور سلاح نووى حتى لو طورت دول اخرى(ماتبصوش لغيركم عيب )و لابد ان نخلق عالم خالى من السلاح النووى (الا فى امريكا...من عندى دى)

ثم يحدثنا الرئيس اليموقراطى عن الديموقراطيه و يقول انه لا يمكن ان يفرض الديموقراطيه على الاخرين (مثلما فعل فى العراق ...مش فاضيلكو هو) و" يجب "(عاشر مره)على الحكومات ان ترعى مصالح الاقليات قبل باقى الشعب حسب ترتيب اوباما و يجب و يجب و اوامر كثيره

ثم الحريه الدينيه للاقباط و الدين لله و الوطن للجميع و كاد ينهى هذا باننا نعزز القيم الروحيه مثل احمد مظهرفى الناصر صلاح الدين

و بعدها حقوق النساء واظن كفايه كده بقه

و انت مالك يا اخى ...جاى بلدنا تشتمنا و لا تعلمنا الاسلام ...بما ان الديمقراطيه لا تفرض فان اقل واجب هو مقاطعه الانظمه الديكتاتوريه و هو ما لم تفعله انت..خلاص خليك فى حالك

وبعدين مالك انت نعمل ايه فى بعض ..مصريين فى بعضنا..يعنى نموت المسيحين, نولع فى المسلمين ,نئد البنات ..بلدنا و احنا احرار فيها

ما هذا التدخل السافر فى شئون الاخرين و رغم علاقتى المترديه بالدبلوماسيه و الدبلوماسيين فانى لا اظن هذا السلوك دبلوماسيا ابدا

ثم انهى كلامه بجزء عن التنميه الاقتصاديه و العولمه و هو ما اجد فيه صفاقه غريبه حيث ان الاقتصاد الامريكى هذه الايام فى اسوأ حالاته و يكاد يتسسب فى كساد كبير اخر

على كل حال وعدنا اوباما ببعض المنح الدراسيه نمشى بيهم حالنا و نحل بهم مشاكلنا

لفت نظرى كثره ترديد الرئيس اليموقراطى لكلمه must ...الكثير جدا من" يجب" ...لعل مفهوم اليموقراطيه لديه يختلف عن مفهوم الديموقراطيه لدينا

فى النهايه لا ارى فى هذا الخطاب الا كلام لا يحل و لا يربط و لن يغير شيئا فى السياسيه الامريكيه ...هو مجرد كلام ....كلام ابن عم حديت و اعترف انى بعد هذا الكلام الذكى و المنمق افتقدت بوش... على الاقل كان يقول نفس الكلام مع الكثير من الكوميديا

السؤال هل نستطيع ان نقف فى وجه الغطرسه و الهيمنه الامريكيه التى تعتبر خطابها المهين بدايه جديده؟؟؟؟؟؟

الاجابه

yes we can

مع الاعتذار لاوباما

مقتل فخر الدين

2009-05-15T11:16:00.005+03:00

عوده لدائى و دوائى....الكتب

بدأ الامر عندما لفت انتباهى "غرفه الرعايه المركزه لعز الدين شكرى " اعادنى الاسم و العنوان لذكريات بعيده و قريبه ..حتى اذا بدأت القراءه لم استطع ان اترك الكتاب و ظللت اغالب خجلى من زميلتى على ازعاجى لها بالنور فى عز الليل

الروايه التى وصفها فاروق شوشه بانها كابوسيه تحلل واقعنا السياسى ببراعه و تحكى عن النفس البشريه فى اضعف حالاتها..استمتعت بالروايه للغايه حتى انى لم اتردد فى اقتناء " مقتل فخر الدين" فور اكتشافها و هى الروايه الاولى للكاتب الذى رشحت روايته "غرفه الرعايه المركزه" لجائزه البوكر العربيه

كيف لم يفطنوا لتلك الروايه من قبل؟؟؟ تبدأ الروايه بمشهد قتل فخر الدين ..ثم نسترجع الاحداث مع الضابط المكلف بالتحقيق فى لغز اختفاء فخر الدين..بعد قراءه عده صفحات من قصه حياه البطل تكتشف انك تقرأ قصه حياه موازيه للرسول محمد (صلى الله عليه و سلم ) يجتهد الكاتب ليظهر لك التشابه بشتى الطرق لعلك لم تلحظ مبكرا

فى تلك اللحظه بدات اتسائل عن الدافع و عن هدف الروايه ..اهى اسقاط دينى ؟اهى مثل اولاد حارتنا؟اهى فلسفيه؟ اهى....؟و هكذا لم استطع التوقف عن التفكير و القراءه ....و لكن بعد ان يتأكد الكاتب من وصول هذا الربط لذهنك,يتوقف ظهور الرموز الدينيه فى الروايه و ترى فخر الدين ذلك الانسان النقى المثابر يقابل الظلم فى كل مرحله فى حياته فلا يلين و لا يخضع....فى كل مره يقابل القهر و الظلم و الجهل فيواجهه و لا يرضى بالتسويات و لا يبيع رُوحه ..لا يرضى بالنفاق كأن كل يوم له فى اى تجربه هو" اليوم الاول" كما وصف فى الروايه على لسان ابطالها فلا الزمن و لا العاده و الرغبه فى البقاء تغير عقيدته او مبدأه

فى كل مرحله من حياته تظهر الشائعات بموته و لكن تكشف الروايات بقائه حيا مناضلا حتى تأتى النهايه بمقتله على يد رجال الامن ..هل ستأتى روايه اخرى ببقائه حيا ؟ ام ان اثبات مشهد القتل هو االاصل؟ اهو الامل ام اليأس؟ للاسف اظن الكاتب قصد اليأس كأنه يقول لنا ان نهايه تلك الاوضاع الفاسده هى قتل البراءه

هزتنى الروايه من الاعماق و خاصه مع ما اقابله كل يوم فى حياتى....كأننا جميعا فخر الدين الذى يواجه التجبر و الطغيان و لكننا ِلنا و ضعفنا و هو لم يلن ..كأن الكاتب يقول لنا ان المناضلين فى سبيل الحق و المثل و القيم هم رسل هذا العصر كما انهم شهدائه

تلقى الروايه الضوء على الفساد المستشرى فى مجتمعنا ..ذلك السوس الذى ينخر فى جسدنا احياء..دعوه للاستيقاظ للعوده للفطره السويه التى جُبلنا عليها

فى جزء من الروايه يجتمع فخر الدين ببعض المناضلين المزعومين فيؤلمه "عدم الاخلاص" ذكرنى هذا بموقف قديم للغايه.....

اتذكرون انتفاضه الاقصى و مظاهرات الجامعات التى انتهت بمقتل احد الطلبه, يومها اشتعلت غضبا و قهرا و علمنا بوجود وقفه احتجاجيه امام نقابه المحامين ..اعترف انى تسللت اليها بصحبه احدى الزميلات بدون معرفه اهلى (الذي كان رفضهم واضحا) و لكن هناك شاهدت مجموعه من الهتيفه و كدابين الزفه...رحلنا دون مشاركه ..ربما تتهمنى بالجبن و لكن جابهنى عدم الاخلاص مجسدا

حتى هذه الايام ..ادخل عديد من المدونات دون تعليق بانتظام و مع الوقت ارى عدم الاخلاص فى الكثير..لعله البحث عن الشهره لعلها النفس البشريه..اتسائل مثل فخر الدين عن العلاقه بين" النضال و القرف "

لفت انتباهى عند قرائتى العديد من المقالات النقديه للروايه ان النقاد تناولوها كروايه بوليسيه تبحث عن قاتل فخر الدين(ربما باستثناء سناء صليحه)..اشك احيانا انهم قرأوا الروايه من الأساس

و لكن ان اردنا ان نعرف من قتله حقا فاننا جميعا قتلناه بسلبيتنا و انصياعنا

ملعون من يظلم الناس

ومن قبل انه ينساس

آه يا فخر الدين ....أين أنت؟؟

الروايه بديعه انصح الجميع بقرأتها فهى روايه تُقرأ بالقلب و الروح و العقل

خالص تحياتى لعز الدين شكرى الدبلوماسى الذى اعاد لى الثقه فى الدبلوماسين ...يمكنكم ان تقرؤا له ايضا مقالات اسبوعيه فى جريده الشروق

ملحوظه لها علاقه بالتدورينه

الابيات من زجل لسيد حجاب و اظن ان لها اصول فلكلوريه و الله اعلم

ملحوظه لا علاقه لها بالتدوينه

اعلنكم وقف اطلاق النار و انتصارى الحاسم على هولاكو

عبرنا عبرنا عبرنا

ما بين المسأله الطبيه و ال anger management

2009-04-19T00:36:00.012+03:00

تنتابنى هذه الايام حالات ضيق متكرره...اشعر بداخلى بغضب...موجات من الغضب....تضايقنى اشياء كثيره ..هى بالفعل تدعو للضيق و لكن كان يمكنى الاغضاء عنها من قبل لكن هذه الايام لم اعد احتمل ..تثور ثائرتى او ينتهى بى الامر لبكاء مر لا يستحقه كل هذا

ربما كان هذا بسبب العمل و مشاكله..نسيت ان اقول لكم انى توصلت لتسويه مع هولاكو يعطينى فيها جزء من حقى و لكن يحرم الاخرين من نفس الترضيه مع وعد منى بابقاء الامر سرا...اعترف ان تلك التجربه الاخيره ضايقتنى كثيرا فقد شعرت انه لا يمكن ان تحصل على حقك بطريقه شريفه ..ان الجميع و العقل يقولوا لك ان اقصر الطرق بل لعله الطريق الوحيد هو الالتواء..صحيح لم اغير نفسى و لكن اشعر ان جزء بداخلى انكسر و انى لم اعد كما كنت

لعلها ظروف العمل هى ما تصل بى لهذا ..الظروف غير انسانيه بالمره سواء فى ام محمود العام او الخاص ..لا احد يتعامل مع الطبيب باعتباره انسان له بعض الحقوق حتى المرضى و الناس و ابسط رد يقال "انها مهنه انسانيه"

حقا فاض الكيل لم اعد احتمل..فى اسبوع واحد استقلت من العمل الخاص و كدت افعلها فى العام..لكن مسكونى فى اخر لحظه للاسف

كل الظروف غير مواتيه..هل يعرف احد ما المقابل المادى الذى اتلقاه مقابل كم المرمطه التى تقابلنى؟؟اكيد تعرفون ..دعك من هذا فانا بالفعل استمتع بعملى و يسعدنى للغايه صوره انسان ساهمت فى اسعاده و اسعاد اهله و لكن فى النهايه انا بشر و قدرتى على تغاضى المنغصات لها نهايه

مثلا حكومتنا الموقره بعد قرار الحوافز التى هللت و طبلت له شهور لم تعد تصرف تلك الحوافز و من زمان كمان..الذى يضايق حقا ليس هو منع الحوافز (التى كانت تصل بالمرتب بالكاد لحفظ ما ء الوجه) بل هى الصفاقه التى جعلت نفس الحكومه تنبه على المديرين منع الاجازات فى اليوم الذى كان مقررا فيه اضراب العيادات الخاصه و تهديد الاطباء برفع اسمائهم للامن المركزى و لا الغذائى ..مش فاكره الحقيقه..و المثير للغضب ان النعاج انصاعت رغم ان تلك التعليمات كانت هاتفيه و غير ملزمه من الاساس

مسأله اضراب العيادات هذه اساسا مستفزه ..يعنى ان كنت انت طبيبا لا تعطيك مستشفيات الحكومه مالا و اضطرتك الظروف لفتح عياده خاصه بك فانك ستغلقها اعتراضا على الحكومه!!!يا سلااااااااااااااام

كل هذا بسبب اذناب الحزب و الحكومه فى النقابه و التى تجهض اى محاوله فعليه لاضراب فعلى يجعل اى بنى آدم يشعر بالاطباء

ارجوكم لا تردوا بان الجميع يشعر بنا و كل هذا لانه غير حقيقى ..اى انسان مريض هو خطأ الطبيب اولا و اخيرا و ثانيا و ثالثا و كل شيئ..اتدرون اكثر كلمه اسمعها فى عملى "ده كان جاى على رجله"يا الله يعنى كان جاى يتمشى يا اخى مادام جاى المستشفى يبقى تعبان..حاجه بديهيه يعنى"

المريض يفترض ان يشفى دون اى وخزات من ابر او علاج..لا تدرون كم السباب اليومى الذى نتلقاه لمحاولتنا حث المرضى المحجوزين بالمستشفى على تناول العلاج..اما اذا يأس احد الاطباء (بلاش يأس تعب زهق فطس)يبقى فين الضمير ما تحللوا القرش(هو فعلا قرش) اللى بتاخدوه..اما اذا استمر فى النضال فان السباب هو اقل ما يلاقيه ان لم يتطور الامر الى ركلات و صفعات او دعوات منتقاه

كل هذا قد تتحمله على اعتبار انه مريض لا يؤاخذ و ان هناك هدف اسمى و لكن الامر لا يتوقف عند هذا ..خذ عندك تمريض و عمال و اهل المريض و كل واحد معدى عنده مشكله و المفروض ان عندى كل الحلول

ما ذنبى انا ان كان احدهم ليس معه بطاقه او ليس عنده رغبه فى رعايه ابوه او انه بيضرس مثلا فى مشاعره لما يشوف حد تعبان..ما ذنبى ان مسئول الامن لا يريد اعطاء عامل الاسعاف 50 جنيه ..ما ذنبى انه لا توجد اسره كافيه لكل المرضى ..ما ذنبى ان زينب تعند مع هبه و لا تريد ان تعمل معها..ما ذنبى ان احدهم جاء بعد موعد الزياره لانه كان مشغول...ما ذنبى؟؟؟

مشاكل و ليس فى سلطتى الحل بسبب مركزيه غير طبيعيه للسلطه..مجرد وصول كل هذه البلاوى لى مركزيه ..الا يوجد بعدى اى انسان يمكن ان يحمل مسئوليه القرار..لا تتخيلوا كم الامضائات التى الطعها لكى يسير العمل..اظن ان نهايتى ستكون كارثه

اما اذا طلبت الاستعانه بصديق( اوعدو مثل هولاكو مثلا) فان الردود تتراوح ما بين التنصل من المسئوليه او (سيبيه يتفلق) بالله عليكم انا فى المواجهه كيف سيتركنى الناس اخبط راسهم فى الحيط؟ كما نصحنى مديرى الهمام

كل هذا لا يمت بصله لعملى ثم يأتى دور عملى الاساسى فاجد نفسى اجرى (بالمعنى الحرفى لكلمه جرى و لا توجد اى شبهه تهويل هنا) فى اى وقت لالحق احد المرضى و يكون على اتخاذ قرارت حاسمه بصوره مستمره....قرارات من شأنها ان تساعد احدهم على الشفاء و قد تقتله و عليك ان تتعايش مع اختياراتك و تتحمل تبعاتها مع ضميرك قبل ان تتحملها رسميا ..احيانا فى وسط تلك المعمعه اتمنى فى داخلى ان يأتى غيرى ليأخذ القرار

بعد نوبتجيه لعينه اكره حياتى فيها..اذهب لانام فاجد مكان قذر فى حجره وصفتها امى يوما بالقبر عندما اضطرت للجلوس فيها نصف ساعه بينما انام فيها منذ سنين..بسهوله شديده يمكن ان يوقظنى اى انسان لاى سبب"العيان ضهره بياكله قومى اهرشيله"

كيف اصبر و لا احد حتى يشعر بتلك المعاناه المستمره حتى اقرب الناس ..منذ ايام استنكر ابى ان استطيع ان اقوم بعمل لولو قريبتى (فاكرينها؟؟) و الذى يتطلب منها الجلوس على الكومبيوتر عده ساعات خمس ايام فى الاسبوع مقابل عده الاف فى الشهر...هل يمكنى ان اشرح لكم شعورى وقتها... اشك

.يمكننى ان اقايض عملى معها بكل سرور و لكن هل سترضى هى؟؟؟ لااظن

رساله بأقلام اخرين

2009-03-26T00:31:00.008+03:00

"يا ماما .....ياأمه...يا أماتى"

"سلماتى ..احتراماتى ...قبلاتى"

صلاح جاهين بصوت سعاد حسنى

بعد التحيه

"لنرفع عقيرتنا بالمديح للمرأه..الأم..المصدر الذى لا ينضب للحياه المنتصره"

مكسيم جوركى..الام

"لو صح ان نحكم على القلوب بقلب الأم لبدت القلوب أحجاراً"

نجيب محفوظ....قصر الشوق

"اعشق عمرى لانى اذا مت اخجل من دمع امى"

محمود درويش بصوت مارسيل خليفه

" ليت كل البشر أمي "

المدونه الصديقه زمرده

"بحبك يا ماما بحبك"

ابنتك "ست البنات السكره الورده الحلوه المنوره" كما توقظينى صباحا

نقطه الغليان

2009-03-13T23:09:00.009+03:00

تسألونى لماذا اغيب؟ كيف لم احك لكم من قبل...استعنا على الشقاء بالله

اعمل فى مستشفيتين..الاولى حكوميه و لنتفق على تسميتها مرستان ام محمود العام و الاخرى خاصه و لنتفق على تسميتها مرستان ام محمود الدولى

نبدأ بمرستان ام محمود العام و الذى نقوم فيه بمحاوله علاج المرضى على اسس شبه علميه فى ظروف شبه ادميه و نصل لنتيجه شبه مرضيه..اما المرستان الدولى فيهدف الى استنزاف اموال شبه المرضى و اموال الاطباء و يصل الى نتيجه باهره

تسألونى و لما ام محمود بالذات؟؟؟؟ فذلك للفوضى الضاربه اطنابها فى كلتا المستشفيتين و اتباع الادارتين لمبدأ الحاجه ام محمود فى الاداره..اما عن مرستان فهى كلمه من ايام المماليك بمعنى المستشفى و لا اقصد اىىىىىىىى نوع من الاهانه (بلاش سوء ظن)

مديرى فى ام محمود العام شخصيه مميزه للغايه و لنرمز له بدكتور هولاكو و ذلك للشبه العجيب بينهم ليس فى الاسم فقط بل فى الشخصيه فهو ديكتاتور لاقصى درجه و له طرق مبتكره فى تعذيب الضحايا من النواب و الذين يمكن ان نعتبرهم الرقيق الابيض لهذا العصر و الذى يتحول مع الوقت للرقبق الاسود نتيجه عوامل التعريه و الزمن و كتر الاسيه....يعاونوه فى مهمه التنكيل بنا الدكتورتين ريا و سكينه و هما الرئيسات المباشرات لى

يؤمن الدكتور هولاكو بمبدأ سهل و واضح "ليه تسيب الناس فى حالها مادام ممكن تقرفهم"

و نظرا لطبيعتى الفولاتايل (متطايره يعنى و اكتبوها يمكن تنفعكم) فانا فى صدام دائم مع الرجل منذ العهد البائد لتعينى يعنى من خمس سنين..انا كنت قطه مغمضه يوم تم تعينى ...اى حاجه حاضر ..حطنى جنب الحيط ترجع تلاقينى فى نفس ذات المكان

و مع مرور الوقت ظهرت الانياب و تعددت حملاتى الصليبيه للتحرير

الحمله الاولى :حمله الاستقلال بغرفه للبنات..لا افهم اليس من البديهى ان تخصص غرفه للبنات فى نبطشيه 30 ساعه و قد استطعت الحصول على مفتاح للغرفه و لكنى منعنى هولاكو من استخدامه بعد ما ضحك على

الحمله الثانيه :حمله حطلى نايب سنيور حرام عليك العيانين و قد استجاب هولاكو و اضاف لى اصغر نائب فى المستشفى!!!!!!!!

الحمله الثالثه:حمله تقليل عدد النبطشيات و التى فاز فيها هولاكو بعدد ساعات العمل القاضيه

الحمله الرابعه:"التسهيل" و هى ايام اجازه للتحضير للماجستير و قد انتصرت فى هذه الحمله

الحمله الخامسه:حمله النبطشيه التايهه و التى انتهت باعتصامى فى البيت لمده 6 اشهر احتجاجا و تضامنا مع حقوق الانسان و الحيوان

المهم هذه الحملات كانت قبل حصولى على الماجستير و بعد حصولى عليه من اكثر من 10 شهور قررت فتح صفحه جديده مع هولاكو حيث ستنتفى دواعى المشاكل حيث يعامل الحاصل على الماجستير معامله تختلف كليا و جزئيا عن معامله الرقيق الابيض

و لكن هولاكو الله يهده لا يؤمن بالماجستير و لا بالملوخيه و انتِ هنا من الاسلاب و هكذا

الحمله السادسه: استحاله اخد نبطشيتين

الحمله السابعه : "بدل الراحه" حرام عليك

الحمله الثامنه : 12 ساعه كفاييييييييييييه

الحمله التاسعه: انا عايزه امشى عاااااااااااااااااااااااااااااااااااااااااااا

ملخص الكلام السابق انه نظرائى فى باقى اقسام المرستان يحصلون على نبطشيه 12 ساعه مره او اقل كل اسبوع و يحصلون على يوم بدل راحه عنها(اوتوماتيك كده من غير ضرب و لا خناق ) و انا الاسيره فى قسم هولاكو احصل على نبطشيتين كل منهم 30 ساعه بدون بدل راحه و مع الترغيب و الترهيب و الكثير جدا من الصراخ و البكاء استطعت ان احصل على نبطيشه 30 ساعه اسبوعيا مع بدل راحه ...بالطبع لن اذكر كم شهر مضوا قبل ان احصل على هذه "الانتصارات"

شخص برئ يسألنى الا يوجد نظام ..هنا ارد عليك و اقول انت فى مرستان ام محمود حضرتك و مبدأنا هنا مد ايدك و اغرف

الحقيقه لا اصدق انى اكتب هذه التفاصيل..ان هذا لهو دليل قاطع على اضطرابى العقلى و وصولى لنقطه الغليان تلك النقطه التى يتحول السائل الى غاز و يتطاير و يتطاير وينتشر و يتوغل و هكذا تناثر غضبى فى الهواء و لم اعد احتمل ..تحول الامر معى لهاجس

بالامس ضٌبط نفسى اشكو لسائق التاكسى "تخيل هولاكو عايز يدينى نبطشيتين" صار موضوعى المفضل و الدائم ..اصحو و انام على سيرته

يجب ان تعذرونى ..الاسبوع الماضى بدأ النواب الجونيور (الصغار) اجازات امتحانات و ما صدق هولاكو و لازمن تاخدى نبطشيتين

و وضع جدول افعوانى يكون عدد الاطباء فيه اكبر من عدد المرضى ( و الله العظيم و ما ليكوا على حلفان) و ساوى بينى و بين من لم يحصلوا على أم الماجستير الذى يمكننى أن ابله و اشرب مايته الآن بدون اى تغيير لوضعى

و هكذا اعلنكم الآن انها الحرب اذن و ابدا لن تسقط اورشليم

نواليكم باخر التفاصيل الميدانيه و عدد الجرحى و المصابين اول باول

كان معكم مراسلتكم من ارض المعركه /مهره قلب الاسد

كتب و كتب

2009-02-23T11:04:00.010+03:00

عدت اليكم بعد بيات شتوى قصيرقضيته كالعاده بين النبطشيات فى المستشفيات و اغلب أوقاتى المتاحه كنت اقضيها فى القراءه التى شدتنى من المدونه و النت و كل شيئ...لاول مره منذ عده اعوام اجدنى بدون امتحانات او مذاكره او رساله...دائما كنت اذهب الى المعرض و اشترى الكتب فابدأ فى قرائتها خلسه و بشعور جارف بتانيب الضمير

مادام عندك وقت تقرى طب ماتتنيلى تذاكرى

و ينتهى الامر فاقرأ كتب أقل و لا اذاكر ...لذا فانا فى وضع رائع اقرأ طوال الوقت انتقاما من الطب و الاطباء و سنين الحرمان

فى المعرض بدوت لمرافقى فى غايه السعاده..لم افهم لما العجب فالمعرض بالنسبه لى مدينه الملاهى..ألف و ألف بين الكتب..انحنى حتى اقارب الارض لارى احد الكتب...يغيظنى كل تلك الكتب ..كيف لنا بالمال و الصحه لنقرأكل هذا...شيئ مستفز

أرى الكثير من البشر و كلهم معهم كتب..عجبا اين يختفى هؤلاء الناس فى الحياه العاديه..بالكاد اجد من يقرأ.....فى دار الشروق اكاد اصادق احدى الفتيات ..كنا نسأل عن عزازيل..تصاحبنى حاله "الحب/كره" طوال وجودى بالشروق فكتبها تعجبنى و اخراجها الفنى راقى و جميل و لكنها غاليه بما لا يقاس ..تبا!!! اذعن و اشترى عده كتب منها فى النهايه و انا ادعو على الاحتكار و المحتكرين

فى دار الهلال يتعرفنى البائع و يتذكرنى رغم مرور عام و يتأمل كتبى متمتما "انت قارئه ممتازه"

انظر الى غلاف الكتاب بريشه حلمى التونى الشائهه و لكنى لا اكرهها كما كنت اكره اغلفه جمال قطب و مكتبه مصر...تلك المرأه الابديه التى يفترض انها رائعه الجمال و الموجوده دائما بغض النظر عن مضمون الروايه..كم افسدت روايات نجيب محفوظ فى نظرى

عامه تغيير الغلاف لا يعطى دار الشروق الحق ان تضرب سعر الكتاب فى عشره...حمدا لله على قطب و رسومه البغيضه

اختار الكتب تبعا للعنوان و افر الصفحات و اقرأ صفحه عشوائيه ثم اقرر...نادرا ما اقرأ النبذه المكتوبه بالخلف...اتبع حدسى

ذلك الحدس الذى جعلنى اختار "شروط المحبه " لعفاف السيد من ميريت رغم ان طريقه السرد ليست هى المفضله عندى ..تأكدت من صحه حدسى عندما بكيت و انا اقرأ"كان يشبهنى"..اعجبتنى ايضا "جميزات" و مازلت اقرأ فيها

و لكن حدسى خاننى فى "العميل بابل" ..انا المخطئه على اى حال كيف اشترى كتاب كاتبه هو عمرو الليثى؟؟لا تستفيد شيئا من قرائته كأنك تقرأ مسوده البرنامج التلفزيونى وكله نصب فى نصب

اما " حاره الزعفرانى" فتركتنى احاول فك طلاسمها ..احاول معرفه الرمز و تذهب بى الظنون كل مذهب..فهل من مساعد؟؟

لكن لم استمتع بكتاب قدر استمتاعى بقمر على سمرقند لمحمد المنسى قنديل..التهمت الروايه فى زمن قياسى ..هذا رجل يعرف فن الحكى ..تأخذك الصفحات بين حكايات نور الله و لطف الله و طيف و حكايات المماليك و السلاطين بيبرس و تيمورلنك ..لا اظن اهتمامى بهذا التاريخ وحده هو الذى جعلها تعجبنى فقد قرأت ان كثيرين احبوها رغم اختلاف الاهواء..ما أتسعنى حقا انى علمت ان للروايه نسخه كامله و ليست نهايه مفتوحه مثل التى قرأتها...لا اظن هذا عدلا ..كان ينبغى ان يكتبوا تحذيرا

ذكرنى التهامى لتلك الروايه بروايات اخرى التهمتها "يوتوبيا " لاحمد خالد توفيق و التى تركت فى شعور بالرعب و الخوف ..احقا يمكن ان تصير حالنا لمثل تلك الغابه التى يحكى عنها..لا يبدو تدهورنا بطيئا ابدا...احسب ان احمد خالد توفيق سينجح كروائى بعيدا عن روايات الجيب و انا فى الانتظار

روايه اخرى شدتنى للغايه ..كانت "ايام الشتات " لكمال رحيم..روايه بديعه عن حياه صبى مسلم من ام يهوديه و لكنه يعيش فى باريس بين اهله اليهود و تركز الروايه على الجد اليهودى المصرى و علاقته بحفيده....ذكرتنى الحاله فى تلك الروايه بنقطه النور لبهاء طاهر و الجد الصوفى..تقول ايام الشتات الكثير بدون شعارات رنانه ..روايه تتسلل لروحك دون صخب..اكتشفت ان لها جزء اول بعنوان قلوب منهكه و لكنى لم اجده

للاسف الشديد قرأت بعدها "ليالى الشكولاته" لانجى عزمى و ازعجتنى للغايه حتى انى فكرت ان اكتب تدوينه خاصه عنهاو لكن لم يسعفنى الوقت..الروايه عن صفا الفتاه البدينه التى تكره امها الجميله لانشغالها عنهاو تعيش حياه رتيبه تعيسه..بدت البدايه مشجعه و لكن اكتشفت انه لا توجد روايه و لكن توجد بعض المواعظ التى تريد الكاتبه ان تعلمها لنا فجاره الفتاه يهوديه و الفتاه هجرتها عندما علمت بذلك و زوج امها تاجر سلاح و مفاراقات غريبه و ساذجه للغايه دعك من النصائح و المواعظ المطوله فى صوره حوار و اللافت للذكر شخصيه عمر و هى شخصيه اسطوريه فهو وسيم مهذب ذكى مهتم بحقوق الانسان حتى انه يسافر العراق و يموت هناك دفاعا عن لا اذكر بالضبط..بالله عليكم لما يحب مثله فتاه بدينه قلبها ملئ بالسواد مثل البطله و الاعجب انه يتغنى باخلاقها رغم انها مثل اى فتاه مهذبه حاولت اغوائه لتنال قبله أو شيئ من هذا القبيل و لكن بالطبع يرفض عمر و يسكعنا محاضره اخرى عن الشرف و الأخلاق....يا الله ... ما هذا العبث ؟ثم تتجلى قمه الدراما الهنديه عندما نكتشف ان عمر حى يرزق و تنتهى الروايه نهايه سعيده جدا جدا جدا لنتأكد فى النهايه ان الدين لله و الوطن للجميع

للكاتبه نوايا حسنه و لكنها لا تكفى لصنع روايه

أكاد ارحمكم و لكن قبل ان اكتب التدوينه انهيت "زوجه ابى "لعفاف اباظه و هى سيره ذاتيه لامينه صدقى زوجه عزيز اباظه و ايضا لا تمت للادب بصله ..يحسب للكاتبه انها تريد ان تنقل شعور طيب عن زوجه ابيها و لكنها مستفزه قليلا فالبشر كلهم بما فيهم زوجها و ابيها يوصفوا كالتالى "فلانه هانم بنت فلان باشا حرم علان باشا ابن ترتان باشا و الذى كان مساعد وزير الرى ايام السلطان قلاوون" حتى ما تذكره للسيده الجليله( و التى لا اشكك فى عاطفه الحب بينهم ) هو انها اشترت لها من اوروبا كذا و كذا و انها قالت كذا للسفرجى ..الكاتبه متحفظه و فخور فهى لا ترغب فى كتابه اى خصوصيات و فخور لدرجه قاتله ففخرها بالسيده امينه (ذلك الفخر القبلى الذى يجعلك تحسب انك فى قريش) دفعها لتخصيص فصول من الكتاب للدفاع الحار عن اسماعيل صدقى (باشا لحسن انسى ) حتى تكاد تنهى الجمل بكرم الله وجهه

المثير ما نقلته عن اسماعيل صدقى بانه يعتبر الشعب ابنه و ان عليه ان يوجهه و يضربه على يده ان اخطأ....أف على هذا الهراء اظن اننا سنجد هذا الفكر من ايام مينا موحد القطرين لا ريب انه حدٌث نفسه هؤلاء الرعاع ساوحدهم لمصلحتهم حتى و ان اضطررت لضربهم بالسياط"

لا الوم الكاتبه و لكن اتسائل عما يدفع دار المعارف لنشر 3 كتب للمؤلفه بعنوان "ابى " زوجى" "زوجه ابى " حتى تكاد تتحول لدار اباظه للطبع و النشر

هى فوضى

2009-01-16T14:34:00.005+03:00

حقا نعيش عصر الفوضى ...كل من عنده كلمه يقولها....الكل يصرخ و يهلل بلا انقطاع كما يقول صلاح جاهين واحد يقول يا عالم و التانى يقول يا بهايم
احاول جاهده الا ادخل فى المناقشات السياسيه...يبدو الامر اوضح مما ينبغى ..علام يتشاجر الناس...حقا لا افهمهم
يكاد البعض يجن مما تراه عينه و مما تسمعه اذناه...اجزم انى ساكون منهم لو تفكرت اكثر من هذا..ساجن بالتأكيد
البعض يئن..كيف تباد غزه و نحن صامتون موافقون...و اخرون يصرخون مستهجنين متشنجين كيف تسب مصر؟
تذكرت على الفور ما قاله تولستوى "الشرفاء فقط يتلقون الاهانات اما ان يقال للص انه لص فهذا تقرير امر واقع لا اكثر"
ايا كان لما لا ننهج نهج زعيمنا الاوحد و الابدى ؟؟؟الا يعمل بمبدأ "هى الشتيمه بتلزق"فلنمضى فى حياتنا راقصين مهللين و نغضى الطرف عن الذين يموتون بالجوار
و نسكن آلامانا بانا على الاقل نعالجهم مثلما كانت النساء تفعل قديما ....حقا فلينتقم الله ممن جعلنا امه من النساء المستضعفات

استيقظت فى المستشفى على اصوات عاليه و جلبه..نهضت لاجد مناقشه حاميه الوطيس

قال احدهم ان ما تقولونه لم يعد يقال الا فى القناه الاولى و ردت الاخرى تقول عن ايران "فليفتح المعبر من عنده"

مين يفتح ايه؟؟؟؟معبر مين يا حاجه

تبا للجهل و الجهلاء ...لم ينزل الله "اقرأ" اول كلمه فى القرآن عبثا

ختمت حديثا ساذجا للغايه بقولها "حقا ان مبارك رجل قرارات"

لم اجد فى داخلى الا مقوله هيثم دبور الشهيره...منعنى الادب من قولها (على الانسات المهذبات اللواتى لم يفهمن ان يسألن اخرين لانى لن اقول اكثر من هذا...انا ايضا لم افهمها الا بعد شرح)

صار سماع كلام ابو الغيط نوعا من التعذيب و صور المذابح هى نوع من جلد الذات ...يستنكرون انهم يقتلون النساء و الاطفال ...عجبا هل من حقهم قتل الرجال عزل او مسلحين..اليسو بشرا مثلنا قتلوا فى منازلهم...لماذا يحاكم ميلوسوفيتش وحده؟

يكرر الناس الكلام بافراط ...يكذبون الكذبه و يصدقونها فجأه يصبح اى غاضب من جنرالات المقاهى و صاحب شعارات حنجوريه

الا يوجد للتدرج مكان فى قاموسهم...الا يمكن لرد الفعل ان يكون اى رقم من واحد الى عشره ...لماذا ينبغى ان يكون اما صفرا او العشره كامله

لماذا فنزويلا و تركيا و ايران و ليس نحن ؟لماذا نتشدق بالدين فى كل شيئ و ننسى اساسه؟؟

تقول احدى صديقاتى " تبا للعبيد"

و لكن من قال ان العبيد كانوا مثلنا...لم احك لكم قبلا عن ولعى بالظاهر بيبرس..هو احد اسباب دخولى عالم التدوين و لكن لهذا قصه اخرى

نشأ بيبرس كمملوك ..عبدا يباع و يشترى...يؤمر فيطيع ...قُتل استاذه فهرب من البلاد و ظل صعلوكا فى الشام يبحث عن سيد يخدمه فيؤيه و يساعده فى الرجوع الى مصر ...ظل يهرب و يتنقل بين البلاد حتى هاجم المغول الشام...كان المغول فى ذلك الوقت قوه لا تقهر..كان الناس من شده الخوف يستسلمون للمغولى الاعزل حتى يحضر سلاح ليذبحهم به(الا يذكركم هذا بالبعض..ما علينا)المهم اجتمع الامراء و السلطان فاشار الامير زين الدين الحافظى بالاستسلام و المهادنه فما كان من بيبرس الا ان صفعه و قال "انتم سبب هوان المسلمين" لا تذكر المراجع نص كلمات الحافظى و لكنى اتخيلها شيئا كالسلام خيار استراتيجى

احالنا اهون من هذا العبد الذى لم يكن ليجد لنفسه مأوى...الذى تحالف مع من كان عدوه حتى هزم المغول فى عين جالوت و ظل طوال عمره يحاربهم...هذا الرجل الذى لم يكف عن الجهاد مات فى سريره لم يمت فى الميدان..

لماذا وقع المماليك فى" الفخ" المغولى ؟و لكننا لن نقع ابدا و الحمد لله

لو فكر المماليك العبيد مثلنا لكان العالم يحكمه المغول حتى اليوم..لو ظل الروس يعدون القتلى فى الحرب العالميه لابادنا النازيون من زمن

لم يخاف الناس لهذا الحد؟؟؟؟؟ربما ليس كل الناس

لم تتح لى ظروفى الشخصيه ان اذهب الى العريش ضمن القوافل الطبيه...ربما استطيع لاحقا...و لكنى تذكرت احد الزملاء الذى دخل الى غزه لاحضار احدى الحالات المريضه...ليس الشباب بالسوء الذى يحكون عنه فلا تجعلوه شماعه لخوفكم و جبنكم

لن استسلم لليأس و جلد الذات ...ساحاول بكل ما فى يدى..لن ايأس و ساترك اليأس للشيوخ الحكماء الذين يقال لهم ساسه

يسوســون الأمــور بغــير عقـل فينفــذ أمــرهم ويقــال ساســة

فــاف مــن الحيــاة وأف منــي ومــن زمــن رئاســته خساسـة

ابوعلاء المعرى

مره واحد صعيدى

2008-12-01T17:46:00.010+03:00

بما اننا هزرنا كتير خلاص نهرج بقه ...انا النهارده هاحكيلكوا نكته بس بايخه و زى اى نكته بايخه بتبتدى بمره و احد صعيدى.....

مره واحد صعيدى كان بيشتغل معايا دكتور فى المستشفى و طبعا بالحاسه الساسه بتاعت اى بنت اول ما ادخل مكان اعرف بالسليقه كده العرسان المنتظرين.....اخينا بقه كان مناسب سنا و شكلا و كان يبدو عليه الذكاء و كمان كان باين منه ميل لكن كان شخصيه ضعيفه و اهله صعايده فى البلد و لازم يتجوز بنت عمه و قصص افلام عربى كده

و بما انى شخصيه نفعيه امبرياليه .....فانا ماحبش اى علاقات مع الزمايل مادام الموضوع مش هايرسى على مأذون و هكذا اخدت جنب و بعدت خالص............جميل

و بعد تلات سنين(ايون تلاته مافيش غلط) لقيت بلدينا عمال يتسهوك

مش بنت عمى اتجوزت

الف مبروك(و انا مال اهلى؟؟)

شوفى صور الفرح

ههه(طب جنب و اخدنا..نعمل ايه.. مش ناقص غير الشبشب )

شبشب؟؟شبشب ايه؟؟

هه ...لا ماتخدش فى بالك ...عن اذنك

تقولولى قصده شريف و جمال و علاء اقولوكوا كان زمااااان و ادينا عشره سنين و الانطباعات الاولى تدوم و انا عارفه انه ما يقدرش يقف لاهله فى البلد

و اذ فجأتن الاقيه باعتلى مسج بحبك و كلام كده و عايز اتجوزك

فكرت............. صحيح فقران و مقحط ولكعى مش عارف يخلص الماجستير واهله هايكرهونى لكن فى النهايه شغال و اللى نعرفه احسن من اللى مانعرفوش و هكذا....

طلب منى اننا نأجل اى حاجه رسمى لغايه اخوه ما يخلص ثانويه عامه عشان مانشوشرش عليه ده على اعتباران انا هاعره مثلا.......بلعت الاهانه و قلت كله يهون فى سبيل الهدف الاسمى اللى هو ان تحملى لقب مدام

الانتظار ده كان فيه شهر و لا شهر و نص و أوضحتله ان انا مش هاقدر اتجاوز فى اى حاجه لغايه ما يتم حاجه رسمى

طبعا طبعا انا عندى اخوات بنات

ومن ساعتها طوفان من بحبك وحشتينى ..بحبك و انتى مطلعه عينى.......وووو

الحقيقه انا كان رد فعلى هو حاله من القرف و الملل...ايه شغل المراهقين ده؟؟طب لو المتكلم عاقل يبقى المستمع مجنون مانا قدامك من 3 سنين..المفروض اصدق الكلام ده؟؟؟راااااااااااحت خلاص...........المهم مارضتش اتف فى وشه البقين دول و سكت

مره بعتلى رساله بالانجليزى ماعرفتلهاش راس من رجل و لا فهمتلها معنى

ايه رأيك فى الرساله؟

ميرسى

يعنى قولتى ايه؟

لا اله الا الله يا عم حل عنى بقه...بعد كده اكتشفت انها جزء من اغنيه لسيلين ديون(و عاملى صعيدى)

بعد شويه اتنقلنا لمرحله جديده

كان فى واحد واقف فى الاوده و انتى بتكلمى فلانه

مش فاهمه؟؟؟

يعنى انا باغير

طب ده مكان شغل و انا بكلم حد تانى اساسا

اوففففففففف انا كانت روحى فى مناخيرى و على رأى صاحبتى حتى الصعيدى طلع منفسن

الكلام ده حصل من سنتين و انا كنت فى لحظه يأس مدلهمه (اى و الله)و اصريت اكمل مهما حصل و عصرت على نفسى 3 كيلو ليمون

فقير.......... ....و ايه يعنى خدوهم فقراء يغنيكم الله

اهله مش طايقنى........و ايه يعنى مانا هاعيش بعيد و ادفع بالتى هى احسن و كده

لكعى و مش عارف يخلص الماجستير.......ان شاء الله ربنا ينفخ فى صورته و يخلص قبلى ربنا يسهل

منفسن..................ربنا يهدى

بيقولوا بتاع ممرضات و كده.................................ربنا يسترررر

و هكذا استمريت رغم يقينى الداخلى انه لا يمكن يقدر يكمل لكن انا قلت انا هاعرف الناس اكتر من نفسها؟؟؟

واخيرا خلصت امتحانات الثانويه العامه و لقيت بلدينا بيكلمنى فى التليفون و يقول

انا كلمت ابويا

و الله طب خير قال ايه؟؟

ماينفعش فى التليفون

كده (طب ما انت كلمته فى نفس ذات التليفون ..ايه اللى يمنع انه يحيكه عليه...بلاوى)طب بكره فى المستشفى ان شاء الله

طب و ليه مانتقابلش بره النهارده؟

اصلى مش متعوده على كده و بكره قريب ان شاء الله

مش فاهم ليه يعنى

...............

طب خلاص اصبر لبكره

الحقيقه انا الفار لعب فى عبى و قلت باينه فاكرنى واحده من اياهم ولا بيتسلى و لا حكايته ايه ده

و جه بكره و بعد بكره و بعد بعد بعد بكره و لا هو هنا ..و بعد ماكان بينطلى كل ساعه و التانيه اختفى تمامنننننننننننننننن

يا........................................

يعنى كان بيلعب و قالك دى من مصر و هتلف على حل شعرها معايا

انا كنت فى حاله من الغضب و الشعور بالاهانه و القرف و حاجات كتيره مع بعضها من بتاعت د/نبيل فاروق و الحاج ادهم صبرى

حصلى زى العيانين مابيقولوا كرشه نفس...مش عارفه اخد نفسى...الاهانه واقفه فى زورى لا عارفه ابلعها و لا اخرجها

يعنى يا رب لا بيا و لا عليا و الهم يتحدف عليا.....لا عايزاه و لا شجعته و قلت لصاحبتى بكل غضب

انا الغلطانه نزلت فهنت

ههه؟؟؟؟؟؟؟؟؟

نزلت فهنت.........ده كلام نجيب محفوظ.......سى السيد قال لزنوبه كده

نزللت ايه؟؟

نزلت فهنت

بتعددى بالنحوى ...و الله ما نت متجوزه فى عمرك

فضلت على الحاله ديه حاجه زى تلات اسابيع و اخيرا بدأ سبع البرمبه يظهر و لاحظت انه بيحاول يتواجد فى طريقى ...طبعا انا و لا كأن هوا قدامى.....نزلت فهنت صحيح

و مره لقطنى و جرى ورايا

و مش معنى ان موضوعنا ماتمش اننا ما نكونش زمايل

(المره دى ما كنش كرشه نفس كان دور اسفكسيا و طلوع روح)

انت بتقول ايه يا افندى؟؟؟؟؟؟؟؟؟؟؟؟

و لاول مره فى حياتى انطلق فى عزف منفرد كريشندو متعالى الايقاع فى وصله غير مسبوقه من الردح و طوله اللسان

الحقيقه انا كنت بارتجف غضبا و مش فاكره انا قلت ايه بس هو كان على كلمه واحده انا انسان محترم

و طبعا خلصت كل اللى عندى و لفيت و سيبته بقه مفتوح و سبحان الله كرشه النفس اختفت تماماننننننننن

فيما بعد اعترضت امى على رد فعلى لكن لست حزينه و لا نادمه

كان عندى كرشه نفس!!!!!!!!

عن الغربه و الغرباء

2008-11-08T01:20:00.003+03:00

الغريب فى المعجم الوسيط هو الرجل ليس من القوم ...ليس من البلد

اما عندى فانا الغريبه وسط الغرباء

اقضى ايامى فى المستشفيات و ما ادراكم ما المستشفيات

هل بت ليلك يوما فى مستشفى؟؟؟

مهما كانت المستشفى حكوميه ومشغوله بالمرضى فى اقسامها المتعدده فان الليل فى المستشفيات واحد

مقبض و كئيب

صمت رهيب و ظلام كأنك تسير بين الاموات ...انها الغربه مجسده

تلك الرائحه الخانقه سواء كانت رائحه المطهرات ام رائحه المرض

اجل للمرض رائحه...لكل الامراض نفس الرائحه..لا تحتاج للذهاب الى مستشفى لتشمها..لو مرض احدهم فى البيت لشممت نفس الرائحه

احدثكم الان عن الغرباء...الاطباء

مجموعه من الغرباء...ليسوا من نفس المكان ...ليسوا من نفس الاقوام

بشر لا يعرفوا بعضهم يجدوا أنفسهم مطالبين بان يقضوا ساعاتهم معا

هنا ترى اختلافا واضحا فالبعض يتقيد بقوانين الغربه و البعض يحاول كسرها

نسيت ان اخبركم ان للغربه قوانين

فالغرباء يجب ان يظلوا غرباء...لا يعرفوا شيئا عن بعض..المسافات بينهم ثابته ان لم تتباعد

تذكرت عندما سألونى عن زميل لى كنت اخذ معه نبطشيات لمده عام و لم اعرف الاجابه

اكتشفت انى لا اعرف عنه شيئا حقا

و لكن احقا لا اعرفه...الا يجعلك العمل تعرف الناس على حقيقتها؟؟

ولكنى لا اريد ان اعرف اكثر ..احسبنى تقيدت بقانون الغربه

البعض يحاول ان يبنى علاقات انسانيه مع باقى الغرباء فيحكوا عن انفسهم و يكشفوا الاسرار

لعلهم لا يتكلمون الا لثقتهم ان الاخرين غرباء بعيدين باميال عن حياتهم

لكن اتريدون الصدق انما هى مسكنات لتمضيه ذلك الليل الطويل الكئيب

و فى نهايه اليوم و بعد تفرق الغرباء ..ترى ايتذكرون بعضهم؟؟

لكن لا

اجدنى اتذكر البعض بكل ود رغم مرور سنين على اخر لقاء بينى و بينهم و اخرين معى و لكنهم غرباء

ربما لا اعرف اين يسكن الغرباء و لكنى اعرف الانسان

لسنا بالغرباء...و ان كنا

فطوبى للغرباء

الحلوه اتكلمت

2008-11-03T19:34:00.000+03:00

ايها الناس.....

المكنه طلعت قماش...

من وحى البعكوكه

2008-10-20T10:49:00.018+03:00

البعكوكه مريضه و مصابه بنوبات صرعيه خطيره و لانى اهواها فانى لم اطق صبرا و صرت طريحه الفراش انا الاخرى اتذكر ايامى معها

*******************

اذهب الى الميكانيكى فاطلب ضبط الزوايا و لكنه ينصح بالكشف على العجل اولا فاوافق و لكنى اصر على ضبط الزوايا فيجيبنى زى ما تحبى ...سيام (ايون بالميم)

*******************

تغرقنى تلك التعاسه و انا وحدى فى البعكوكه هى لا تكف عن الانتفاض كأنها طفل ينشج بالبكاء وانا جالسه ابكى فى صمت بينما نستمع الى عمر خيرت..كم نتوحد فى مشاعرنا انا و بعكوكتى الصغيره اللطيفه و تسألنى

لما تبكين؟؟

لانى اسمع عمر خيرت

لما تستمعين له اذا؟؟

ابتسم و ارد....لكى ابكى

يا من خلقت الدمع رفقا منك بالباكى الحزين

بارك لعبدك فى الدموع فانها نعم المعين

*********************

تصاحبى صديقتى فلا اجد بدا من ان اغير ما اسمعه الى نجوم اف ام و لااركز مع ذلك الضجيج المتواصل و اندمج فى الحوار مع صديقتى الى ان ان يشد انتباهى لحنا ذكرنى بالحان الندب الصعيديه.. تلك الاغانى الحزينه الممتلئه شجنا كأنها روح تحترق ..كم احب تلك الموسيقى ...هذا ذوقى فلا تلومنى على ما انا عليه

دائما ما يجذبنى اللحن قبل الكلمات فان اعجبنى استمعت لاعلم ما يقول ...كان عمرو مصطفى ينوح بصوته الاجش الذى لا يصلح للغناء اطلاقا يبكى حبيبا لم يبادله الحب و يودعه...يبكى سوء حظه مع هذا الحبيب

جيت غلطه فى حياتى و بادفع تمنها....شكلى ظلمت انا حد زمان و ماخدتش بالى

وقفت الجمله عقبه فى طريقى ..صخره لا يمكن زعزعتها...ايمكن ان نظلم دون ان ندرى ...احقا لا ندرى؟؟؟؟ما اهون احزان الناس بجانب احزاننا مهما كانت تفاهتها...ترى كم من الناس ظَلمت؟؟؟يؤرقنى ذلك الشعور باننا نعلم... بانه لا احد مغيب...الكل يظلم بعضه باصرار و قسوه غير محتملين

يفزعنى اكثر المصير و يقينى ان الله لا ينسى حق المظلوم..لا اكف عن التسأول ان كان كل ما يحزننى هو تكفير عن اخطائى بحق الآخرين...افكرو اراجع حياتى فاجدنى لم اوذى انسانا بقصد ابدا و لكن بالتأكيد تسببت فى بعض الاحزان...لعلنى لم اكفر عنها كلها بعد..لكن لا احسب انى استحق كل هذا الحزن

جزء منى يؤمن ان الافضل لم يأت بعد و ان الله ارحم مما احسب و ان لكل شيئ سبب...انت فقط لا تعرفين..انت اضعف مما ينبغى

آمنى معى بان اجمل الايام لم نعشها بعد...عندها ستكفين عن البكاء

و بعد كلام و اخذ و رد كثير مع نفسى و بعد ايام عديده

لم تعد حالى بنفس الكآبه و صار البال رائق و استمع الى فيروز بكثره ...تلك الكثره التى تغلب الشجاعه

اما لكم و للكل فاقول سامحونى ما كنش قصدى اما عن البكاء فهو....... سيام

صوت صفير البلبل

2008-09-18T02:23:00.010+03:00

شُغلت كثيرا الفتره الماضيه ...رمضان بقه كل سنه و انتم طيبين
لكنى لم احب ان اترك المدونه مهجوره(خوفا من العناكب و الحشرات و ما شابه ) لذا و من وحى طوفان المسلسلات التى اُغرقنا بها و التى فشلت حتى فى احصاء الاسامى(دعك من ان اتابع ايا منها ) الا ان اسم ابو جعفر المنصور لصق بذهنى و كنت انوى ان اتابعه و لكنى نسيت فى الحقيقه
ابو جعفر المنصور هو مؤسس بغداد المنكوبه التى دمرت مرتين..مره على يد الغول و مره على يد .......المغول برضه (اقل وصف لاصحاب ابو غريب)
المهم بعيدا عن جو الدراما هذا(كفايه المسلسلات)كان بالرجل بعض البخل على قياس ذلك العصر فلم يكن يعطى الشعراء عطايا الا اذا قالوا شعرا من تأليفهم ...و طبعا لم يكن هذا ليعجز الشعراء فالشعر ديوان العرب كما نعرف و لكن المنصور كان خبيثا و لئيما (و الا ما صار خليفه 21 سنه...تخيل من يظل 27 سنه يكون ايه؟؟؟)فقد كان يحفظ اى قصيده اذا سمعها مره واحده و كان عنده غلام يحفظ القصيده بعد سماعها مرتين و جاريه تحفظها بعد ثلاث مرات...فكان اذا جاء اى شاعر متسول غلبان ...انتظر المنصور حتى ينتهى من القصيده و يقوله "قديمه "و يرددها له و يستشهد بالغلام و من بعده الجاريه الذان يحفظان القصيده مع كل مره تكرار و هكذا اسقط فى يد الشعراء
لكن الاصمعى و هو شاعر متسول عريق شك فى الامر فكتب قصيده فصيحه شديده الصعوبه و جاء المنصور متنكرا

صـوت صــفير الـبلبـل *** هيج قـــلبي الثمــل

المـــــــاء والزهر معا *** مــــع زهرِ لحظِ المٌقَل

و أنت يا ســـــــــيدَ لي *** وســــــيدي ومولي لي

فكــــــــم فكــــم تيمني *** غُـــزَيلٌ عقــــــــــيقَلي

قطَّفتَه من وجــــــــــنَةٍ *** من لثم ورد الخــــجل

فـــــــقال لا لا لا لا لا *** وقــــــــد غدا مهرول

والخُـــــوذ مالت طربا *** من فعل هـــذا الرجل

فــــــــولولت وولولت *** ولـــــي ولي يا ويل لي

فقلت لا تولولـــــــــي *** وبيني اللؤلؤ لى

قالت له حين كـــــــذا *** انهض وجــــــد بالنقل

وفتية سقــــــــــــونني *** قـــــــــهوة كالعسل لى

شممـــــــــــتها بأنفي *** أزكـــــــى من القرنفل

في وســط بستان حلي *** بالزهر والســـــرور لي

والعـــود دندن دنا لي *** والطبل طبطب طب لـي

طب طبطب طب طبطب *** طب طبطب طبطب طب لي

والسقف سق سق سق لي *** والرقص قد طاب لي

شـوى شـوى وشــــاهش *** على ورق ســـفرجل

وغرد القمري يصـــــيح *** ملل فـــــــــــي ملل

ولــــــــــــو تراني راكبا *** علــــى حمار اهزل

يمشي علــــــــــــى ثلاثة *** كمـــــشية العرنجلي

و الناس ترجــــــــم جملي *** في الســوق بالقلقللي

والكـــــــــل كعكع كعِكَع *** خلفي ومـــن حويللي

لكـــــــــــن مشيت هاربا *** من خشـــية العقنقلي

إلى لقاء مــــــــــــــــلك *** مــــــــــعظم مبجل

يأمر لي بخـــــــــــــلعة *** حمـــراء كالدم دملي

اجــــــــــــر فيها ماشيا *** مبغــــــــــددا للذيل

انا الأديب الألمــعي من *** حي ارض الموصل

نظمت قطــــعا زخرفت *** يعجز عنها الأدب لي

أقول في مطلعــــــــــها *** صوت صفير البلبل

الخليفه اذبهل و لم يستطع ان يحفظ شيئا...يا غلام ...يا جاريه...لا شيئ.. لم يستطع احدهم ان يحفظ شيئا
ولان من حفر حفره لاخيه وقع فيها فقد كانت العاده ان يكافئ الخليفه الشاعر بوزن قصيدته ذهبا لهذا كان الشعراء يطيلون لحد الملل
المهم قال الاصمعى كنت قد كتبتها على حجر كان لابى و وجد الخليفه انه لو اعطاه وزن الحجر لافلست البلاد...عندها عرٌف الاصمعى نفسه و اشترط على الخليفه ان يعطى اى شاعر عن شعره سواء كان قديما او حديثا...غريبه امر هذه الصفاقه..شاعر من وزن المتنى كان يكتب بلقمته و فى نفس الوقت كان كتله من الغرور...لا افهم كيف قبل هؤلاء الموهوبين على انفسهم حياه التسول هذه و مازلت حتى يومنا هذا لاافهم

الصورتين لتمثال لابوجعفر المنصور فى بغداد و الاخرى بعد ان اسقطه الامريكيين

نصيحه القصيده الطف كثيرا اذا سمعتها ... و حاولت ان تقرأها

وجائزه لمن يترجمها

اولمبيات...خمس حلقات

2008-08-22T23:54:00.016+03:00

الحلقه الاولى

من صغرى و انا اهوى متابعه بعض الالعاب الاوليمبيه... الجمباز الفنى و الايقاعى..العاب القوى..السباحه و الغطس و السباحه التوقيعيه و احيانا رفع الاثقال!!!

لظروف العمل و الحياه لم اتمكن من المتابعه جيدا و لكن مهما قلت متابعتى فان الجزء الذى تابعته ينجح فى استفزازى ضد الولايات المتحده الامريكيه

حتى فى الرياضه !!ورغم انها تمتلك مجموعه من افضل الرياضين على مستوى العالم الاانك تجد ممارسات ابعد ما تكون عن الاخلاق الرياضيه بدأ من اضافه بعض الرياضات التى لا يلعبها الا الامريكيين مثل كره اليد الشاطئيه ..سوفت بول(لا اعرف لها ترجمه الا الكره الناعمه) و كره القدم النسائيه...كل هذه الالعاب اضيفت فى دوره اتلانتا و لا يزال الامريكيين يحتكروا الميداليات الذهبيه فيها حتى اليوم...(ربما لو نظمنا الالعاب الاوليمبيه يوما اضافوا كره السرعه (ولكننا سنخسر ايضا

الجمباز من الالعاب التى بدأ الامريكيين يبرعون فيها و يحصدون الذهب و لكن لننظر اكثر

الامريكى بول هام حصل على ذهبيه ا ثينا متفوفا على لاعبيين كوريين و بعد مراجعه النتائج وجد خطأ فى الحساب و ان الجائزه من حق اللاعب الثالث و قامت اللجنه الاوليمبيه بايقاف ثلاث حكام و بعثت بخطاب الى هام تطلب منه التخلى عن الميداليه لمستحقها الفعلى لانها لا تستطيع تغيير النتيجه...هام رفض التراجع و قال انه يتفهم ما مر به اللاعب الكورى من معاناه لانه يعانى ايضا!!!!

فى نفس تلك المنافسات كان يلعب البطل الروسى اليكسى نيموف و قام الحكام بمنحه درجه متدنيه بعد اداء جيد فما كان من الجمهور الا الاحتجاج الصاخب بصوره منعت استكمال اللعب (كان الدور على هام مما اثار الجماهير اكثر) لمده ربع ساعه..اضطر الحكام الى اعاده التقييم و رفع النتيجه قليلا فاستمر الجمهور على صخبه و لم يتوقف الا بعد تدخل نيموف نفسه و طلبه الهدوء من الجماهير

فى الصوره نرى الغضبه التلقائيه للجماهير ..لم تكن الجماهير روسيه فقط بل كانت من مختلف الدول و كل يلوح بعلم بلاده ...حتى باقى المتسابقين كانوا مؤيدين لتلك الثوره الغير مسبوقه

لم يفز نيموف بالميداليه وقتها و لكن تمت تغيير قوانيين التحكيم بعدها!!!!

فى منافسات بكين شاهدت الامريكيه ناستيا لوكين تفوز بالذهبيه ..كان الاسم و الملامح و حتى اسلوب الاداء يشى بنكهه روسيه خالصه و بحثت لاجد انها من اصل روسى و ان الاب (هو المدرب فى نفس الوقت ) و الام هم ابطال جمباز سوفيت هاجروا لامريكا و انشأوا معهد رياضى هناك...لا اقول ان هذا خطأ الامريكيين و لكن بعدما كانوا يستوردون المدربين الروس و الصينين صار اللاعبين ايضا هديه فوق البيعه...للامريكيين تاريخ طويل فى هذا و لا ننسى نافرتلوفا و ناديا كوماتشى و غيرهم

يدفعنى هذا للتفكير فى مأساه هجره العقول...ايمكن ان تتفهم موقف من ترك بلده و تجنس بجنسيه اخرى..قد تكون الظروف صعبه و لكن ايكون هذا مبررا لمثل تلك الاساءه ..كيف يمكن ان ترتقى اذن؟؟لذا اجدنى غاضبه من ذلك الاحتفاء بزويل و هو رجل لم يرى بلده او يحاول مساعدتها لمده ربع قرن و بعد الفوز بنوبل كمواطن امريكى ظهر ثانيه كمصرى و رحنا نهلل كعادتنا و نسينا اخرين هاجروا و لم ينسوا بلدهم د.مجدى يعقوب و اخرون لم يرحلوا و ظلوا ينحتون فى الصخر كل يوم د.احمد شفيق

الحلقه الثانيه

السباح الامريكى مايكل فيليبس سباح فذ استطاع الفوز بثمانى ميدليات ذهبيه بهذه الاوليميات لكن الجدل دائر حول ذهبيه 100 متر فراشه و هو السباق الذى كان متأخرا فيه نتيجه لعيب فى نظاره الماء و لكن فيما يشبه المعجزه استطاع الفوز على الصربى كافيتش بفارق فنيه (اللى هى اقل من الثانيه على رأى سعيد صالح بالضبط 01. ) و قد قدم الصرب شكوى قائلين ان بطلهم لمس الحائط اولا و النت ملئ بفيديو و صور من كل جانب( الامريكى و الصربى ) تؤيد وجهه نظره الا ان المسئولين الصرب اقتنعوا فى النهايه حتى كافيتش نفسه و هو مدون زميل كتب عن سعادته بالميداليه الفضيه و ساترك لكم الصور لتحكموا (كافيتش هو صاحب البدله الكامله)

الحلقه الثالثه

العداءه الامريكيه الاسطوره ماريون جونز و الفائزه بخمس ميداليات بسيدنى منهم ثلاث ذهبيات اعترفت مؤخرا بتعاطيها منشطات ممنوعه رغم نفيها هذا مرارا و تكرارا سابقا وقد قامت اللجنه الاوليمبيه بسحب كل الميداليات منها...ليست وحدها من تفعل هذا ففى هذه الاوليميات سُجلت خمس حالات تعاطى للمنشطات ..السؤال الآن من يعوض هذا الذى حصل على ميداليه ذهبيه بعد سبع سنوات و قد حرم من زهوه الفوز فى حينها ؟؟؟؟

الحلقه الرابعه

حتى قناه الجزيره الرياضيه بكل امكانياتها لم تجد سوى رياض شراره ليشرح لنا نحن "اعزاءه المشاهدين فى كل مكان صحرا ان كان او بستان ان حوا (حواء)اخدت نص ام الالعاب (اللى هى العاب القوى ) من الراجل المسكين اللى هو ولد"

يا الله

رحمتك يا رب (و لكن لا انكر للرجل حماسه الغير طبيعى لكل ماهو عربى و للامريكيين ايضا )

الحلقه الخامسه و الاخيره

قامت اللاعبه الاسرائليه بالاداء على موسيقى جبار لعبد الحليم

سرقوا الارض و الآن الموسيقى

ماذا سيسرقون غدا...لعله لم يبقى شيئ ليسرقوه

القديسون مملون

2008-08-09T01:15:00.003+03:00

ماذا تفعل لو صرت رئيسا؟
الاجابه سهله طويله و ممتعه .....لكن مؤخرا صرت رئيسه صغيره لبعض زملائى و اقولها ليس فى الامر اى متعه
حكيت لكم قبلا عن ولعى المرضى بالكمال..اقول مرضى لانى احسبه كذلك هو ولع.. رغبه قاهره لا استطيع الفرار منها
يظل هذا الولع شبه خافى حتى اكلف بواجب ما فلا استطيع الفرار من نفسى اتعب و يتعب من حولى لكنى حقا و صدقا لا افهم ما المشكله فى القيام بالعمل لماذا يحتاج الامر كل هذا العناد من البشر
الا يحاسبون انفسهم ابدا
ولكن لعلى انا التى تحاسب اكثر مما ينبغى و لكنى لا استطيع فرارا من نفسى
يتنازعنى رغبتان...رغبه فى الصفاء و الموده و عدم تعكير الصفو و رغبه فى الا يصح الا الصحيح و لو استاء العالم كله
اذا لقينى الناس فى غير العمل فانهم يرونى واحده من الطف البشر و الينهم..لن يفلح شيئ فى اخفاء ابتسامتى اما فى العمل و رغم انى لا اخرج عن ادبى الا انهم يقولون حنبليه...لو قللت ضميرك شويه و اتهامات خفيه بالسيطره اقرأها بين السطور
مادمت فى مكان المسئوليه فانى اجبر الاخرين على العمل و يهدأ منى نصف و يستيقظ النصف الثانى يلومنى فيم هذا النكد سيكرهك الناس عما قريب..اكانت الدنيا انهدت لو سكنتى قليلا
يزيد تعاستى رغبه الناس فى الا ترأسهم امرأه فتاه ان صح التعبير ...ايها الحمقى ليتكم تعرفون
اكاد ابكى قهرا و تعاسه
بكيت بالفعل
عندما شاهدت جزء من فيلم two weeks notice
الفيلم يحكى عن محاميه جاده جدا تعمل لصالح احد الاثرياء لكى تثنيه عن تدمير مبنى اجتماعى ثم لا تلبث ان تحبه و عندما تكتشف خيانته لها و لوعده يتواجهان فيرد مدافعا عن نفسه" نعم انا انسان و لا يمكنى التحكم فى كل شيئ انت مثاليه للغايه لدرجه تجعل غاندى يبدو كبائع جوال لهذا انت وحيده انت غير محتمله لا احد يحب ان يوعظ طوال الوقت لا احد يريد الحياه مع قديسه فالقديسون مملون" ترجمه بتصرف
القديسون مملون
لست قديسه و لكنى ساغدو ممله
ينتهى الفيلم نهايه سعيده و لكن فى الدنيا لا تأتى دائما النهايه السعيده

تحديث
تغيبت الاسبوع الماضى عن النبطشيه و عدت لاجد زملائى قاموا بكل الاعمال التى كنت اطلبها منهم و كانوا يتذمرون منها...سارع الجميع باخبارى عند عودتى...لكم اسعدنى هذا...تزامن هذا مع رساله من صديقه مكونه من جمله واحده "شكرا لوجودك فى حياتى"

ان تحدث فرقاٌ و لو كان صغيراً....كأنك ملكت الدنيا

حدث الاسبوع الماضى يا babyyyyyyyyyyy

2008-07-20T22:09:00.004+03:00

قضيت الاسبوع الفايت كله لف فى انحاء القاهره الكبرى ما بين العتبه للتحرير للعباسيه فى عز الضهر ده غير المرمطه ما بين مكاتب الموظفين اللى شعارهم "ليه تسهل على الناس مادمت تقدر تكلكعها" و يدور الحوار التالى

-لو سمحت

-نعم (تعبير وشه اهانه فى حد ذاته)

-كنت عايزه كذا

-ما ينفعش يا انسه

-ليه

-هو كده

-طب....

-ماطبش,اخوكى كان هنا امبارح و مشى قفاه يقمر عيش

-اخويا؟؟؟ده انا سايباه فى اسكندريه من اسبوع؟؟

-يووووووووووه ,زميلك زى اخوكى يعنى ...امال دخلتوا طب ازاى

-.................

و اخرج اسأل فين المدير؟ و يتكرر نفس الحوارلكن لانه لايأس مع الحياه فانا باكمل و اسأل عن المدير الاكبر و هكذا لمده ساعه ساعتين او يومين و فى النهايه اخد الامضا الشريفه فى خمس دقايق

المهم عشان ما تتعلوش قدرت اقدم الطلب المكون من 18 ورقه (بجد مش هزار)و لا كأنى هاقدم على منصب مساعد وزير الرى بس المعاناه ديه ادت الى انهيار حالتى النفسيه الى الحضيض لكن لانه لا يأس مع الحياه و لا حياه مع اليأس (منه لله مصطفى كامل ) قررت أرٌوح عن نفسى و اروح حفله موسيقى فى ساقيه الصاوى اصل انا مابحبش حفلات الاغانى يعنى

قوم ايه اتفقت مع لولو قريبتى اننا نروح و بعد يوم شاق و عمل كام مشوار على الماشى قبل الحفله و لف على الركنه قد ساعه و طبعا ماكناش حاجزين لكن وصلنا بدرى ساعه و لوسمحت تذكرتين.....هنا كويس؟ بس ما تتأخروش بكره بقه

بكره؟؟؟؟؟؟

لولو:تاننننننننننننننى(اصل انا ليا سوابق فى موضوع الحول فى قرايها المواعيد من النت من زمان)

و العمل ؟؟

انا يا قاتل يا مقتول انهارده ده انا حزمت امتعتى و هابيت عند لولو انهارده على حس الحفله...كل ده يروح عالفاضى

-شف لنا عندك ايه انهارده

" افضل اغانى الخمسينات و الستينات بصوت الهام امين"

-ما بحبش الاغانى القديمه

-يا عبيطه حد مايحبش عبد الوهاب و فريد و يمكن يكون توزيع جديد او تكون الاغانى اللى بتتعاد دلوقتى يعنى ياحبيبى عد لى تانى-حكايتى مع الزمن - اسمهان ...كده يعنى

و طبعا لانى شخصيه ساحقه ماحقه البنت الغلبانه وافقت و حجزنا فى وش المسرح بالظبط

و قبل الحفله الناس عماله تيجى ثمانين سنه و طالع ..عشر سنين ما يضرش و كمان اجانب

-شايفه يا جاهله حتى الاجانب بتيجى تسمع الفن الشرقى الاصيل

-طب و العيال؟؟

-اهلهم بيعلموهم ازاى يحبوا تراثهم

-تراثهم!!ماشى يا ختى

وبدأت الحفله و دخل علينا الهام لابس اسود فى اسود و رابط شعره لورا و طول بعرض بارتفاع يفكرك كدا بزعماء المافيا بتوع السينما(طلعت الهام رجل مش ست!!!!)

و اشتغلت الموسيقى و مش غريبه عليا الموسيقى ديه...ايه يا مهره؟ايه يا مهره؟

make me swayyyyyyy

يا نهار اسود و منيل ديه طلعت حفله انجليزى و كمان ستينات...يا سلا سوخه يا ولاد...ماكنش يومك يا مهره ده انا لما باسمع فرانك سيناترا باقفل التلفزيون مابقلبش القناه حتى

لولو بتزغرلى (و فريد و شرقى و التراث اكيد هاتسبنى اروح موتورجل النهارده) قعدنا نسمع و لا حول و لا قوه الا بالله و الهام والناس اخر صهلله و الله لولا انه مكان محترم كانوا اتحزموا و رقصوا و الناس حافظه الاغانى و ماحدش قاعد متنح غيرنا خاصه انه بدأ يغنى بلغه تانيه ايطالى اسبانى الله وحده اعلم و فى نهايه احدى القصائد لولو لفتلى

-اخر مره هاسمحلك تصقفى

-ليه؟

-انتى كده بتخدعيه

-مين؟

-الهام

-الهام مين؟؟؟؟؟؟؟؟آآآآآه

الجدير بالذكر هنا ان الهام يمتلك احد اقوى الاصوات التينور اللى يحسده عليها بافروتى نفسه الله يرحمه و كل اغنيه يرزعلنا حته يا BABYYYYYYYYYYYY تنقح اللى قبلها و الله خسارته فى ساكن فى حى السيده كان هايبدع بس اشك انه او اى واحد من اللى قاعدين( باستثنائى انا و لولو) يعرف ان عندنا حى اسمه السيده

الحفله استمرت لمده ساعه (لو زادت كان السقف وقع علينا مع واحده من يا BABYYYYYYYY )ولجل حظى السعيد طلعت اول حفله لالهام و انا باتمناله من قلبى والله كل توفيق بس بعيد عنى عاااااااااااااااااااااااااااا

اسيبكم دلوقتى مع هذه المقطوعه و كل حفله وانتم طيبين

واجب

2008-07-07T01:44:00.007+03:00

الدنيا لسه حر و كنت ناويه اتنح و ماكتبش حاجه بس جالى واجب من الصديقه زمرده و طبعا اثبت انى تلميذه خايبه و اتأخرت فى عمل الواجب بس معلش اصلى بطلت حكايه الواجبات ديه من ابتدائى و ده كا ن من كااااااااااااااااااااااااام سنه؟؟يجيييييي اممممم..................ما علينا ما علينا

1. أذكر اسم من طلب منك حل هذا الواجب.

زمرده صاحبه مدونه كوكب زمرده

2. أذكر القوانين المتعلقة بهذا الواجب

مش عارفه و مافهمتش من زمرده...معلش الطب قضى على الربع اللى كنت ماشيه به

3. تحدث عن ستة أسرار قد لا يكتشفها من يقابلك للمرة الأولى.

سته مره واحده...الحقيقه انا انسانه واضحه جدا و صعب اتفهم غلط بس هاحاول الاقى 6 اسرار

1-صعب ان يعرف احد انى اهوى القراءه ببساطه اخاطب الناس بقدر عقولهم واكره التباهى بالعلم او المعرفه و موتى وسمى المصطلحات الكبيره المجعلصه و ارى ان ابدع الكتاب واقواهم هم اسهلهم لغه

2-اعطى ايحاء برقه شديده (طبعا انا بسكوته اكيد اكيد ) لكنى استطيع تحمل الكثير من المكاره و العمل الشاق بدون كلل و لكن مع الكثير من الملل

3-بعض الاخطاء لا يمكنى التسامح معها و تغير رأيى فى الانسان الى الابد

My good opinion once lost is lost forever

Mr. Darcy in Pride & Prejudice

Jane Austen

4-اذا غضبت اكلت

5-اسعى الى الكمال ..مثاليه بصوره مرضيه.... بصوره مزعجه لى شخصيا و لسوف اكتب قريبا عن هذا لانه يضايقنى حقا

6- عندى مدونه ولا يعلم احد من معارفى بهذا دعك من ان يتوقعه او انه يعرف يعنى ايه مدونه من اساسه

4. حول هذا الواجب إلى ستة مدونين، وأذكر أسماءهم مع روابط مدوناتهم في موضوعك.

ايما ام البنين

سبهلله عالاخر

sou Heart Whispers

تايه فى وسط البلد

زيانور (يا رب تكون فتحت المدونه تانى)

الربان (و ان كنت اظن انه حله قبل كده بس ديه هديه بقه)

5. اترك تعليق في مدونة من حولت الواجب عليهم، ليعلموا عن هذا الواجب.

حالاااااااااااااااااا

الدبلوماسى

2008-06-21T23:02:00.008+03:00

الدنيا حر موت و انا مش قادره اتنفس ولا اكتب و لا اعمل اى حاجه عشان كده دوٌرت فى دفاترى القديمه و قلت بالمره تغييراً للحاله النفسيه السيئه قررت احكيلكوا تجاربى مع العرسان

الحكايه ديه اول حاجه كتبتها فى عالم التدوين و نشرتها فى "بيت العرايس و العرسان"

الدبلوماسى

من حوالي سنتين و انا في معمعه الاستعداد للامتحانات,امتحانات الماجستير طبعا لحسن حد يتجن في عقله و يفتكرني لسه صغيره,ماما جت و قالتلي

-جايللك عريس

-تاني

-تاني ايه,انت متلخبطه في العدد والا ايه

-ههه

-المره دي دبلوماسي و مش هتقدري ترفضي

-و ده يتقدملي ليه اقصد يعرفني منين

-طنط فلانه تعرف مامته, بس؟ بس؟ بس؟

-بس ايه؟

-عايزين يشوفوا صورتك الاول

-ايه,دي اهانه ,انا لا اقبل,استحاله

-براحتك

-استني بس,الدنيا مش قفش كده امري لله لو ما كنتيش تلحي

بدايه سيئه لاني فعلا مش فوتوجنيك,يلا برضه لو رفض تبقي في بيتها يعني ماحدش يعرف غير انا وماما وبابا و طنط و ما.. و و و و,يعني حوالي 20 نفر بس ..الغريبه ان بعد اسبوع ماماجت منشكحه قوي و بتقولي انه عايز يقابلني,يظهر ان نظره ضعيف

-ها... يجيلليك الشغل؟

-اوعي يهوب هناك,احنا ناقصين وقف حال,احنا نتقابل في ارض-محايده ولا يستني احسن لما اخلص امتحانات عشان اروق له

-ما انتي بترفضي كل العرسان, يعني نقول للراجل استني شهر و نصف و بعدين تقولي لا

-معاك حق,الي الارض المحايده

يا ريت نفتكر الحوار الاخير ده لانه مهم جداو قد كان ,ويا مهرة نعرفك على ماهر ههههههه
و هاتك يا ضحك من كل الستات اللي قاعده ,بس يا حلاوه يا ولاد تقولش امين شرطه اسم الله و لا دبلوماسي,علي رأي السندريلا الله يرحمها,صحيح هو ابعد ما يكون عن حسين فهمي بس هو مقبول جدا و لابس بدله,نخش في الجد بقه,برضه شكله ذكي و عاقل و مبتسم,بس حاجه داخليه كده قالتلي انه مش ناوي و قبل ما نعبر حدود الارض المحايده كنت قلتلهم كده و انا بضحك "لا طبعا,الولد شكله مبسوط و مبتسم,انتي لسه صغيره,علي كل حال انتي بتضحكي علي ايه,اشششششششششش "هشيت بما اني صغيره و دي مجامله ما مبتحصلش كتير دلوقت,سبحان الله ما عداش سواد الليل و كانوا متصلين يقولوا انهم موافقين و مبسوطين,يظهر اني فعلا ما بفهمش....و عايزيين يتقابلوا تاني,صوتت بالبلدي زي بنت سلطح بابا

-و الامتحانات

-امتحانات ايه؟

-ناقص اسبوع يا ماما

-يوووووه,دا الاسبوع فيه 7 ايام ,في 24 ساعه في 60....

هاقابله,ماما ممكن تستمر لغايه الفمتو ثانيه,لو اظهرت اي مقاومه,و بالفعل في عز نقحه الشمس نزلنا و انا لابسه البلوفر الهاي كول و الكعب 7 سم لزوم حفله الكوكتيل اللي احنا رايحينها و اذ فجأه شخص ما اقترح ان انا و هو نتمشي في الغالب امه,يا دي المصيبه و ال7 سم ,قمت ولا حول و لا قوه الا بالله ,بس التضحيه الكبيره دي جت بفايده و اتفكت عقده لسانه وهاتك يا كلام اشي سياسه خارجيه علي حزب العمل الاسرائيلي علي ابن جني, اي و الله, جني امايعفرت كيانك يا بعيد, بس سيبكوا من الهزار انا اتكيفت من الكلمتين دول ما نا قلتلكوا اني مهيسه قديمه و احب الحاجات دي زي عينيه,بس الحر يا اعزائي ,بقيت عامله زي الفراخ المسلوقه و بعد ما كان قلبي بس بينزف بقت رجلي كمان ,لحد هنا و استوب لازم اقعد,تقريبا ما عجبوش اللي حصل و سكت ,يظهر برمجه الكلام عنده علي الواقف بس,المهم رجعت البيت و انا لسه مقتنعه برأيي ,بس كلهم وقفوا ضدي و قالولي انه كان مبتسم
عدي اسبوع كمان و بدأت امتحانات و هما و لا حس و لا خبر حتي ماما بدأ يتزعزع ايمانها العتيد و ما خبيش عليكوا انا كمان قلقت,صحيح هم ما قالوش غير انهم موافقين بس الساعه البيلوجيه بتاعتي ما كنتش مطمنه,كمان ما يصحش ما يسألوش عليا و انا بامتحن,المهم اتصلوا و عايزيين يتقابلوا...شوف الظلم يا جدع طلعوا ماكانوش عايزين يعطلوني,
ماما ماعجبهاش الكلام ده كله الا الكرامه و مسكت طنط فلانه
-ولو هو مش عايز,خلاص كل منمنا يروح لحاله
و طنط يا عيني صعبت عليا قدام الهجوم الكاسح و اعترفت والله العظيم هو مبسوط و موافق,نزل عليا الكلام ده بردا و سلاما و اقعدت احلم بقه بلا مذاكره بلاهم,الست مالهاش الا بيتها برضه و اتقابلنا لثالث مره,المره دي عملت احتيطاتي و لبست جينز و زحافي لزوم المارثون و بالفعل 3 ساعات من المشي المتواصل لما رجلي بقيت زي رجلين اطفال الشوارع,اه نسيت اقولكوا حاجه مهمه,امه اقصد والدته اخدت ماما و قعدتها علي دكه في الشارع اللي في النادي , و بعد ما رجعينا من اللف عزمتها علي مياه معدنيه و الله العظيم و ده اللي اكد عند ماما شكها بانهم بخلاء بس دي كلها سفاسف زي مانتو عارفين و لا يمكن توقف موضوع عرفوا ينتزعوا مني موافقه عليه,احكيلكوا بقه علي المارثون طبق الاصل العل.. المره الفاتت بس الحقيقه المره دي كان مبسوط فعلا و قعد يتكلم عن نفسه و عن السياسه الخارجيه برضه و تعرفي فوكوياما؟ ههه وقعيت في حيص بيص,و ده ايه دا كمان؟ اكله صيني و لا ماركه موبايل؟المهم هاقولوكوا واكتبوها يمكن تنفعكوا,ده الراجل بتاع صراع الحضارات و حضاره الصراعات,ما علينا الموضوع كان فيه اسامي كتيره بس بلاش نجيب في سيره الناس ,اهم حاجه اني المره دي لبست السلطانيه فعلاحسيت انه خلاص ماهر لمهرة و حصوة في عين اللي ما يصلي علي النبي ,ده حتي ماكنش عايز يمشي.... و ثبتت الرؤيه و ما حكيلكوش عن الايام و الاحلام

تسألوني يا جلال,جلال مين,ايه يا مهرة اللي حصل؟ما حصلش حاجه خالص,خالصصص؟مالللللللللللللللللللللللص ...غطس ماقبش,هنا لازم حد يفرملني والا هاستمر في الكتابه للابد اييييييييه دنيا,و بعد شهر و نصف بالضبط من بدايه الموضوع المنيل ده,اتصلت طنط فلانه و قالت ان مافيش نصيب,يا سلااااااااااااااام و جاي علي نفسك ليه؟اقول ايه بس؟ فاكرين الحوار,حسبي الله و نعم الوكيل,بصقه موجهه لوشي بدون اي ذنب و ربنا يشمتتني فيك يا اخي شماتي في العريس رقم 13 ,اما تفسيري للحصل ان الاخ متأثر بالسياسه الامريكيه "الغابه غابتنا نبرطع براحتنا" عامه انا من يومها طلقت السياسه و ما رحتش انتخب كمان في انتخابات مجلس الشوري,هه!!!,و مركزه دلوقت في العرسان من وزاره التأمين و المعاشات بعد فشلي مع وزارات الصحه والداخليه والخارجيه و برضه الدهن في العتاقي

حيره

2008-06-09T19:42:00.003+03:00

كنت قد حكيت لكم قبلا عن الممرضات و اشتكيت منهم لكن ليسوا جميعا كذلك....منهم واحده لم يحدث بينى وبينها اى مشاكل تذكر
هذه الفتاه التى تصغرنى سنا و المحدد موعد زواجها بعد اسبوعين مصابه بورم سرطانى شرس
اصابنى الخبر بحاله من الذهول والحيره و النكد
اقاوم ذلك اليقين الداخلى بوفاتها الوشيكه
اراها امامى هذه الايام فلا اعرف كيف احدثها..هل اواسيها و لكنها لا تعرف يقينا..ايضا قد تؤلمها مثل هذه المعامله
هل اداعبها و كأن شيئا لم يكن؟؟اليس فى هذا لا مبالاه و قسوه؟؟
هل احدثها فى تفاصيل مرضها؟؟الا يؤلم هذا؟؟
اسألها عن زفافها؟؟قد تبكى ان فعلت هذا
لا اعرف ماذا افعل؟؟ و قوه تجذبنى اليها..لا اتخيل ان اتجنبها فقط لاستريح

هل شاهد احدكم فيلم "the beach" كانت مجموعه تركت العالم الى جزيره حيث لا يوجد الاالسعاده الخالصه و عندما واجهوا مرض احدهم تركوه لمصيره كيلا يعكر عليهم شيئ صفوهم...اذهلتنى فكره القسوه المرعبه وقتها و لكن اليوم جزء صغير منى يتمنى ان تحدث معجزه فلا اواجه هذه الفتاه

اتذكرنى و ان ا ستمع لحواراتها التى لا تنتهى عن الجهاز و الحلل و اللحاف...كم كنت اضيق بهذه الثرثره...كنت انتهز اى فرصه للتخلص من الحوار دون ان تشعر..كانت ثرثاره حقا
اتذكرها عندما رأيتها امس صامته تماما ...دخلت و جلست بهدوء تقرأ القرآن
اتذكرنى و انا اعنفها لانها ترفض الذهاب لطبيب لخوفها من جراحه بسيطه...ماذا ستفعل اليوم و لا امل لها الا الجراحه
ماذا افعل انا؟؟ ازورها مثل الاغراب......اشعر ان على ما هو اكثر من ذلك
تنهال على ذكرياتى معها و كلام فارغ كثير لم احسب ان اتذكره يوما
ساعدونى ماذا افعل؟
كيف اتعامل معها و احدثها و انا لا عرف كيف انظر فى عينيها

تاج الاحلام

2008-05-30T21:03:00.006+03:00

العزيزه زيانور اهدتنى تاج و ام البنين كمان

الحقيقه لا اعرف معنى تاج ..هل هوتاج (اللى بنلبسه فوق راسنا ده) ولا tag اللى بالانجليزى؟؟؟؟

التاج عن الاحلام و هتبقى فضايح

1- اذكر 5 احلام على الاقل تخص ماضيك وتحلم فيها بتغير الاشياء .. ماذا ستعدل وماذا ستترك؟؟

سوف أحكى هنا عن أحلام الطفوله الاولى

طبعا كان اول احلامى ان يكون شعرى اصفر و عيونى زرقاء..و بعد السنين بعد ان اصبح من السهل ان احصل على الشعرو العيون الملونه لم اعد اريد هذا دعك من ان اعتبره نموذج للجمال...بل ان نظرتى للجمال نفسها اختلفت فلم يعد الجمال هو جمال الوجه فقط بل لم يعد الجمال المحسوس هوالاساس..فكم رأيت من عيون جميله كاذبه و وجوه مورده هى عنوان لقبح لا تتخيله.....لكنى ايضا رأيت وجوها تضيئ بنور داخلى لا يعرف احد مصدره

و اكيد اكيد كنت اتمنى ان اصبح مدرسه لكن سرعان ما تركت هذه الامنيه غير نادمه و مازلت عند رأيئ فما اصعبها من مهنه فى هذه البلد و كم من اصحابها يدركون اهميتهم بحق

الحلم الثالث للاسف هو الحلم المستحيل و هو سر لم احكيه كثيرا من قبل...و انا فى ابتدائى كان عندنا عروض مدرسيه راقصه دائما و ابدا على انغام اغانى صفاء ابو السعود و كانت مدرسه الالعاب تختار حوالى 5\4 الفصل لهذا الغرض ...لماذا لم يتم اختيارى (رغم انى كنت طفله مقطقطه و الله) السبب طولى ...اى و الله ...كان العرض و لسبب مقدس لا اعلمه ينبغى ان ينقسم الى مجموعتين من بنات طوال و بنات قصار و لا عزاء للمتوسطين.....ثم تبدأ مرحله العذاب عندما تتحول الحصص كلها لبروفات العرض و لا يكون لى انا و الشرذمه المنبوذه الا الفرجه.....مره صعٌبنا على مدرسه موسيقى و علمتنا نشيد عشان نقوله فى الحفله لكن الحمد لله الذى لا يحمد على مكروه سواه جالها تيفود قبلها و رجعنا للفرجه من تانى

الحقيقه لا يمكننى ان استبعد هذا الحلم...فرغم عدم قدرتى على تحقيقه الا انى اتمنى ان ارى ابنه لى تحققه...يمكن اعرف وقتها ماذا كان سيكون مصيرى لو تعلمت بعضا من هز الوسط

نظرا لانى لا اتذكر احلام طفوليه اخرى فانى ساقفز لمرحله ثانوى..كنت اتمنى ان اصبح طبيبه و قد حققت هذا الحلم للاسف و بالتأكيد ارغب فى تغييره

الحلم الخامس هو حلم دائم بالصحه و الستر والنجاح و السعاده...و استطيع القول انى لن اتخلى عن هذا الحلم ابدا و هو يتحقق بنسب متفاوته على مدار الايام

2- اذكر5 احلام على الاقل تخص مستقبلك..

اولا و حتى الف اتمنى ان اصبح اما ...اعشق الاطفال و لااستطيع منع نفسى عنهم...احلم بذلك الطفل الذى اذا بكى بحث عنى و اذا بكيت فلا دواء الا عنده...انا امنه و هو امنى

يجرنى هذا بالضروره للحلم الثانى (و لا اقول كابوس؟؟) فللاسف لا نتكاثر جميعا كالاميبا....انا امزح بالطبع لكن الزواج يبدو مشكله فالناس اما تستخف به تماما و( اهى اى ست و السلام) او تصعبه فلا توجد من تستحق و العكس صحيح طبعا ...لا احلم الا بمن اقدره و يقدرنى فنتقى الله فى بعض..ولسوف احكى لكم عن بعض حوادثى مع العرسان فيما بعد

حلم ثالث...اتمنى ان اغير عملى..مكان عملى اصح ..فمازلت اريد ان اكون طبيبه و لكن فى اى مكان ثانى

رابعا...اريد ان اسافر و ان ارى الدنيا...فسحه يعنى و ليست هجره

خامسا...ربما لم يكن ينبغى له ان يكون الحلم الاخير و لكنى لا استطيع الا الصدق...اريد ان احج و ان يغفر الله لى ذنوبى...قولوا يا رب

3- اذكر شخصين على الاقل متواجدين في حياتك حاليا كنت تود وجودهم قبل الأن بزمن..

لن اقول الا امى رغم انها معى من قبل ان اولد...اما عن الاخريين فالحق انى اقدر وجود الاشخاص معى فى مختلف الاوقات ..فصديقه ثانوى التى لم نكن نفترق قد لاتكون هى من تصلح لان تكون نفس الصديقه الآن ولكنى شاكره لكل من كان بجانبى فى اى وقت من عمرى و لو كان لساعه من نهار

4- اذكر شخصين على الاقل غير متواجدين في حياتك حالياً كنت تود وجودهم الآن أو في حياة اولادك مستقبلاً..

جدتى ..يروون عنها ما يشبه الاساطير..توفت و انا فى الثانيه....مما اسمعه احسب اننا كنا سنتفق كثيرا كما ان عندى رغبه خفيه شريره فى ان اعرف هل ما يقولونه حقيقه ام هو خيال المحبين؟؟؟

فى مستقبل اولادك ؟؟....امممممممممممم....اكيد ابوهم

فعلا تعبت....بس لازم ادبس حد....امرر التاج لموناليزا امه الله و شيماء الصراحه خنقه؟

انا و البعكوكه و أشياء أخرى

2008-05-23T22:54:00.010+03:00

و البعكوكه يا اعزائى هى عربيتى الصغيره (السياره لمحبى اللغه العربيه )و هى عربيه محندقه نص عمر ..لكن ايه... حمارتك العرجاء تغنيك عن سؤال اللئيم و اللؤمه كتير زى ما انتم عارفين..و خد عندك

ازاى مش لاقيه مكان للركن طب ما تعلقيها فى الميداليه

حاسبى و انتى ماشيه لعربيه سريعه تعدى من جنبك تشقلبك

مش كنتى تجيبى هامررررر

وهكذا و هكذا ورغم كل شيئ لا اخفى عليكم حبى لها... يعنى اللى يرشها بالمايه ارشه بالدم و الا بلاش المايه دى عشان بقالى شهر باتحايل على البواب انه يرشها باى حاجه ان شاالله حتى يتف عليها ..لكن لا حياه لمن تنادى

صحيح هى ناقصها القليل جدا جدا من الكماليات ..يعنى تكييف و سمكره و دوكو و بطاريه و موتور جديد ..بس ماشيه زى الفل و الله رغم عدم موافقه البعض على كلامي

الحقيقه انا جبت العربيه دى على كبر ..يعنى تحويشه العمر كله ..و شمس قلبى و ضله

و بمناسبه الفلوس ..احب اسجل هنا دعواتى الحاره على كل اللى طلب العلاوه.. على اللى اداها.. على اللى اخدها ...على اللى رفع سعر البنزين عااااااااااااااا

يلا احكيلكم عن بعض مواقعى مع البعكوكه... من حوالى سنتين كنت لسه جايبه العربيه طازه و كنت وقتها اعمل فى الرعايه المركزه و اخذ نبطشيات24 ساعه و تحتى حوالى 12 ممرضه و معى 2 اطباء من هواه النوم اللذيذ

كان يوم شنيع (كله ضرب ضرب مفيش شتيمه) لم اجلس حتى الساعه الثالثه بعد منتصف الليل (كان زملائى قد ناموا بعد العشاء تقريبا )و كانت الدنيا قد هدأت و لم يبقى الاتحليل لاحد المرضى موعده بعد ساعه

انا قلت افرد ظهرى ساعه و لا حاجه و اكدت على الممرضات انهم يسحبوا التحليل رغم يقنى انهم لن يفعلوا شيئ الا و انا فوق رؤوسهم و بالفعل قمت بعد ساعه و نصف لكن ياللعجب الدنيا هس هس و ظلام دامس الا من انوار الاجهزه احمر و اصفر و الانذارات شغاله تيت تيت تيت ...و لا ممرضه موجوده و لا بيت الاشباح يا اخى

يا فلانه ...يا علانه ...يا زييييييييد .......يا عبيييييييييييد....يا ماما

هو ايه اللى حصل ...كل الغرف فاضيه الا من المرضى...هو انا نمت قد ايه؟

المهم علشان ما اطولش عليكم....وجدتهم اخيرا متكومين على سرير و فى سابع نومه...اصحيهملك يقوموا يقولوا و الله صاحيين يا دكتوره...اكيد انا اللى نايمه.. معلش ....بالمناسبه نبطشيه الممرضات 8 ساعات فقط

كظمت غيظى و انتظرت حتى الصباح حيث انه لا سلطه مباشره لى عليهم فى موضوع الجزائات...المهم فقعتهم الشكوى المتينه و نزلتها للمدير

طبعا تصرفهم هو منتهى الاستهتار و عدم الاحساس بالمسئوليه لكن موضوع الضمير ده متوفى من زمان..اخدوا خصم بسيط لكن ازاى ؟كيف اجرؤ على فعل كهذا؟؟؟و ثانى نبطشيه على طول لقيتهم فرغوا عجل البعكوكه

انا الاول كنت خايفه اكون ظلماهم(عبيطه والله) لكنهم كانوا يتفاخروا باعمال البلطجه هذه امام الآخريين و حتى يومنا هذا..طبيب جديد لم يعاصر هذه الحادثه لكنه سمع عنها وصفها بتحالف قوى الشعب (اللى هو الممرضات )ضد الشيطان الاعظم (اللى هو انا)

و رغم معرفه الجميع تمريض و اطباء و مديرين بما حدث و معرفه الجناه نفر نفر فانه لم يتخذ اى اجراء ..و اللى له ضهر ما يتضربش على بطنه

علاقتى بالممرضات معقده فهم يحبوننى (مش كلهم طبعا) لمعاملتى لهم و لكنهم فى نفس الوقت يأنفون من طاعه فتاه تقاربهم فى العمر و تنشأ مشاعر تشبه الغيره الى حد كبير....اتجنب الاوامر المباشره(و هو حقى ) و الصوت العالى الاحين الضروره...فى الحقيقه لا ينبغى ان تكون هذه مشكله فهذا مكان عمل على كل حال و لا ينبغى ان يتأثر العمل بمشاعرهم تجاهى ..لكن سوء الاداره و ضعف العائد المادى يزيدان المشكله حتى صارت غير قابله للحل...لا اتفرد بمثل هذه المشاكل مع الممرضات يشاركنى كل الاطباء كبارا و صغارا..ذكورا و اناثا..اكثر ما يتعبنى من الممرضات هو استهانتهم بارواح الناس ..ايحدث هذا عن جهل ام عن لا مبالاه؟؟

عامه لن يردعنى هذا من تكرار نفس الفعل..المره السابقه كان العجل tubless وبفضلهم صار عاديا فلو كرروها لن اخسر شيئا .... اش ياخذ الريح من البلاط؟؟؟

شجار

2008-05-16T22:27:00.011+03:00

لم اكن انوى الكتابه الا ان موقف حدث امامى اثار فى افكار و مشاعر متباينه..موقف بسيط يحدث كل يوم.. ابن جارتنا (8 سنوات تقريبا) تشاجر مع ابن البواب (7 سنوات تقريبا)و سبه و ضربه

زوجه البواب اشتكت لجارتنا من ابنها و الولد نفى عن نفسه التهمه و قال بكل صلف "عيب تكذبينى قدام مامتى" ..المشكله انى متأكده انه كاذب..انها خصله رذيله فيه..هل تعرف امه بهذا ..لا اعرف..جارتنا سيده فاضله و متواضعه و لم ترض عن تصرف ابنها لكن لم يأخذ الصبى الصغير حقه,منظره و هو يبكى بحرقه و يقول لقد قال لى "يا ابن ال...." اوجع قلبى و نكدنى

رباه كيف لابن جارتنا ان يقول مثل هذه السبه,المفروض انه (ولد متربى),ترى ايجرؤ ان يقولها لاحد اصدقائه؟؟لا اظن.
البواب عندنا هو البيه البواب حقا..حتى انه كان ينادينى بتدليل اسمى لفتره غير بعيده ,اولاده متعلمين مظهرهم محترم(لم يصدق زمايلى فى المستشفى عندما شافوا الابن الاكبر,كان قد جاء يكشف و هرونى غتاته) و رغم ذلك لم يغنى عنهم شيئا

تؤلمنى الفروق بين البشر..يؤلمنى رؤيتها و يؤلمنى اعترافى بوجودها..و ادعو الله الاأؤذى اى انسان..اترانى لم اجرح احدا من قبل؟يا ليت
يولد البشر و ليس فى نفوسهم ذره من كبر و تمر السنين ولا تعرف ماذا حدث؟؟؟

مع ان كل الخلق من اصل طين
و كلهم بينزلوا مغمضين
بعد الدقايق و الشهور و السنين
تلاقى ناس اشرار و ناس طيبين

عجبى!!!

عجبى كما قال صلاح جاهين,ذكٌرنى هذا بمنظر رأيته في شارع عباس العقاد, طفلتين فى الثالثه..آيتين فى الجمال مصرتان على اللعب معا و مشاركه بعضهم الآيس كريم رغم ان كل ام كانت تجذب بنتها بعيدا عن الاخرى..لماذا؟ببساطه كانت واحده شحاذه و الاخرى سيده راقيه..هل لو كانت الطفلتين تفهمان هذا,اكانوا استمروا فى اللعب؟؟؟؟

اعود و افكر ..ان ما حدث هو نتيجه تدليل زائد لجارتنا لابنها و الحق يتفرد هو بهذا التدليل عن باقى اولادها فهى انجبته بسن كبيره و تخشى الاتظل معه حتى يكبر.. خاصه بعد شفائها من ورم خبيث مؤخراً....على رأى أمى كل الناس غلابه!

الحرافيش

2008-05-14T13:41:00.008+03:00

وقعت فى هوى روايه الحرافيش من اول سطر بل اقول وقعت فى هوى الحرافيش نفسهم و الحرافيش فى نظر
المؤرخين هم "اوباش العامه الذين يحترفون الوظائف الدنيا"..ولكن هذا لم يمنع ابن بطوطه بان يصفهم بانهم اهل صلابه..استطاعوا ان يهددوا نفوذ السلاطين فى بعض الاحيان
ارجع لروايه الحرافيش و هى بوابه لعالم ساحر يبدو فى الظاهر مخالفا تماما لواقعنا و لكنك اذا تمعنت لوجدت الناس هم نفسهم حرافيش نجيب محفوظ الذين يحلمون بالعدل و يقدسون القوه( و ان لم تكن فيهم)..يثورون حينا و يستكينون دهرا..بالله عليكم اليس هذا حالنا جميعا
لكن الروايه تنتهى بالامل و تعد هؤلاء الذين يخوضون الحياه ببراءه الاطفال و طموح الملائكه
بالجائزه الكبرى..خروج الشيخ من التكيه بنفسه ليهديهم القوت و القوه ..التوت و النبوت

والشيئ بالشيئ يذكر ..التكيه هى بناء ظهر فى عهد العثمانين يجمع بين وظيفه الخانقاه التى توؤى الصوفيه وبين ايواء الفقراء و المساكين... لذلك نراها عند نجيب محفوظ مكان مقدس لا يمكن الدخول له بل هو جائزه الصابرين بينما فى المثل الشعبى نشير الى اى مكان بلا ضابط و لا رابط و المال بدون صاحب فنقول تكيه

للامانه العلميه و الادبيه و كل الامانات حتى امانه الحزب الوطنى .. وصف المدونه بالنص من
روايه الحرافيش لنجيب محفوظ

سلام عليكم

2008-05-13T19:59:00.000+03:00

اهلا و سهلا
انا مهره....طبيبه بشريه...جديده طحن فى عالم التدوين
لازلت لا اعرف كيف اتعامل مع المدونه لكننا بنتعلم
انا كنت نشرت عند برايد (بيت العرايس و العرسان)و في الغالب سانشرها هنا
ممكن تقروها لغايه ما اتعامل
سلام